spot_img
24 C
Guwahati
24 C
Guwahati
দেওবাৰ, ডিচেম্বৰ 5, 2021
Homeআঞ্চলিকইণ্টাৰনেচনেল চিলড্ৰেনছ ৰাইটছ চলচ্চিত্ৰ মহোৎসৱলৈ উৎপল বৰপূজাৰীৰ চুটি ছবি ‘শগুন’

ইণ্টাৰনেচনেল চিলড্ৰেনছ ৰাইটছ চলচ্চিত্ৰ মহোৎসৱলৈ উৎপল বৰপূজাৰীৰ চুটি ছবি ‘শগুন’

ডিজিটেল ডেস্কঃ বিশিষ্ট চিত্ৰ নির্মাতা উৎপল বৰপূজাৰীৰ চুটি ছবি ‘শগুন’ ইন্টাৰনেশ্যনেল চিলড্ৰেনছ ৰাইটছ চলচ্চিত্ৰ মহোৎসৱলৈ নিৰ্বাচিত হৈছে। তুৰ্কীৰ ইজমিৰ চহৰত অনুষ্ঠিত হ’ব ইন্টাৰনেশ্যনেল চিলড্ৰেনছ ৰাইটছ চলচ্চিত্ৰ মহোৎসৱ। বিশিষ্ট গল্পকাৰ মনোজ কুমাৰ গোস্বামীৰ একে নামৰ চুটি গল্পটোৰ আধাৰত উৎপল বৰপূজাৰীয়ে নিৰ্মাণ কৰিছে ‘শগুন’ নামৰ চুটি ছবিখন।এই ছবিখন আইএফটি ইণ্ডিয়াই প্ৰযোজনা কৰিছে।

অহা ১২ নৱেম্বৰৰ পৰা ২০ নৱেম্বৰলৈকে ইণ্টাৰনেচনেল চিলড্ৰেনছ ৰাইটছ চলচ্চিত্ৰ মহোৎসৱ তুৰ্কীৰ ঐতিহাসিক উপকূলীয় চহৰত অনুষ্ঠিত হ’ব। এই চুটি ছবিখনত বৰ্তমান যুগৰ সাংবাদিকতাৰ জগতখনক গ্ৰস্ত কৰা দুৰ্নীতি, পক্ষপাত, ভুৱা বাতৰিৰ প্ৰচাৰ আদিক সাৱলীল ৰূপত উত্থাপন কৰা হৈছে। ৰাজনৈতিক আৰু কৰ্প’ৰেট হাউচসমূহৰ প্ৰভাৱ- ইত্যাদিকো সুন্দৰকৈ তুলি ধৰা হৈছে। উল্লেখ্য যে ইয়াৰ পূৰ্বে ‘শগুন’ কেইবাখনো সন্মানীয় চুটি ছবি মহোৎসৱত প্ৰদৰ্শিত হৈছে।

২১সংখ্যক নিউয়ৰ্ক ইণ্ডিয়ান ফিল্ম ফেষ্টিভেলতো ‘শগুন’ প্ৰদৰ্শিত হৈছিল। ছবিখনে গুৱাহাটী চিনে ক্লাবে আয়োজন কৰা ১৩সংখ্যক গুৱাহাটী আন্তঃৰাষ্ট্ৰীয় চলচ্চিত্ৰ মহোৎসৱৰ চুটি ছবিৰ শিতানত শ্ৰেষ্ঠ ছবিৰ সন্মান লাভ কৰিছিল। তদুপৰি, ভাৰতৰ চুটি ছবি আৰু ডকুমেণ্টেৰী চিনেমা মহোৎসৱৰ ভিতৰত অন্যতম থিৰুৱন্তপুৰমৰ ১৩সংখ্যক ছাইনছ ফেষ্টিভেলত ‘শগুন’ প্ৰদৰ্শিত হৈছিল।

আৰু পঢ়কঃ বিশ্বৰ জনপ্ৰিয় নেতাৰ শীৰ্ষৰ আসনত ভাৰতৰ প্ৰধানমন্ত্ৰী নৰেন্দ্ৰ মোদী

কেৰালাৰ সন্মানীয় চুটি আৰু তথ্যচিত্ৰ মহোৎসৱ ১৪তম চাইনচ্ (Signs)-ত উচ্চ প্ৰশংসা অৰ্জন কৰিছে এই চুটি ছবিখনে। বাডুংডুপ্পা কলা কেন্দ্ৰৰ সহযোগত গোৱালপাৰাৰ আগিয়া অঞ্চলত ‘শগুন’ৰ দৃশ্যগ্ৰহণ কৰা হৈছিল। ‘শগুন’-এ পুনৰ এটা ভাল খবৰ কঢ়িয়াই অনাত উৎফুল্লিত হৈ পৰিছে ছবিখনৰ লগত জড়িত সমূহ কলা-কুশলী।

RELATED ARTICLES

LEAVE A REPLY

Please enter your comment!
Please enter your name here

Watch latest Movies & TV Series on Prag Play

Most Popular