Google search engine
30 C
Guwahati
Tuesday, July 27, 2021
Google search engine
Homeৰাষ্ট্ৰীয়নকল ভেকচিন : প্ৰৱঞ্চকৰ কৱলৰ পৰা সাৰি নগ’ল সাংসদো

নকল ভেকচিন : প্ৰৱঞ্চকৰ কৱলৰ পৰা সাৰি নগ’ল সাংসদো

কলকাতা : ভেকচিন ল’বলৈ গৈ এগৰাকী সাংসদো প্ৰতাৰিত হোৱাক লৈ এতিয়া পশ্চিমবংগত সৃষ্টি হৈছিল চাঞ্চল্যৰ৷ ক’ভিড সংক্ৰমণ প্ৰতিৰোধ কৰাৰ বাবে সম্প্ৰতি দেশত চলি আছে ব্যাপক ভেকচিন প্ৰদান অভিযান। কিন্তু জীৱনদায়িনী ভেকচিন প্ৰদানৰ নামতো একাংশ অসাধু ব্যৱসায়ীয়ে পেলাইছে প্ৰতাৰণাৰ জাল।


তৃণমূল কংগ্ৰেছৰ সাংসদ তথা অভিনেত্ৰী মিমি চক্ৰৱৰ্তীয়ে নকল ভেকচিন লৈ চূড়ান্তভাৱে প্ৰতাৰিত হোৱাৰ ঘটনা পোহৰলৈ আহিছে। দৰাচলতে নিজকে IAS বিষয়া বুলি পৰিচয় দিয়া শ্যাম দেৱৰঞ্জন নামৰ এজন প্ৰৱঞ্চকে কলকাতাত অনুষ্ঠিত কৰিছিল এটা ভেকচিন প্ৰদান শিবিৰ। প্ৰৱঞ্চকজনে শিবিৰটোত মুখ্য অতিথি হিচাপে নিমন্ত্ৰণ কৰিছিল সাংসদ মিমি চক্ৰৱৰ্তীক। জনতাৰ মাজত ভেকচিন গ্ৰহণৰ সজাগতা আনিবলৈ তৃণমূলৰ মোহময়ী সাংসদগৰাকীয়ে নিজেও শিবিৰটোতে ক’ভিশ্বিল্ডৰ ভেকচিন লৈছিল। মুঠ ২৫০গৰাকী লোকক শিবিৰটোত ভেকচিন প্ৰদান কৰা হৈছিল।


কিন্তু ভেকচিন লোৱাৰ পাছতো সাংসদগৰাকীয়ে COWIN এপৰ পৰা কোনো বাৰ্তা নাপাই আৰক্ষীক অভিযোগ কৰিলে। আৰক্ষীয়ে তদন্ত কৰি দক্ষিণ কলকাতাৰ পৰা গ্ৰেপ্তাৰ কৰিলে প্ৰতাৰক শ্যাম দেৱৰঞ্জনক। প্ৰতাৰক দেৱৰঞ্জনে আৰক্ষীৰ আগত স্বীকাৰ কৰে যে শিবিৰটোত প্ৰদান কৰা হৈছিল নকল ভেকচিন। অন্যান্য ঠাইতো প্ৰতাৰকটোৱে এনে শিবিৰ অনুষ্ঠিত কৰিছিল নেকি সেই সন্দৰ্ভত আৰক্ষীয়ে তদন্ত অব্যাহত ৰাখিছে। অৱশ্যে বৰ্তমান সাংসদগৰাকী সুস্থ বুলিয়ে জানিবলৈ দিয়ে৷

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
mist
30 ° C
31.4 °
30 °
79 %
2.1kmh
75 %
Tue
29 °
Wed
30 °
Thu
33 °
Fri
26 °
Sat
32 °

Watch latest Movies & TV Series on Prag Play

Most Popular