spot_img
24 C
Guwahati
Friday, September 17, 2021
spot_img
Homeবিশ্বতালিবানৰ বিৰুদ্ধে পুনৰ যুদ্ধৰ পৰামৰ্শ ডনাল্ড ট্ৰাম্পৰ

তালিবানৰ বিৰুদ্ধে পুনৰ যুদ্ধৰ পৰামৰ্শ ডনাল্ড ট্ৰাম্পৰ

ৱাশ্বিংটনঃ আমেৰিকাৰ প্ৰাক্তন ৰাষ্ট্ৰপতি ড’নাল্ড ট্ৰাম্পে আফগানিস্তানত ৰৈ যোৱা অস্ত্ৰ-শস্ত্ৰসমূহ উভতাই দিব লাগিব বুলি শেহতীয়াকৈ মন্তব্য প্ৰকাশ কৰিছে। অস্ত্ৰ-শস্ত্ৰসমূহ উভতাই নিদিলে তালিবানে মূল্য পৰিশোধ কৰিব লাগিব বুলিও প্ৰকাশ কৰিছে ট্ৰাম্পে। আফগানিস্তানৰ পৰা আমেৰিকা যুক্তৰাষ্ট্ৰৰ সৈন্য প্ৰত্যাহাৰৰ প্ৰক্ৰিয়াক সমালোচনা কৰি ৰিপাব্লিকান দলৰ পৰা নিৰ্বাচিত প্ৰাক্তন ৰাষ্ট্ৰপতিগৰাকীয়ে কয় যে, ‘আমেৰিকাৰ ইতিহাসত এনেকৈ কোনো দেশৰ পৰা সৈন্য প্ৰত্যাহাৰ কৰা হোৱা নাছিল। তালিবানে অস্ত্ৰ-শস্ত্ৰ তথা সামৰিক সঁজুলিসমূহ ঘূৰাই দিবলৈ অস্বীকাৰ কৰিলে সামৰিক বাহিনীয়ে বোমা বিস্ফোৰণ কৰিব লাগিব নতুবা পুনৰ যুঁদ্ধৰ পৰামৰ্শ প্ৰদান কৰিছে ট্ৰাম্পে।’


উল্লেখ্য যে, আমেৰিকা যুক্তৰাষ্ট্ৰৰ নেতৃত্বত নাটো সৈন্যদলক আফগানিস্তানৰ পৰা প্ৰত্যাহাৰ কৰা হৈছে। অৱশ্যে, আমেৰিকা যুক্তৰাষ্ট্ৰই আফগানিস্তানক ৮,৫০০ নিযুত ড’লাৰ অস্ত্ৰ প্ৰদান কৰি দেশখনৰ সামৰিক বাহিনীক তালিবান বিৰোধী যুঁজত এক দক্ষ শক্তি হিচাপে গঢ়ি তুলিছিল। ৰাষ্ট্ৰপতি বাইডেনে দেশখনৰ পৰা আমেৰিকা যুক্তৰাষ্ট্ৰৰ সৈন্যক হঠাতে প্ৰত্যাহাৰ কৰা আৰু তালিবানৰ সেই অস্ত্ৰ আৰু সামৰিক সঁজুলিসমূহ হস্তান্তৰ কৰাৰ বাবে তীব্ৰ সমালোচনাৰ সন্মুখীন হোৱা বুলি সংবাদ মাধ্যমত প্ৰকাশ পাইছে। ৩০ আগষ্টত কাবুলৰ হামিদ কাৰজাই বিমানবন্দৰ এৰাৰ পূৰ্বে আমেৰিকা যুক্তৰাষ্ট্ৰৰ বাহিনীয়ে চৰকাৰী প্ৰযুক্তিৰ ৭৩ খন সামৰিক বিমান ধ্বংস কৰা বুলি আমেৰিকা যুক্তৰাষ্ট্ৰৰ সামৰিক জেনেৰেল কেনেথ মেকেঞ্জীয়ে সদৰী কৰিছিল।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
overcast clouds
24 ° C
24 °
24 °
98 %
1.2kmh
98 %
Sat
29 °
Sun
30 °
Mon
31 °
Tue
31 °
Wed
28 °

Watch latest Movies & TV Series on Prag Play

Most Popular