spot_img
24 C
Guwahati
24 C
Guwahati
মঙলবাৰ, জানুৱাৰী 25, 2022
Homeজীৱন শৈলীসু-স্বাস্থ্যৰ অধিকাৰী হৈ থাকিবলৈ খোৱাৰ সময়ত নিতৌ মানি চলক এইসমূহ নিয়ম! কি...

সু-স্বাস্থ্যৰ অধিকাৰী হৈ থাকিবলৈ খোৱাৰ সময়ত নিতৌ মানি চলক এইসমূহ নিয়ম! কি ক’লে আয়ুৰ্বেদ বিশেষজ্ঞই?

জানেনে আপুনি গ্ৰহণ কৰা খাদ্য শৰীৰ বাবে কিমান হানিকাৰক!
আয়ুৰ্বেদৰ মতে, খোৱাৰ সময়ত এই ৪ টা নিয়ম অধিক গুৰুত্বপূৰ্ণ! আপোনাক সুস্থ কৰি ৰাখিবলৈ ই সহায়ক হ’ব৷

ডিজিটেল ডেস্কঃ প্ৰতিজন মানুহৰ খাদ্যৰুচি পৃথক পৃথক। সু-স্বাস্থ্যৰ অধিকাৰী হৈ থাকিবলৈ স্বাস্থ্যকৰ তথা সুষম আহাৰ গ্ৰহণ কৰাটো অত্যাৱশ্যকীয়। বিশেষজ্ঞসকলৰ পৰামৰ্শ অনুসৰি, পুষ্টিকৰ খাদ্য় দেহৰ লগতে মনৰো স্বাস্থ্য অতুট ৰখাট সহায় কৰে৷ আয়ুৰ্বেদৰ মতে, নিয়ম অনুসৰি খোৱাটো স্বাস্থ্যপক্ষে লাভজনক। আমি কেৱল খাদ্য খোৱাৰ বাবেই উশাহ ল’বলৈ, শুবলৈ, আনকি খোজ কাঢ়িবলৈও সক্ষম হওঁ। তাৰমাজতে বহুজনে বদহজমৰ সমস্যাটো ভোগে। বহুলোক বদহজম, অম্লতা, কোষ্ঠকাঠিন্য আৰু অলস হজমত ভোগে। আয়ুৰ্বেদে অৱশ্যে এই সমস্যাৰ পৰা পৰিত্ৰাণ পোৱাৰ বাবে নানান বাট দেখুৱাইছে ।

আয়ুৰ্বেদিক বিশেষজ্ঞ ডঃ নিতিকা কোহলীয়ে তেওঁৰ ইনষ্টাগ্ৰামত এটা পোষ্ট শ্বেয়াৰ কৰিছিল৷ য’ত তেওঁ খোৱাৰ নিয়মৰ বিষয়ে কৈছিল। তেওঁৰ মতে, হজমৰ বাবে খাদ্য সঠিকভাৱে খোৱা আৰু খোৱাৰ নিয়ম বোৰ অনুসৰণ কৰাটো আমাৰ সকলোৰে বাবে অতি গুৰুত্বপূৰ্ণ। যিয়ে আপোনাৰ শৰীৰ সু-স্বাস্থ্য অতুট ৰখাত সহায়ক হ’ব লগতে মনটোও ভাল থাকিব।

যদি আপুনি স্বাস্থ্যৱান হৈ থাকিব বিচাৰে, তেনেহ’লে আয়ুৰ্বেদিক বিশেষজ্ঞৰ পৰামৰ্শ অনুসৰণ কৰাটো উচিত-

১) গৰম অথবা সতেজ খাদ্য গ্ৰহণ কৰিব-
বিশেষজ্ঞসকলৰ মতে, সদায়ে ঠাণ্ডা খাদ্য খোৱাৰ পৰা বিৰত থাকিবলৈ চেষ্টা কৰক৷ আৰু আপুনি গৰম আৰু সতেজ খাদ্য খাবলৈ প্ৰয়াস কৰক। গৰম খাদ্যই পাচন শক্তি উদ্দীপিত কৰে। কেৱল সেয়াই নহয়, ই হজম উন্নত কৰাতো সহায়ক হয়। আপুনি যিমানে গৰম খাদ্য় গ্ৰহণ কৰিব, সিমানেই শৰীৰৰ বাবে উপকাৰী বুলি বিবেচিত হ’ব। ই শৰীৰত পিত্তৰ বিকাৰ বৃদ্ধিৰ বাবে দায়বদ্ধ। য’ত ঠাণ্ডা খাদ্যই পাচন তন্ত্ৰক বেয়াকৈ প্ৰভাৱিত কৰে।

২) তেল আৰু ঘিউ খোৱাটোও প্ৰয়োজনীয়-
চৰ্বি বৃদ্ধিৰ ভয়ত আমি সহজে আহাৰৰ পৰা ঘিউ বা তেল বাদ দিওঁ। কিন্তু মজলীয়া ঘিউৱে কোষবোৰত চৰ্বিৰ অদ্ৰৱণীয় বিষাক্ত পদাৰ্থবোৰ উলিয়াই দিয়ে। য’ত চৰ্বি নিয়ন্ত্ৰণত বিশেষভাৱে সহায়ক বুলি বিবেচিত হৈছে। ফলস্বৰূপে, শৰীৰত অতিৰিক্ত চৰ্বি সহজে শক্তিলৈ ৰূপান্তৰিত হয় আৰু সোনকালে ওজন হ্ৰাস কৰে। আহাৰত মজলীয়া ঘিউ গ্ৰহণ কৰিলে কেতিয়াও ইয়াৰ ক্ষতি নহয়। ইয়াৰ পৰিৱৰ্তে, তেল আৰু ঘিউ বাদ দিয়াতকৈ জাংক ফুড বা ফাষ্ট ফুড খোৱাটো বন্ধ কৰা ভাল। তেল আৰু ঘিউ সম্পূৰ্ণৰূপে পৰিহাৰ কৰিলে আপোনাক বিপদাশংকাত পেলাব পাৰে। আমাৰ শৰীৰক চৰ্বিৰ প্ৰয়োজন। আমাৰ মগজু, নিউৰন প্ৰণালী, স্নায়ু, ৰক্ত সঞ্চালন প্ৰণালীত চৰ্বিয়ে এক গুৰুত্বপূৰ্ণ ভূমিকা পালন কৰে। খাদ্যৰ আটাইতকৈ স্বাস্থ্যকৰ প্ৰকাৰ হৈছে সন্তুলিত খাদ্য। কেৱল ট্ৰেন্স চৰ্বি থকা খাদ্য পৰিহাৰ কৰিব লাগে।প্ৰতিদিনে ২ৰ পৰা ৩ চাহ চামুচ ঘিউ বা ভাল তেল যেনে সৰিয়হ বা জলফাই তেল খোৱা শৰীৰৰ বাবে উপকাৰী।

৩) অত্যাধিক খোৱাৰ পৰা বিৰত থাকক-
বহুলোকে ভোক লাগিলে অধিক খাদ্য খায়। কিন্তু কিছু সময়ৰ পাছত, কোষ্ঠকাঠিন্য আৰু হজমৰ সমস্যা দেখা দিয়ে। আয়ুৰ্বেদৰ মতে, প্ৰতিজন ব্যক্তিয়ে সঠিক পৰিমাণৰ খাদ্য খাব লাগে।

৪) কেৱল দুপৰীয়া হে গধুৰ আহাৰ গ্ৰহণ কৰা উছিত-
কোৱা হয় যে দুপৰীয়াৰ আহাৰ আটাইতকৈ প্ৰয়োজনীয় আৰু ভাল হ’ব লাগে। আয়ুৰ্বেদৰ নিয়ম হৈছে ৰাতিপুৱা আৰু সন্ধিয়া কম খাদ্য খোৱা, কিন্তু দুপৰীয়াৰ আহাৰ অতি স্বাস্থ্যকৰ আৰু ভাল হ’ব লাগে। আয়ুৰ্বেদত, ৰোগ প্ৰতিৰোধ কৰিবলৈ ব্যক্তি এজনৰ জীৱন যাপনকে ধৰি আহাৰ সলনি কৰাৰ ওপৰত গুৰুত্ব দিয়া প্ৰয়োজন। যিয়ে আপোনাক সু-স্বাস্থ্যৰ অধিকাৰী কৰি ৰখাত সহায় কৰে৷

স্বাস্থ্যই হৈছে পৰম সম্পদ৷ নিৰোগী স্বাস্থ্যত বাস হয় সুস্থ মনৰ ৷ 

RELATED ARTICLES

Watch latest Movies & TV Series on Prag Play

Most Popular