spot_img
15.8 C
Guwahati
15.8 C
Guwahati
বুধবাৰ, ডিচেম্বৰ 1, 2021
Homeৰাষ্ট্ৰীয়দেৱালীত বাস্তুশাস্ত্ৰৰ এই ১০টা নিয়ম মানিলে কেতিয়াও নহয় টকা-পইচাৰ অভাৱ

দেৱালীত বাস্তুশাস্ত্ৰৰ এই ১০টা নিয়ম মানিলে কেতিয়াও নহয় টকা-পইচাৰ অভাৱ

ডিজিটেল ডেস্কঃ আজি পোহৰৰ উৎসৱ দেৱালী। দেৱালীত সকলোৱে বিচাৰে যে মা লক্ষ্মী তেওঁৰ ঘৰত উপস্থিত হওক আৰু ঘৰখনত সুখ-শান্তি,টকা-পইচাৰ অভাৱ নহ’বলৈ আশীৰ্বাদ দি যাওক। দেৱালীত যদি বাস্তুশাস্ত্ৰৰ কিছুমান সৰল নিয়ম মানে তেন্তে মা লক্ষ্মীৰ আশীৰ্বাদ সদায়ে পাব। দেৱালীত পালন কৰিবলগীয়া বাস্তুশাস্ত্ৰৰ নিয়মকেইটা জানো আহক-

১) বিশ্বাস কৰা হয় যে মা লক্ষ্মী তালৈহে আহে য’ত পৰিষ্কাৰ-পৰিচ্ছন্নতা থাকে। গতিকে আপোনাৰ ঘৰটো ভালদৰে পৰিষ্কাৰ কৰক। লগতে ঘৰৰ অপ্ৰয়োজনীয় পুৰণি বস্তুবোৰ পেলাই দিয়ক। অলাতীয়াল বস্তু থাকিলে ঘৰত ইতিবাচক শক্তি প্ৰৱেশ কৰাত বাধা দিয়ে। কেতিয়াও ব্যৱহাৰ নকৰা সকলো পুৰণি আলোচনী, কাপোৰ, ভঙা আচবাব, বা ব্যৱহাৰ নোহোৱা শিশুৰ পুতলা আঁতৰাওক।

২) ঘৰৰ চুক-কোণলৈকে চফা কৰক। ঘৰৰ যিবোৰ দিশ সাধাৰণতে চকুত নপৰে, সেইবোৰ দিশো পৰিষ্কাৰ কৰিবলৈ নাপাহৰিব। যদি সম্ভৱ হয়, গোটেই ঘৰখনত ৰং কৰিবলৈ পাৰিলে ভাল। যদি সেয়া সম্ভৱ নহয় তেতিয়াও কোনো কথা নাই মাত্ৰ চাফ-চিকুণতাত গুৰুত্ব দিয়ক।

৩) সন্ধ্যা নিমখ পানীৰ সৈতে মিহলি কৰক আৰু ঘৰৰ সকলো কোণত এই দ্ৰৱণটো স্প্ৰে কৰক। বাস্তু শাস্ত্ৰৰ মতে, নিমখৰ ঘৰৰ ভিতৰত প্ৰৱেশ কৰা সকলো বেয়া শক্তি শোষণ কৰিব পৰা ক্ষমতা আছে। ঘৰৰ নেতিবাচকতা আঁতৰাবলৈ মজিয়া মচি থাকোঁতে এক চিকুট সাধাৰণ নিমখ বা সন্ধ্যা নিমখ যোগ দিয়ক। ইয়াৰ উপৰিও আপোনাৰ ঘৰ বা কাৰ্যালয়ৰ চাৰিওকোণত এটা কাঁচৰ পাত্ৰত সন্ধ্যা নিমখ ৰাখক।

৪)দেৱালী হৈছে পোহৰৰ উৎসৱ, সেয়েহে নিশ্চিত কৰক যাতে ঘৰৰ কোনো কোণ অন্ধকাৰত নাথাকে। কিয়নো বিশ্বাস কৰা হয় যে দুষ্ট শক্তিবোৰ অন্ধকাৰত বাস কৰে। গতিকে ঘৰৰ প্ৰতিটো কোণ উজ্জ্বল কৰি ৰাখক। আপুনি ৰঙীন বাল্ব স্থাপন কৰি এই কোণবোৰ পোহৰ কৰিব পাৰে।

আৰু পঢ়কঃ দুহাত মেলি যেন মৃত্যুকহে আদৰিছিল! ফটো উঠি থাকোতেই মহিলাৰ কৰুণ মৃত্যু

৫) ঘৰৰ সজ্জাৰ বাবে বিভিন্ন দিশৰ বাবে নিৰ্দিষ্ট ৰঙৰ লাইট বাল্ব ব্যৱহাৰ কৰক। উদাহৰণ স্বৰূপে, উত্তৰ দিশত নীলা, হালধীয়া আৰু সেউজীয়া লাইট বাল্ব প্ৰয়োগ কৰক। পূব দিশত অধিক ৰঙা, কমলা আৰু হালধীয়া বাল্ব ব্যৱহাৰ কৰিব। দক্ষিণ দিশত বগা, নীলা, বেঙুনীয়া আৰু ৰঙা বাল্বেৰে সজাওক আৰু পশ্চিম দিশত অধিক হালধীয়া, কমলা, গুলপীয়া আৰু ধূসৰ লাইট বাল্ব প্ৰয়োগ কৰক। 

৬) দেৱালীত ঘৰটোলৈ সৌভাগ্য, সুখ আৰু সফলতা আহিবলৈ মূল গেটখন তোৰণৰে সজাওক। যদি তোৰণ উপলব্ধ নহয় তেন্তে মূল গেটত শুভ প্ৰতীক চিহ্ন অংকন কৰক।

৭) বাস্তুশাস্ত্ৰ অনুসৰি আপোনাৰ ঘৰৰ মুখ্য দুৱাৰখন আহিবলগীয়া সুযোগৰ সৈতে সম্পৰ্কিত, সেয়েহে আপোনাৰ দুৱাৰত কোনো বাধা থাকিবলৈ নিদিব। নিশ্চিত কৰিব যাতে দুৱাৰখন সম্পূৰ্ণৰূপে খোল খাই থাকে আৰু ইয়াৰ পথত কোনো বিশৃংখলতা বা বাধা নাথাকে।

৮) ঘৰৰ মুখ্য দুৱাৰৰ লাইটবোৰ ভাল হ’ব লাগে। লগতে মা লক্ষ্মীক আদৰণি জনোৱাৰ বাবে এই গেটখন ভালদৰে সজাওক। আপুনি ইয়াত মা লক্ষ্মী ঘৰত প্ৰৱেশ কৰা পদচিহ্ন বা ৰংগোলীও বনাব পাৰে। 

৯) ঘৰত পানীৰ ফোৱৰা থকাটো অতি শুভ বুলি মনা হয়। কোৱা হয় যে ইয়াৰ প্ৰবাহিত পানীয়ে ঘৰৰ সকলো নেতিবাচকতা শোষণ কৰে আৰু ইয়াক লগত লৈ যায়। গতিকে ঘৰটোৰ উত্তৰ-পূব দিশত এটা সৰু পানীৰ ফোৱাৰা স্থাপন কৰক।

১০) বাস্তুশাস্ত্ৰৰ মতে, ঘৰ উত্তৰ দিশটো ধন-সম্পদৰ দেৱতা কুবেৰৰ দ্বাৰা পৰিচালিত হয় আৰু ইয়াক ‘কুবেৰ-স্থানম’ বুলি জনা যায়। এই দিশত আপুনি টকা-পইচা বা মূল্যৱান সামগ্ৰী ৰখা বাকচটো ৰাখক।এই বাকচত মা লক্ষ্মীৰ এটা মূৰ্তি ৰাখিলে লাভান্বিত হ’ব।

RELATED ARTICLES

LEAVE A REPLY

Please enter your comment!
Please enter your name here

Watch latest Movies & TV Series on Prag Play

Most Popular