spot_img
18.6 C
Guwahati
18.6 C
Guwahati
সোমবাৰ, নৱেম্বৰ 29, 2021
Homeবিজ্ঞান আৰু প্ৰযুক্তিজুকাৰবাৰ্গ থিয়ৰীঃ ফেচবুকত নাথাকিব ফেচিয়েল ৰিক’গনিশ্যন...

জুকাৰবাৰ্গ থিয়ৰীঃ ফেচবুকত নাথাকিব ফেচিয়েল ৰিক’গনিশ্যন…

নতুন দিল্লীঃ ছ’চিয়েল মিডিয়া জায়াণ্ট ফেচবুকে ফটো আৰু ভিডিঅ’ত উপস্থিতি চিনাক্ত কৰিবলৈ ব্যৱহৃত ফেচিয়েল ৰিক’গনিশ্যন ছফ্টৱেৰ বন্ধ কৰাৰ কথা ঘোষণা কৰিছে। জানিবলৈ পোৱা মতে, মুখমণ্ডল চিনাক্তকৰণ প্ৰযুক্তি ব্যৱহাৰৰ নৈতিকতা সম্পৰ্কে প্ৰশ্ন উত্থাপন হোৱাৰ বাবে এই সিদ্ধান্ত লোৱা হৈছে। প্ৰতিবেদন অনুসৰি, ফেচিয়েল ৰিক’গনিশ্যন প্ৰযুক্তিৰ ব্যৱহাৰৰ নৈতিকতা আৰু লগতে ব্যক্তিগত গোপনীয়তা উলংঘন, বৰ্ণবাদী আচৰণ আৰু ছফ্টৱেৰৰ শুদ্ধতা সম্পৰ্কে প্ৰশ্ন উত্থাপিত হৈছিল।

ছফ্টৱেৰ কোম্পানীটোৱে ব্যৱহাৰকাৰীসকলৰ ওপৰত ইয়াৰ প্ৰভাৱৰ বাবে তীব্ৰ সমালোচনাৰো সন্মুখীন হোৱা বুলি প্ৰকাশ পাইছে। কিন্তু এতিয়ালৈকে বিষয়টোৰ ওপৰত কোনো স্পষ্ট নীতি নিৰ্ধাৰণ কৰা নাই বুলি জনাইছে ফেচবুক কৰ্তৃপক্ষই। এতিয়াও, যেতিয়া এই ছ’চিয়েল মিডিয়া এপ্ ব্যৱহাৰকাৰীসকলে এখন ফটো বা ভিডিঅ’ পোষ্ট কৰে, সেই ছবিখনত থকা ব্যক্তিজনৰ উপস্থিতি স্বয়ংক্ৰিয়ভাৱে ফেচ ৰিক’গনিশ্যন প্ৰযুক্তিৰ জৰিয়তে টেগ কৰা হয়। কিন্তু ব্যৱহাৰকাৰী সকলে ছবিখনত নিজ মুখমণ্ডল স্কেন আৰু টেগ কৰাৰ বিকল্প বাছনি কৰিব পাৰিব নে নোৱাৰে? এই সন্দৰ্ভত ফেচবুকৰ উক্ত বিভাগটোৰ উপ-সভাপতি জেৰেমী পেচেণ্টিয়ে এটা ব্লগ পোষ্টত কয় যে, ‘এনে অনিশ্চয়তাৰ মাজত ফেচিয়েল ৰিক’গনিশ্যনৰ ব্যৱহাৰ হ্ৰাস কৰাটোৱে সঠিক সিদ্ধান্ত।’

RELATED ARTICLES

LEAVE A REPLY

Please enter your comment!
Please enter your name here

Watch latest Movies & TV Series on Prag Play

Most Popular