spot_img
18.3 C
Guwahati
18.3 C
Guwahati
মঙলবাৰ, ডিচেম্বৰ 7, 2021
Homeমনোৰঞ্জনপিতৃ ছেইফৰ মুখত অশালীন মাত, মাতৃ অমৃতাই চলাই পৰ্ন ছাইট! কয় কি...

পিতৃ ছেইফৰ মুখত অশালীন মাত, মাতৃ অমৃতাই চলাই পৰ্ন ছাইট! কয় কি ছাৰা আলী খানে?

ডিজিটেল ডেস্ক : নৱাবী ধৰণ-কৰণ আৰু আভিজাত্যৰ বাবে জনাজাত বলীউড তাৰকা ছেইফ আলী খান। তেওঁৰ বিচ্ছেদিত পত্নীৰো আছে নিজা সম্ভ্ৰম, প্ৰতিষ্ঠা। পিছে দুয়োৰে সম্পৰ্কত এক চাঞ্চল্যকৰ মন্তব্য কৰিছে খোদ তেওঁলোকৰ কন্যা ছাৰা আলী খানে। বলীউডৰ এই নৱাগত চাঞ্চল্য ছাৰা তেওঁৰ বেপৰোৱা ধৰণ কৰণৰ বাবে জনাজাত। ৰাজহুৱা স্থানতো মুখত যিহকে আহে তাকেই কৈ পেলায় ছাৰাই। এইবাৰ পিতৃ-মাতৃ সম্পৰ্কত ছাৰাই যি ভাষ্য আগবঢ়াইছে তাকে শুনি বহুতৰে অৱস্থা থিতাতে লুটি খাই পৰিবলগীয়া। আৰু সেইটো স্বাভাৱিকেই। কিয়নো ৰাজহুৱা মঞ্চত ছাৰাই যদি কয়, তেওঁৰ পিতৃয়ে পাটাউডী বংশৰ নৱাব ছেইফ আলী খানে অশালীন মাত মাতে আৰু মাতৃয়ে পৰ্নোগ্ৰাফি ছাইট চলায় তেতিয়া যিকোনো লোকৰে পিলাই চমকি যাব। পিছে ‘হাৰ্পাৰ্ছ বাজাৰ ইণ্ডিয়া’ৰে কথা-বতৰাত ভাগ লোৱাৰ সময়ত এই কথাই ক’লে ছাৰাই। ছাৰাই অকপটে কৈ গ’ল পিতৃ-মাতৃৰ ছবি চাই শৈশৱত তেওঁ কিদৰে মানসিকভাৱে একপ্ৰকাৰ বিপৰ্যয়ৰ গৰাহতে পৰিছিল।


ছেইফ আলী খান অভিনীত বিখ্যাত ছবি ‘ওমকাৰা’ আৰু অমৃতা সিঙৰ ‘কলয়ুগ’ চোৱাৰ পাছত হেনো শিশু ছাৰাৰ অৱস্থা অতি বেয়া হৈ গৈছিল। তেওঁ পিতৃ-মাতৃ সম্পৰ্কত এটা অতি নেচিবাচক ধাৰণা মনত পোষণ কৰিছিল ছবি দুখন চাই। পিতৃ ছেইফে গালি-গালাজ পাৰে, অশালীন মাত মাতে আৰু মাতৃ অমৃতাই পৰ্নোগ্ৰাফি ছাইট চলায় বুলি তেওঁৰ মনত বদ্ধমূল ধাৰণা হৈছিল আৰু এই ধাৰণাই তেওঁক বহু দিনলৈ খুলি-খুলি খাইছিল বুলিও তেওঁ মন্তব্য কৰে।

তেওঁ লগতে কয়, সেই বছৰ দুয়োগৰাকী অভিনেতাই শ্ৰেষ্ঠ অভিনেতা-অভিনেত্ৰীৰ বঁটাৰ বাবে মনোনয়ন লাভ কৰিছিল আৰু সেয়ানো কি তাৰ ধাৰণাও ছাৰাৰ নাছিল বুলি তেওঁ স্বীকাৰোক্তি দিয়ে। বহু পলমকৈহে তেওঁ মনৰ এই ভ্ৰম ভাঙিছিল বুলি তেওঁ মন্তব্য কৰে।


ছাৰাই তেওঁৰ পিতৃ-মাতৃৰ বৈবাহিক জীৱন সম্পৰ্কতো মন্তব্য কৰে। তেওঁ নিজকে মাতৃৰ বেছি ওচৰ চপা আছিল বুলি মন্তব্য কৰে। তেওঁ লগতে কয়, তেওঁৰ পিতৃ-মাতৃ একেলগে থকা সময়ত কেতিয়াও সুখী নাছিল বুলিও তেওঁ মন্তব্য কৰে। তেওঁ কয়, সেই দহটা বছৰত মোৰ মাই কেতিয়াবা হাঁহিছিল নে নাই মই নাজানো। উল্লেখ্য যে ছেইফ-অমৃতাৰ মাজত প্ৰেম বিবাহেই হৈছিল যদিও তেওঁলোকৰ বৈবাহিক সম্পৰ্ক বেছি দীঘলীয়া হোৱা নাছিল। ২০০৪চনত তেওঁলোকৰ বিচ্ছেদ ঘটিছিল।

RELATED ARTICLES

LEAVE A REPLY

Please enter your comment!
Please enter your name here

Watch latest Movies & TV Series on Prag Play

Most Popular