spot_img
24.4 C
Guwahati
Monday, September 20, 2021
spot_img
Homeৰাষ্ট্ৰীয়সংঘাত তুংগত : দিল্লীত যুঁজুধান ৰূপ চৰকাৰ, উপ-ৰাজ্যপালৰ

সংঘাত তুংগত : দিল্লীত যুঁজুধান ৰূপ চৰকাৰ, উপ-ৰাজ্যপালৰ

নতুন দিল্লী : দিল্লী চৰকাৰ আৰু দিল্লীৰ উপৰাজ্যপালৰ মাজৰ সংঘাতে তুংগত আৰোহন কৰিছে। দিল্লী চৰকাৰৰ কেবিনেটৰ এটা সিদ্ধান্ত উপ-ৰাজ্যপালে প্ৰত্যাহাৰ কৰাৰ পাছত তীব্ৰ প্ৰতিক্ৰিয়া প্ৰকাশ কৰিছে কেজৰিৱাল চৰকাৰে। মুখ্যমন্ত্ৰী অৰবিন্দ কেজৰিৱালে কালি উপৰাজ্যপালৰ সিদ্ধান্ত সন্দৰ্ভত প্ৰতিক্ৰিয়া প্ৰকাশ কৰি কয়, কেবিনেটে দিল্লীৰ প্ৰতিবাদী কৃষকৰ বিৰুদ্ধে ৰুজু হোৱা গোচৰৰ বাবে গঠন কৰা অধিবক্তাৰ পেনেল প্ৰত্যাহাৰ কৰাটো দিল্লীৰ জনগণৰ প্ৰতি এক অপমান।

‘কেবিনেটে গ্ৰহণ কৰা সিদ্ধান্ত প্ৰত্যাখ্যান কৰাৰ জৰিয়তে উপৰাজ্যপাল অনিল বাইজালে দিল্লীৰ জনগণক অপমান কৰিছে। দিল্লীৰ জনগণে ঐতিহাসিক মত দানেৰে বিজেপিক পৰাজিত কৰিছিল আৰু আপ চৰকাৰ নিৰ্বাচন কৰিছিল। বিজেপিক দেশ চলাবলৈ দি দিল্লীৰ জনগণে আপক দিল্লী চলোৱাৰ দায়িত্ব দিছিল। সকলো কামতে এইধৰণৰ হস্তক্ষেপ দিল্লীৰ জনগণৰ প্ৰতি অপমান। বিজেপিয়ে গণতন্ত্ৰক সন্মান জনোৱা উচিত।‘ কেজৰিৱালে হিন্দীত কৰা এটা টুইটযোগে এই প্ৰতিক্ৰিয়া প্ৰকাশ কৰে।

দিল্লী চৰকাৰে নিৰ্বাচন কৰা অধিবক্তাৰ তালিকা প্ৰত্যাহাৰ কৰি অনিল বাইজালে দিল্লী আৰক্ষীয়ে প্ৰস্তুত কৰা অধিবক্তাৰ তালিকাত অনুমোদন দিছিল। কেন্দ্ৰীয় চৰকাৰৰ ওচৰত দায়বদ্ধ দিল্লী আৰক্ষীৰ এই তালিকা কেন্দ্ৰৰ নিৰ্দেশনাতে হোৱা বুলি উপ মুখ্যমন্ত্ৰী মনীষ শিশোদিয়াই অভিযোগ কৰিছে। তিনিখন বিতৰ্কিত কৃষি আইনবিৰোধী প্ৰতিবাদৰ সময়ত যিসকল কৃষকৰ বিৰুদ্ধে আৰক্ষীয়ে গোচৰ ৰুজু কৰিছে তাৰে মোকাবিলা কৰাৰ বাবে এই অধিবক্তাৰ তালিকা প্ৰস্তুক কৰা হৈছিল।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
clear sky
24.4 ° C
24.4 °
24.4 °
92 %
1.1kmh
6 %
Tue
30 °
Wed
27 °
Thu
30 °
Fri
32 °
Sat
33 °

Watch latest Movies & TV Series on Prag Play

Most Popular