ভাৰতত ২-১৮ বছৰৰ সকলৰ দেহত কোভাক্সিন প্ৰয়োগত অনুমোদন

0
261
কোভাক্সিন
ভাৰতত ২-১৮ বছৰৰ সকলৰ দেহত কোভাক্সিন প্ৰয়োগত অনুমোদন

ডিজিটেল ডেস্কঃ এক সুখবৰ৷ দেশত এতিয়াৰে পৰা ২-১৮ বছৰৰ লোকসকলৰ দেহত জৰুৰী ভিত্তিত প্ৰয়োগ কৰিব পৰা যাব কোভিডৰ ভেকচিন৷ কোভাক্সিন দিব পৰা যাব ২-১৮ বছৰৰ লোকক৷ ভাৰত বায়’টেকে ৬ অক্টোবৰৰ দিনা ভাৰতৰ ঔষধ নিয়ন্ত্ৰক মহাপৰিদৰ্শকক ২-১৮ বছৰৰ ভিতৰৰ সকলৰ দেহত কোভাক্সিনৰ পৰীক্ষামূলক প্ৰয়োগৰ তথ্য দাখিল কৰিছিল।

সেই তথ্য লাভ কৰাৰ পিছতে ২-১৮ বছৰৰ সকলৰ দেহতো কোভাক্সিন ব্যৱহাৰৰ অনুমোদন দিয়া হয়। ভাৰতত ক’ৰোনাৰ তৃতীয়টো ঢৌ অহাৰ প্ৰবল সম্ভাৱনাৰ প্ৰতি লক্ষ্য ৰাখি বিশেষজ্ঞসকলে কেন্দ্ৰ চৰকাৰক সতৰ্ক কৰি অহাৰ লগতে ইয়াৰ প্ৰভাৱ বিশেষকৈ ২-১৮ বছৰৰ সকলৰ দেহত পৰিব বুলি সময়ে সময়ে কৈ আহিছে৷ এই কথাকে গুৰুত্বসহকাৰে লৈ দেশখনে শিশুসকলৰ ভেকচিন প্ৰক্ৰিয়া আৰম্ভ কৰাৰ দিশে আগবাঢ়িছে।