Google search engine
25.8 C
Guwahati
Wednesday, July 28, 2021
Google search engine
Homeব্ৰেকিং নিউজচত্তিছগড়ৰ মাওবাদী কাণ্ড : চোৰাংচোৱাৰ ভুল নে অভিযানৰ দুৰ্বলতা?

চত্তিছগড়ৰ মাওবাদী কাণ্ড : চোৰাংচোৱাৰ ভুল নে অভিযানৰ দুৰ্বলতা?

নতুন দিল্লী : শনিবাৰে চত্তিছগড়ত মাওবাদীৰে হোৱা ভয়ংকৰ সংঘৰ্ষত ২২গৰাকীকৈ নিৰাপত্তাবাহিনীৰ জোৱান নিহত হোৱা ঘটনাক লৈ সৰৱ হৈ পৰিছে কংগ্ৰেছ নেতা ৰাহুল গান্ধী। ৰাহুলে হয় এয়া চোৰাংচোৱাৰ ব্যৰ্থতা, নহয় অভিযানৰ দুৰ্বল তথা অসম্পূৰ্ণ পৰিকল্পনা আৰু কাৰ্যকৰিতা আখ্যা দিছে। শনিবাৰে প্ৰায় ২০০ জোৱানে ৰাজ্যখনত মাওবাদীৰ বিৰুদ্ধে অভিযান চলাইছিল যদিও মাওবাদীৰ বিধ্বংসী আক্ৰমণত বিস্তৰ ক্ষতিৰ সন্মুখীন হয়।

আৰু পঢ়িব পাৰিব : দেশত এদিনতে আক্ৰান্ত ১ লক্ষাধিক, বলীউডতো কৰ’নাৰ আগ্ৰাসন

ৰাজ্যখনৰ বাস্তাৰ এলেকাত সংঘটিত এই সংঘৰ্ষত ২২জনকৈ জোৱান শ্বহীদ হোৱাৰ লগতে ৩০ৰো অধিক জোৱান আহত হৈছিল। মাওবাদীৰ জালত ভৰি দিয়াৰ ফলতে অভিযানকাৰী নিৰাপত্তাবাহিনীয়ে এই বৃহৎ দুৰ্যোগৰ মুখামুখি হ’বলগীয়া হোৱা বুলি সৰ্বত্ৰে চৰ্চা হৈছিল। ইয়াৰ লগে লগে উচ্চাৰিত হৈছিল চোৰাংচোৱাৰ ব্যৰ্থতাৰ প্ৰশ্নও।

কিন্তু এই ব্যৰ্থতাৰ প্ৰসংগক অস্বীকাৰ কৰি চিআৰপিএফৰ সঞ্চালকপ্ৰধান কুলদ্বীপ সিঙে কয় যে, ‘ইয়াত চোৰাংচোৱা বা অভিযানৰ ব্যৰ্থতাৰ প্ৰশ্ন নাহে। চোৰাংচোৱাৰ ব্যৰ্থতাৰ প্ৰশ্ন থাকিলে নিৰাপত্তাবাহিনীয়ে এই অভিযানৰ বাবে আগ নাবাঢ়িলহেঁতেন। আৰু যদিহে এয়া অভিযানৰ ব্যৰ্থতা হ’লহেঁতেন তেন্তে ইমানসংখ্যক নক্সাল সন্ত্ৰাসবাদী নিহত নহ’লহেঁতেন।’ তেওঁ কয়।

আৰু পঢ়িব পাৰিব : পশ্চিমবংগৰ নিৰ্বাচনত এইবাৰ বচ্চন পৰিয়াল, তৃণমূলৰ নতুন কৌশল

উল্লেখ্য যে, এই অভিযানত ২৫ৰপৰা ৩০জন নক্সাল সন্ত্ৰাসবাদী নিহত হোৱা বুলি দাবী কৰিছে চিআৰপিএফৰ শীৰ্ষ সূত্ৰই। কিন্তু ৰাহুল গান্ধীয়ে এই দাবীক প্ৰত্যাহ্বান জনাই প্ৰশ্ন তুলিছে যে, যদিহে তাত চোৰাংচোৱাৰ ব্যৰ্থতাৰ প্ৰশ্ন নাছিল তেন্তে ১:১ অনুপাতত হোৱা মৃত্যুৱে (অৰ্থাৎ দুয়োপক্ষৰে সমানে ক্ষতি হোৱাটোৱে) সূচায় যে, এয়া দুৰ্বলভাৱে পৰিকল্পনা আৰু কাৰ্যকৰী কৰা অভিযান আছিল।’ জোৱানসকলৰ এনে নিদাৰুণ বলিদানকো তেওঁ সহজভাৱে গ্ৰহণ নকৰাৰ কথা প্ৰকাশ কৰে।

RELATED ARTICLES

Today's Weather

Guwahati
overcast clouds
25.8 ° C
25.8 °
25.8 °
98 %
0.8kmh
100 %
Wed
33 °
Thu
31 °
Fri
28 °
Sat
28 °
Sun
26 °

Watch latest Movies & TV Series on Prag Play

Most Popular