spot_img
27 C
Guwahati
Monday, September 20, 2021
spot_img
Homeক্ৰীড়াকেইবা কোটি টকাৰ ঋণত ককবকাইছে বাৰ্চিলোনাই

কেইবা কোটি টকাৰ ঋণত ককবকাইছে বাৰ্চিলোনাই

স্পেইনঃ বিপদৰ ক’লীয়া ডাৱৰ আঁতৰা নাই বাৰ্চিলোনাৰ। লিঅ’নেল মেছীৰ দৰে মহান তাৰকাৰ বাৰ্চিলোনা গমনৰ পাছত বিনা মেঘে বজ্ৰপাতহে যেন পৰিছে বাৰ্চা ক্লাবত। চৰম বিত্তীয় সংকটত ককবকাইছে বাৰ্চিলোনাই। বাৰ্চিলোনা সভাপতি হোয়ান লাপোৰ্টাই প্ৰকাশ কৰিছে চাঞ্চল্যকৰ তথ্য। তেওঁ সদৰী কৰা মতে, সম্প্ৰতি ৪৮ কোটি ১০লাখ ইউৰো লোকচানত আছে ক্লাবটো।

শেহতীয়াকৈ, ৬৩ কোটি ১০ লাখ ইউৰো আয়ৰ বিপৰীতে খৰচ ১১৩ কেটি ৬০ লাখ ইউৰো। কৰ’নাসৃষ্ট পৰিৱেশৰ বাবে ৯ কোটি ১০ লাখ ইউৰো আয়ৰ পৰা বাৰ্চিলোনা ক্লাব বঞ্চিত হোৱা বুলি সদৰী কৰে লাপোৰ্টাই। তেওঁ লগতে কয় যে, ‘আমাৰ ঋণ আৰু আনৰ ঋণৰ মাজৰ পাৰ্থক্য হৈছে ৫৫ কোটি ১০ লাখ ইউৰো। ক্লাবটোৰ বেংক ঋণো বৃদ্ধি পাইছে।

বেংকসমূহৰ ঋণ ৬৭৩ নিযুত ইউৰোলৈ বৃদ্ধি পাইছে। সভাপতিৰ দায়িত্ব গ্ৰহণৰ পাছত, আমি গোল্ডমেন চাক্সৰ পৰা নিৰ্ধাৰিত সময়ৰ বাবে ৮ কোটি ইউৰো ধাৰে লৈছিলোঁ। অন্যথা আমি খেলুৱৈসকলক মাহিলী দৰমহা পৰিশোধ কৰিব নোৱাৰিলোহেঁতেন।’ ইফালে, সংবাদ মাধ্যমৰ পৰা ৭৯ নিযুত ইউৰো অগ্ৰিম ধন লোৱাৰ উপৰি খেলুৱৈ নিলামৰ এটা অংশ আগতীয়াকৈ দিয়া হৈছে বুলিও সভাপতিজনে সদৰী কৰিছে। উল্লেখ্য যে, বিগত সময়ছোৱাত ক্লাবটোৰ উত্থান-পতনে আশংকা তীব্ৰতৰ কৰি তুলিছে। অনাগত সময়ত ক্লাবটোৱে কি পথে অগ্ৰসৰ হয়, সেয়াহে হ’ব লক্ষ্যণীয়!

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
mist
27 ° C
27 °
27 °
89 %
0kmh
75 %
Mon
32 °
Tue
31 °
Wed
30 °
Thu
31 °
Fri
32 °

Watch latest Movies & TV Series on Prag Play

Most Popular