spot_img
33 C
Guwahati
Thursday, September 23, 2021
spot_img
Homeআন্তঃৰাষ্ট্ৰীয়পুত্ৰস্নেহত আতুৰ মাতৃৰ দুঃসাহসিক অভিযান

পুত্ৰস্নেহত আতুৰ মাতৃৰ দুঃসাহসিক অভিযান

লছ এঞ্জেলছঃ কোনো মাতৃয়ে নিজৰ সন্তানৰ বিপদৰ সময়ত হাত সাৱটি বহি থাকিব নোৱাৰে। প্ৰতিগৰাকী মাতৃয়ে নিজ সন্তানৰ বিপদসংকুল পৰিস্থিতিত নিজৰ জীৱনক আহুতি দি হ’লেও সন্তানৰ জীৱন ৰক্ষাৰ বাবে জঁপিয়াই পৰে। শেহতীয়াকৈ তেনে এক ঘটনাই সংঘটিত হৈছে। এগৰাকী মাতৃয়ে তেওঁৰ ৫বছৰীয়া পুত্ৰক সিংহৰ মুখৰ পৰা উদ্ধাৰ কৰাৰ এক বিৰল ঘটনা পোহৰলৈ আহিছে। সিংহৰ মুখত পৰা মাতৃৰ প্ৰচণ্ড ঘোঁচাত প্ৰাণৰক্ষা পৰে শিশুটিৰ। আমেৰিকা যুক্তৰাষ্ট্ৰৰ লছ এঞ্জেলছৰ ছাণ্টা মনিকা পৰ্বতমালাত সংঘটিত ঘটনাটো চৰ্চিত হৈ পৰিছে।


আন্তঃৰাষ্ট্ৰীয় সংবাদ মাধ্যমত প্ৰকাশ পোৱা প্ৰতিবেদনৰ মতে, মহিলাগৰাকীৰ সন্তানে ঘৰৰ সন্মুখত খেলি আছিল। মাতৃয়ে ঘৰৰ ভিতৰতে কাম বনত ব্যস্ত আছিল। হঠাতে তেওঁ বাহিৰত এটা অদ্ভুত শব্দ শুনিলে। এটা পাহাৰীয়া সিংহ দৌৰি গৈ তেওঁৰ পুত্ৰক টানি নিয়া প্ৰত্যক্ষ কৰিছিল। শিশুটোৰ মাতৃয়ে সিংহটোক এটাৰ পিছত এটা কৈ খালী হাতেৰে ঘোঁচা মাৰিছিল। ঘোঁচাৰ বেদনাত কাতৰ সিংহটোৱে এসময়ত শিশুটোক মুকলি কৰি দিছিল। সিংহৰ কবলৰ পৰা উদ্ধাৰৰ পাছত অভিভাৱকসকলে শিশুটিক ততাতৈয়াকৈ চিকিৎসালয়লৈ লৈ গৈছিল। বন্যপ্ৰাণী বিভাগকো অৱগত কৰিছিল স্থানীয়লোকে। কেলিফৰ্ণিয়াৰ বন্যপ্ৰাণী বিভাগৰ কৰ্মচাৰীসকলে আহি সিংহটোৰ সম্ভেদ বিচাৰি পায় আৰু পাছত সিংহটোক গুলীয়াই হত্যা কৰা বুলি মৎস আৰু বন্যপ্ৰাণী বিভাগৰ মুখপাত্ৰ কেপ্টেইন পেট্ৰিক ফেয়ে জানিবলৈ দিছে।


পেট্ৰিকে লগতে কয় যে, সিংহৰ আক্ৰমণত শিশুটিয়ে মূৰ আৰু শৰীৰৰ ওপৰভাগত গুৰুতৰ আঘাত পাইছে। বৰ্তমান শিশুটিক লছ এঞ্জেলছৰ চিকিৎসালয়ত চিকিৎসাধীন হৈ আছে। শিশুটিৰ অৱস্থা বৰ্তমান সুস্থিৰ বুলি চিকিৎসকে জনাইছে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
haze
33 ° C
33 °
33 °
58 %
1.5kmh
40 %
Thu
31 °
Fri
33 °
Sat
33 °
Sun
33 °
Mon
30 °

Watch latest Movies & TV Series on Prag Play

Most Popular