spot_img
27 C
Guwahati
Thursday, September 23, 2021
spot_img
Homeআন্তঃৰাষ্ট্ৰীয়আফগানিস্তানত তালিবানে আঁতৰালে গুৰুদ্বাৰৰ ধৰ্মধ্বজা

আফগানিস্তানত তালিবানে আঁতৰালে গুৰুদ্বাৰৰ ধৰ্মধ্বজা

কাবুল : আফগানিস্তানত তালিবানী সন্ত্ৰাস পুনৰ তুংগত উঠিছে। ব্যাপক হাৰত সন্ত্ৰাসবাদী কাৰ্যকলাপ চলাই থকাৰ লগতে তালিবানে আন ধৰ্মৰ প্ৰতিও নিজৰ অসহিষ্ণু কাৰ্যকলাপ আৰম্ভ কৰিছে। শেহতীয়াকৈ তালিবানৰ ৰোষৰ বলি হৈছে আফগানিস্তানৰ শিখ সম্প্ৰদায়ৰ লোকসকল। যুদ্ধজৰ্জৰ দেশখনৰ পূব প্ৰান্তৰ পাক্তিয়া প্ৰদেশৰ এটা গুৰুদ্বাৰত থকা শিখ সকলৰ ধৰ্মধ্বজা ‘নিচান চাহিব’ তালিবানে আঁতৰাই পেলোৱা বুলি সংবাদ মাধ্যমত প্ৰকাশ পাইছে।

পাক্তিয়া প্ৰদেশৰ চামকানি এলেকাত থকা থালা চাহিব গুৰুদ্বাৰৰ ওপতৰ লাগি থকা ‘নিচান চাহিব’ আঁতৰাই পেলাইছে তালিবান সন্ত্ৰাসবাদীয়ে। ছ’চিয়েল মিডিয়াত ইয়াৰ আলোকচিত্ৰ প্ৰকাশেৰে পোনতে এই বিষয়টো পোহৰলৈ আনে একাংশ লোকে। এই ঐতিহাসিক গুৰুদ্বাৰটো এসময়ত শিখ ধৰ্মৰ প্ৰৱৰ্তক গুৰু নানকে ভ্ৰমণ কৰিছিল বুলি জনা যায়।

উল্লেখ্য যে, যোৱা বছৰ এই গুৰুদ্বাৰটোৰ পৰা হিন্দু আৰু শিখ ধৰ্মীয় নেতা নিদান সিং ছছদেৱাক অপহৰণ কৰিছিল তালিবানে। পাছত আফগান চৰকাৰ আৰু এই ধৰ্মীয় সমাজৰ নেতাসকলৰ হস্তক্ষেপত তেওঁক মুকলি কৰি দিছিল। তালিবানৰ বৰ্ধিত সন্ত্ৰাসে দেশখনৰ ধৰ্মীয় সংখ্যালঘু লোকসকলৰ প্ৰতি পুনৰ সংকট কঢ়িয়াই অনাৰ আশংকাৰ সৃষ্টি হৈছে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
mist
27 ° C
27 °
27 °
83 %
0kmh
40 %
Thu
26 °
Fri
33 °
Sat
33 °
Sun
33 °
Mon
32 °

Watch latest Movies & TV Series on Prag Play

Most Popular