spot_img
31 C
Guwahati
Wednesday, September 22, 2021
spot_img
Homeআঞ্চলিকসঁচাকৈয়ে আজমলক ৰুধিবলৈ ধুবুৰী পাবগৈ নেকি ৰকিবুল?

সঁচাকৈয়ে আজমলক ৰুধিবলৈ ধুবুৰী পাবগৈ নেকি ৰকিবুল?

ডিজিটেল ডেস্কঃ বিগত বিধানসভা নিৰ্বাচনত এ আই ইউ ডি এফৰে কৰা মিত্ৰতাই কংগ্ৰেছৰ বিস্তৰ ক্ষতিসাধন কৰা বুলি বিভিন্ন মহলে দাবী কৰি আহিছিল।তৰুণ গগৈয়ে “ হু ইজ বদৰুদ্দিন” বুলি কোৱাৰ পৰা ৰিপুণ বৰাই বদৰুদ্দিন আজমলৰ হাতত ধৰালৈকে মাজৰ এই সময়চোৱাত দুই দলৰ সম্পৰ্ক বৰ বেছি মধুৰ মুঠেও নাছিল। তথাপি বাধ্যত পৰি বিগত বিধানসভা নিৰ্বাচনত দুই দলৰ নেতৃত্বই মহাজোঁটৰ বেনাৰত একেখন মঞ্চত থিয় হৈছিল।

কিন্তু ইয়াৰ ফলত উজনি অসমৰ মানুহে কংগ্ৰেছক অতি নিষ্ঠুৰভাৱে প্ৰত্যাখ্যান কৰিলে। ৰাইজৰ দল আৰু অসম জাতীয় পৰিষদক যিমানেই দোষাৰোপ নকৰক কিয় এই কথা নিশ্চয় কংগ্ৰেছ নেতৃত্বইও পোনচাটে অস্বীকাৰ নকৰে।হয়তো সেইবাবেই অতি সোনকালে এ আই ইউ ডিএফ আৰু কংগ্ৰেছৰ মধুচন্দ্ৰিকাৰ আনুষ্ঠনিকভাৱে সমপ্তি ঘটিব বুলি ওলোৱা খবৰৰ সত্যতা নুই কৰিব নোৱাৰি।


যি নহওঁক, এনে সময়তে অন্য এটি খবৰো ওলাইছে। খবৰ এয়াই যে চামগুৰি সমষ্টিৰ কংগ্ৰেছ বিধায়ক ৰকিবুল হুছেইনে ২০২৪ ৰ লোকসভা নিৰ্বাচনত ধুবুৰী সমষ্টিৰ পৰা প্ৰতিদ্বণ্ডিতা কৰিব! তেওঁৰ প্ৰতিদ্বণ্ডী হ’ব এ আই ইউ ডি এফ প্ৰধান মৌলানা বদৰুদ্দিন আজমল!আজমলক ৰুধিবলৈ চামগুৰিৰ পৰা ধুবুৰী পাবগৈ ৰকিবুল! আৰু যদিহে সঁচাকৈ সেয়াই হয় তেন্তে সংখ্যালঘুপ্ৰধান ধুবুৰী লোকসভা সমষ্টিৰ নিৰ্বাচনী যুঁজ অতিকে আকৰ্ষণীয় হ’ব। নক’লেও চলে, জঁৰা-ফুকাৰ ৰাজনীতিৰে ধুবুৰী সমষ্টিৰ ভোটাৰৰ মাজত সোমাই পৰা মৌলানা বদৰুদ্দিন আজমলক ৰুধিবলৈ ৰকিবুল হুছেইন আৰু কংগ্ৰেছ দলে ল’ব লাগিব বিস্তৰ পৰিকল্পনা। যি নহওঁক, সকলোবোৰ চৰ্চা হৈ থকা ধৰণেৰেই ঘটি গ’লে ২০২৪ ৰ অন্যতম নিৰ্বাচনী আকৰ্ষণ যে ধুবুৰীয়েই হ’বগৈ সেয়া নিশ্চিত।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
haze
31 ° C
31 °
31 °
66 %
0kmh
75 %
Wed
30 °
Thu
32 °
Fri
32 °
Sat
33 °
Sun
33 °

Watch latest Movies & TV Series on Prag Play

Most Popular