spot_img
26 C
Guwahati
Thursday, September 16, 2021
spot_img
Homeআন্তঃৰাষ্ট্ৰীয়জি-৭ৰ নেতৃবৃন্দৰ সৈতে বৈঠকৰ আহ্বান বৰিছ জনছনৰ

জি-৭ৰ নেতৃবৃন্দৰ সৈতে বৈঠকৰ আহ্বান বৰিছ জনছনৰ

লণ্ডনঃ আফগানিস্তানৰ সংকটৰ বিষয়ে আলোচনা কৰিবলৈ জি-৭ নেতাসকলৰ সৈতে বৈঠকৰ আহ্বান জনাইছে ব্ৰিটিছ প্ৰধানমন্ত্ৰী বৰিছ জনছনে। সম্প্ৰতি সৃষ্টি হোৱা সন্ত্ৰাসজৰ্জৰ সমস্যাৰ আওতাত মঙলবাৰে সমাধানৰ উপায় বিচাৰি আহ্বান জনাব বুলি জানিবলৈ পোৱা গৈছে।


জনছনে দেওবাৰে টুইটাৰত কয়, ‘সুৰক্ষিত স্থানান্তৰ নিশ্চিত কৰিবলৈ, মানৱীয় সংকট প্ৰতিহত কৰিবলৈ আৰু ২০ বছৰৰ নিৰাপত্তা লাভৰ বাবে আফগান লোকসকলক সমৰ্থন কৰাৰ বাবে আন্তঃৰাষ্ট্ৰীয় সম্প্ৰদায়ে একেলগে কাম কৰাটো অতি গুৰুত্বপূৰ্ণ। মই মঙলবাৰে আফগানিস্তানৰ পৰিস্থিতিৰ ওপৰত জৰুৰী আলোচনাৰ বাবে জি-৭ নেতাসকলক আহ্বান কৰিম।’


উল্লেখ্য যে, যুক্তৰাজ্যই বৰ্তমান ব্ৰিটেইন, কানাডা, ফ্ৰান্স, জাৰ্মানী, ইটালী, জাপান আৰু আমেৰিকা যুক্তৰাষ্ট্ৰক লৈ গঠিত ধনী ৰাষ্ট্ৰসমূহৰ গোটৰ অধ্যক্ষতা কৰি আহিছে। আনহাতে, জনছনে বিগত সপ্তাহৰ পৰা এখন বৈঠকৰ বাবে জোৰ দি আছে। পশ্চিমীয়া মিত্ৰশক্তিয়ে বিশৃংখল দৃশ্যৰ মাজত আফগানিস্তানৰ সংকটৰ সৈতে মোকাবিলা কৰাৰ বাবে বৰ্ধিত সমালোচনাৰ সন্মুখীন হোৱাও পৰিলক্ষিত হৈছে। এনে পৰিপ্ৰেক্ষিতত জনছনৰ আহ্বানে কেনে সঁহাৰি লাভ কৰে, সেয়াহে হ’ব লক্ষ্যণীয়! উল্লেখ্য যে, বৃহস্পতিবাৰে অনুষ্ঠিত এক ভাৰ্চুৱেল বৈঠকৰ পাছত জি-৭ৰ বৈদেশিক মন্ত্ৰীসকলে তালিবানসকলক ৰাজধানীৰ পৰা পলায়ন কৰিবলৈ চেষ্টা কৰা নাগৰিকৰ বাবে সুৰক্ষিত পথ প্ৰদান কৰিবলৈ আহ্বান জনাইছিল।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
overcast clouds
26 ° C
26 °
26 °
89 %
0kmh
90 %
Thu
26 °
Fri
28 °
Sat
29 °
Sun
31 °
Mon
31 °

Watch latest Movies & TV Series on Prag Play

Most Popular