spot_img
27 C
Guwahati
Saturday, September 25, 2021
spot_img
Homeবিশ্ব‘যুদ্ধৰ অৱসান’! কিন্তু আফগানিস্তানৰ দুৱাৰত ভয়ংকৰ ভৱিষ্যতৰ টোকৰ

‘যুদ্ধৰ অৱসান’! কিন্তু আফগানিস্তানৰ দুৱাৰত ভয়ংকৰ ভৱিষ্যতৰ টোকৰ

কাইৰো : সমগ্ৰ বিশ্বই কামনা কৰিছিল আফগানিস্তানৰ ৰক্তক্ষয়ী যুদ্ধৰ অৱসান হওক। যুদ্ধজৰ্জৰ দেশখনৰ জনগণে শান্তিত উশাহ লওক। মূলতঃ মাৰ্কিন নীতিয়েই দেশখনৰ দ্ৰুত পৰিৱৰ্তিত পৰিস্থিতিৰ বাবে প্ৰধানকৈ জগৰীয়া বুলি চিহ্নিত হৈছে। যি কাৰণতেই নহওক আফগানিস্তানৰ ভাগ্যৰ এক অবাঞ্চিত পৰিৱৰ্তন ঘটিছে। আৰু তাৰ কুফল সমগ্ৰ বিশ্বতে হয়তো পৰিব পাৰে। সমগ্ৰ বিশ্বই কামনা কৰিছিল যে, আফগানিস্তানৰ যুদ্ধোন্মাদ পৰিস্থিতিৰ অৱসান হওক। সন্ত্ৰাসবাদ, যুদ্ধ শেষ হৈ দেশখনৰ যাত্ৰা আৰম্ভ হওক। এতিয়া দেশখনত যুদ্ধ অৱসানৰ কথা ঘোষণা কৰা হৈছে। কিন্তু দুৰ্ভাগ্যজনক কথাটো হৈছে যে, এই ঘোষণা কৰিছে মৌলবাদী তালিমান সন্ত্ৰাসবাদীয়ে।

যাৰ কৱলৰ পৰা মুক্তি বিচাৰি দেশখনে দীঘলীয়া ৰক্তক্ষয়ী সংগ্ৰাম চলাবলগীয়া হৈছিল তথা মাৰ্কিন যুক্তৰাষ্ট্ৰৰ নেতৃত্বত কুৰি বছৰজোৰা সামৰিক অভিযান চলিছিল সেই তালিবানেই সমগ্ৰ দেশখন দখল কৰাৰ পাছত এতিয়া যুদ্ধৰ অৱসান ঘটাৰ কথা ঘোষণা কৰিছে। কাবুলৰ ৰাষ্ট্ৰপতি ভৱন দখল কৰাৰ পাছতে এই ঘোষণা কৰে তালিবানে। যুদ্ধৰ অৱসান ঘটাৰ এনে ঘোষণা আশা নিশ্চয় বিশ্বই কৰা নাছিল। তালিবানৰ কৱলত দেশখন এৰি দিবলগীয়া পৰিস্থিতিৰ উদ্ভৱ হোৱাৰ অৰ্থই হৈছে এক ভয়ংকৰ ভৱিষ্যতৰ আগজাননী। আমেৰিকাকে ধৰি বিভিন্ন দেশে নিজ দেশৰ নাগৰিকক আফগানিস্তানৰ পৰা আঁতৰাই নিবলৈ আৰম্ভ কৰিছে আৰু মাৰ্কিন সেনাই ইয়াত নেতৃত্ব দিছে। দেশখনৰ ৰাষ্ট্ৰপতি আশ্ৰফ ঘানীয়ে ইতিমধ্যে দেশ এৰি পলায়ন কৰিছে।

দেশ এৰিবলৈ তৎপৰ হৈ পৰা হৈ পৰা দেশখনৰ শ শ নাগৰিকে বিমানবন্দৰত ভিৰ কৰিছে। এয়াই হৈছে আফগানিস্তানৰ সাম্প্ৰতিক পৰিস্থিতি। দেশ দখলৰ পাছতে তালিবানে প্ৰকাশ কৰিছে প্ৰথম প্ৰতিক্ৰিয়া। মৌলবাদী সন্ত্ৰাসবাদী সংগঠনটোৰ মুখপাত্ৰ মহম্মদ নায়ামে প্ৰকাশ কৰিছে যে, ‘আফগানিস্তানৰ জনগণ আৰু মুজাহিদীনৰ বাবে আজিৰ দিনটো এটা বৃহৎ দিন। ২০ বছৰীয়া সংগ্ৰাম আৰু ত্যাগৰ ফলাফল তেওঁলোকে লাভ কৰিলে।’ কিন্তু এই কথা নিশ্চিত যে, সাধাৰণ আফগান জনগণৰ বাবে এই নতুন দিনবোৰ অধিক কণ্টকাকীৰ্ণ হৈ পৰাৰে সংশয় বেছি।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
mist
27 ° C
27 °
27 °
83 %
0kmh
75 %
Sat
26 °
Sun
34 °
Mon
34 °
Tue
30 °
Wed
30 °

Watch latest Movies & TV Series on Prag Play

Most Popular