Google search engine
27 C
Guwahati
Thursday, July 29, 2021
Google search engine
Homeআঞ্চলিককাৰাগাৰৰ পৰাই ৰঙালীৰ শুভেচ্ছা জনালে অখিলেঃ বন্দিত্বৰ জীৱনে ৪৮৮টা দিন অতিক্ৰম

কাৰাগাৰৰ পৰাই ৰঙালীৰ শুভেচ্ছা জনালে অখিলেঃ বন্দিত্বৰ জীৱনে ৪৮৮টা দিন অতিক্ৰম

গুৱাহাটী : কাৰাগাৰৰ পৰাই অসমৰ ৰাইজলৈ ৰঙালী বিহুৰ শুভেচ্ছা জনালে অখিল গগৈয়ে। লগতে লিখিলে বন্দী জীৱনৰ কেইবাটাও ভাল লগা কাহিনী। তেওঁ লিখিছে,- ‘মোৰ বন্দী জীৱনৰ ভাল লগা কেইটামান কাহিনী’-

আজি মোৰ বন্দী জীৱনে ৪৮৮টা দিন অতিক্ৰম কৰিলে, এবছৰ চাৰিমাহ এদিন। বিজেপি চৰকাৰৰ পাঁচ বছৰীয়া শাসনকালত মই প্ৰায় দুবছৰ জে’লতে কটালো। বিজেপি অহাৰ পাছত মই এটাও বিহু খাবলৈ পোৱা নাই, সেয়া ব’হাগ বিহুৱে হওক, মাঘ বিহুৱে হওক। ২০২১ চনৰ ব’হাগ বিহুটোও ব্যতিক্ৰম নহ’ল। মই বহুদিন আকাশ দেখা নাই, গাত পৰা নাই ৰ’দ। NIAৰ গোচৰত বন্দী হৈ নানা ৰোগত ভুগি চিকিৎসালয়ত ভৰ্তি হৈ আছোঁ। মোৰ এনে দুৰ্দশাগ্ৰস্ত আৰু বেদনাৰে ভৰা দিনবোৰতো কেতিয়াবা কেতিয়াবা ভাল লগা কিছুমান ঘটনা সংঘটিত হয়। সংবেদনশীল মানুহৰ স্পৰ্শ পৰে। তেতিয়াই বৈ যায় সুখৰ চকুলো। আজিও তেনে এটা ঘটনাই ঘটিল।

আৰু পঢ়িব পাৰিব : বৰপেটাৰোড চহৰত দিন দুপৰতে চুৰিকাণ্ড: আটক দুই দুৰ্ধষ চোৰ

১৩ এপ্ৰিল, ২০২১ চন। পুৱা দেৰিকৈ আঠমান বজাত শুই উঠিছোঁ। ৰাতি অনেক টেবলেটৰ লগতে টোপনি ধৰা ঔষধ (স্লিপিং টেবলেট) খোৱাৰ বাবে উঠোঁ-নুঠুকৈ উঠি হামিয়াই-সিঁকতিয়াই বাতৰি কাকত কেইখনত চকু ফুৰাইছোঁ। এনেতে চিকিৎসালয়ৰ দুৱাৰত টোকৰ পৰিল। দুৱাৰখন খুলি দিলোঁ। এজন পুলিচ কনিষ্টবল হাঁহি হাঁহি মোৰ কোঠালৈ সোমাই আহিল। হাতত এখন ফুলাম গামোচা আৰু এটা টিফিন বক্স। মানুহজনক বহুদিন পাইছোঁ। অতি কৰ্তব্যনিষ্ট, কঠোৰ, শৃংখলাবদ্ধ পুলিচ কনিষ্টবল। কোনোদিন অনুকম্পা নেদেখুৱাই। মই যন্ত্ৰৱৎ থিয় হৈ দিলোঁ। ডিঙিত গামোচাখন পিন্ধাই দিলে, হাতত গুজি দিলে এখন ৰুমাল আৰু টিফিন বক্সটো। ক’লে – “শ্ৰীমতীয়ে পিঠা দি পঠাইছে। বিহু বুলি। আমিটো সকলোৱে বিহু পাতিম, আপুনিহে দেশৰবাবে সোমাই আছে।” তাৰপাছত এটি আলিংগন। মই ততাতৰিয়াকৈ কোঠাত থকা সামান্য খুৱাবস্তু এটা আগবঢ়াই দি বিদায় দিলোঁ। তাৰপাছৰ পৰা মনটো কিবা বুজাব নোৱাৰা সুখানুভূতিৰে ভৰাই তুলিলে। মাজে মাজে চকুলো বৈ থাকিল।’

আৰু পঢ়িব পাৰিব : ক’ভিডভীতিৰ মাজতে ৰাজ্যবাসীয়ে পালন কৰিছে গৰু বিহু

এনেদৰে কাৰাৰূদ্ধ অখিল গগৈয়ে লিখি উলিয়াই নিজৰ তিতা-মিঠা অভিজ্ঞতা৷

RELATED ARTICLES

Today's Weather

Guwahati
heavy intensity rain
27 ° C
27 °
27 °
83 %
2.1kmh
75 %
Thu
27 °
Fri
29 °
Sat
28 °
Sun
30 °
Mon
28 °

Watch latest Movies & TV Series on Prag Play

Most Popular