spot_img
20 C
Guwahati
20 C
Guwahati
দেওবাৰ, জানুৱাৰী 23, 2022
Homeআঞ্চলিককাছাৰত বন বিভাগৰ উচ্ছেদ অভিযান

কাছাৰত বন বিভাগৰ উচ্ছেদ অভিযান

ডিজিটেল ডেস্কঃ বনমন্ত্ৰী পৰিমল শুক্ল্যবৈদ্যৰ গৃহসমষ্টিৰ মণিয়াৰখাল সংৰক্ষিত বনাঞ্চলত থকা অবৈধ পুখুৰীত উচ্ছেদ চলালে কাছাৰৰ বন বিভাগে। শনিবাৰে পুৱাৰেপৰা পুখুৰীসমূহৰ উচ্ছেদ অভিযানত নামে বন বিভাগৰ দল। উল্লেখযোগ্য যে বিগত কেইদিনমানৰ আগত বহুকেইটা পুখুৰীৰ মথাউৰি কাটি পানীসমূহ বাহিৰ কৰি দিয়া হৈছিল আৰু প্ৰশাসনে জাৰি কৰিছিল জাননী।

বছৰ বছৰ ধৰি বনমন্ত্ৰী পৰিমল শুক্ল্যবৈদ্যৰ কেইবাজনো ঘনিষ্ঠ ব্যক্তিয়ে ক্ষমতাৰ অপব্যৱহাৰ কৰি সংৰক্ষিত বনাঞ্চলত বহুকেইটা পুখুৰী নিৰ্মাণ কৰি মাছৰ ব্যৱসায় চলাই আহিছিল বুলি দাবী উত্থাপন কৰিছে স্থানীয় ৰাইজে। মন্ত্ৰীৰ ঘনিষ্ঠৰ মাজত আছে তেওঁৰ দেহৰক্ষী তুষাৰ ৰয়, শংকু ৰয়সহ অন্য কেইবাজনো ব্যক্তি। অভিযোগ অনুসাৰি এই সংৰক্ষিত বনাঞ্চলত থকা খাচী সম্প্ৰদায়ৰ লোকসকলক খেদি পঠাই তাত পুখুৰী নিৰ্মাণ কৰিছিল। দীৰ্ঘদিন ধৰি স্থানীয় ৰাইজে এই পুখুৰীসমূহৰ বিৰুদ্ধে বিভাগীয় কৰ্তৃপক্ষক অভিযোগ কৰিছিল।

কিন্তু তদানীন্তন ডিএফঅ’ ছানী দেও চৌধুৰীয়ে অভিযোগত কোনো গুৰুত্ব দিয়া নাই। পুখুৰী উচ্ছেদ নকৰি তুসাৰ ৰয়সহ অবৈধ পুখুৰীৰ মালিকসকলক সহায় কৰি আহিছিল ডিএফঅ’গৰাকীয়ে। কিন্তু বৰ্তমান নতুন চিচিএফ আৰু ডিএফঅ’ আহি পুখুৰীসমূহৰ বিৰুদ্ধে কঠোৰ পদক্ষেপ গ্ৰহণ কৰে আৰু উচ্ছেদ অভিযান আৰম্ভ কৰে। এগৰাকী বনমন্ত্রীৰ এনে একনায়কত্ববাদী কাৰ্যক গৰিহণা দিছে কাছাৰৰ কংগ্রেছ কৰ্মীসকসলে আৰু ধন্যবাদ জনাইছে কাছাৰ প্ৰশাসনক।

RELATED ARTICLES

LEAVE A REPLY

Please enter your comment!
Please enter your name here

Watch latest Movies & TV Series on Prag Play

Most Popular