Google search engine
26 C
Guwahati
Tuesday, July 27, 2021
Google search engine
Homeব্ৰেকিং নিউজভয়ংকৰ ষড়যন্ত্ৰ! কৃষকৰ আন্দোলন ৰক্তাক্ত কৰাৰ বাবে সাজু দুষ্কৃতিকাৰী

ভয়ংকৰ ষড়যন্ত্ৰ! কৃষকৰ আন্দোলন ৰক্তাক্ত কৰাৰ বাবে সাজু দুষ্কৃতিকাৰী

নতুন দিল্লী : কৃষকৰ প্ৰতিবাদী কাৰ্যসূচী ৰক্তাক্ত কৰাৰ পৰিকল্পনা ৰচনা কৰিছে আৰক্ষীয়ে! ফাদিল হৈছে ভয়ংকৰ ষড়যন্ত্ৰ! তিনিখনকৈ বিতৰ্কিত কৃষি আইনৰ প্ৰতিবাদত প্ৰায় দুমাহে দিল্লী-হাৰিয়ানা সীমাত অৱস্থান কৰি প্ৰতিবাদী কাৰ্যসূচী গ্ৰহণ কৰি আছে। চৰকাৰ তথা উচ্চতম ন্যায়ালয়ে পৃথকে পৃথকে প্ৰতিবাদী কৃষকসকলক সৈমান কৰিবলৈ চেষ্টা কৰিছে যদিও নিজৰ স্থিতিত অটল হৈ আছে কৃষকসকল। এনে পৰিস্থিতিত কৃষক নেতাক হত্যা কৰাৰ ভয়ংকৰ ষড়যন্ত্ৰ ৰচনা কৰাৰ ভয়ংকৰ তথ্য পোহৰলৈ আহিছে।

আৰু পঢ়িব পাৰিব : ধুবুৰীত গঁড়ৰ খৰ্গসহ ৪ চোৰাং ব্যৱসায়িক আটক

সিংঘু সীমাত অৱস্থান কৰি থকা কৃষকসকলে দাবী কৰা মতে এই ষড়যন্ত্ৰৰ অংশ এজন লোকক তেওঁলোকে আটক কৰিছে। লোকজনে সদৰী কৰা মতে তেওঁকে ধৰি দহজন লোকৰ এটা দলক কৃষকৰ প্ৰতিবাদৰ সময়ত হিংসা বিয়পাবলৈ প্ৰশিক্ষণ দিছে আৰক্ষীয়ে। ২৬ জানুৱাৰীৰ দিনা কৃষকসকলে উলিয়াবলগীয়া ট্ৰেক্টৰ সমদলৰ সময়ত হিংসাত্মক ঘটনা সংঘটিত কৰি কৃষক নেতাক হত্যা কৰাৰ ভয়ংকৰ ষড়যন্ত্ৰৰ কৰা প্ৰকাশ কৰিছে লোকজনে।

এজন আৰক্ষী বিষয়াই কৃষকসকলৰ প্ৰতিবাদী কাৰ্যসূচীত হিংসা বিয়পোৱাৰ জৰিয়তে বাধাগ্ৰস্ত কৰাৰ ষড়যন্ত্ৰৰে লোককেইজনক প্ৰশিক্ষণ দিয়া বুলি আটকাধীন লোকজনে স্বীকাৰ কৰিছে। লোকজনক ইতিমধ্যে হাৰিয়ানা আৰক্ষীৰ হাতত গটাই দিয়া হৈছে। কালি সন্ধিয়া কৃষকৰ হাতত ধৰা পৰা দুষ্কৃতিকাৰীজনে স্বীকাৰ কৰিছে যে, ট্ৰেক্টৰ সমদলক আৰক্ষীয়ে বাধা দিবলৈ চেষ্টা কৰাৰ সময়ত প্ৰথম ভাগৰ পৰা গুলী চলোৱাৰ ষড়যন্ত্ৰ তেওঁলোকে কৰিছিল।

আৰু পঢ়িব পাৰিব : হিমন্তক আজমলৰ মুকলি প্ৰত্যাহ্বান: ‘বাধা দিলেও অসমৰ গাঁৱে-ভূঞে হ’ব আজমলৰ কলেজ’

তাৰ পাছতে পৰিস্থিতিৰ অৱনতিৰ সুযোগ লৈ কৃষক নেতাক হত্যাৰ পৰিকল্পনা যুগুত কৰা হৈছিল। ২৬ জানুৱাৰীত নতুন দিল্লীৰ ৰাজপথত ট্ৰেক্টৰ সমদল উলিওৱাৰ সিদ্ধান্তত অটল হৈ থকা কৃষকসকলৰ দৃঢ় স্থিতিয়ে চৰকাৰৰ অস্বস্তি এতিয়া বঢ়াই তুলিছে। দুয়োপক্ষৰ মাজত ১০ লানিকৈ আলোচনা ব্যৰ্থ হোৱাৰ পাছত উচ্চতম ন্যায়ালয়ৰ কমিটীখনেও এই অচলাৱস্থাৰ অৱসান ঘটোৱাৰ চেষ্টা আৰম্ভ কৰিছে। তাৰ মাজতে এই ভয়ংকৰ ষড়যন্ত্ৰৰ তথ্যই এক অশনি বাৰ্তা কঢ়িয়াই আনিছে।

RELATED ARTICLES

Today's Weather

Guwahati
overcast clouds
26 ° C
26 °
26 °
98 %
1.2kmh
100 %
Tue
26 °
Wed
33 °
Thu
31 °
Fri
28 °
Sat
28 °

Watch latest Movies & TV Series on Prag Play

Most Popular