spot_img
20 C
Guwahati
20 C
Guwahati
দেওবাৰ, জানুৱাৰী 23, 2022
Homeৰাষ্ট্ৰীয়গংগা অথবা যমুনা: নদী পৰিষ্কৰণ অথবা সংৰক্ষণৰ ক্ষেত্ৰত কেন্দ্ৰীয় চৰকাৰৰ আন্তৰিক প্ৰয়াস...

গংগা অথবা যমুনা: নদী পৰিষ্কৰণ অথবা সংৰক্ষণৰ ক্ষেত্ৰত কেন্দ্ৰীয় চৰকাৰৰ আন্তৰিক প্ৰয়াস সুদূৰপৰাহত

ডিজিটেল ডেস্ক: ১৯৯০ চনত প্ৰথম যমুনা পৰিষ্কৰণ আৰু উজ্জীৱিতকৰণৰ পৰিকল্পনা কৰা হৈছিল, সেই সময়ত বহুতো প্ৰতিশ্ৰুতি দিয়া হৈছিল৷ একেসময়তে সময়সীমা উকলি গৈছিল৷ কিন্তু, দিল্লীৰ মাজেৰে পাৰ হৈ যোৱা যমুনা এতিয়াও মৃতপ্ৰায় হৈয়ে আছে৷ প্ৰকৃততে কথাটো অলপ ওলোটা, দৰাচলতে, যমুনা মৰি থকা নাই৷ মানুহে নিজেই তেওঁলোকৰ জীৱনৰেখা নদীখন হত্যা কৰি আছে, যিটো মানুহেই পৰিশোধ কৰিব লাগিব। মানৱ সভ্যতাৰ ইতিহাসে দেখুৱাইছে যে সভ্যতাবোৰ গঢ় লৈ উঠিছে নদীৰ পাৰত৷

১৯৯০ চনৰ পৰা তিনিবাৰ যমুনা কাৰ্য পৰিকল্পনা প্ৰস্তুত কৰা হৈছে, ৰূপায়ণ কৰা হৈছে, বিফল হৈছে। আনকি, ৫,০০০ কোটি টকাতকৈও অধিক ব্যয় কৰা হৈছিল, কিন্তু ইয়াৰ ফলাফল আছিল শূন্য৷ একেদৰে, গংগা নদীৰ পৰিস্কৰণৰ ক্ষেত্ৰতো কেন্দ্ৰীয় চৰকাৰে বাজেট নিৰ্ধাৰণ কৰি আহিছে৷ ২০১৪ চনৰ জুনত গংগা নদীৰ প্ৰদূষণ ৰোধ, সংৰক্ষণ আৰু পৰিষ্কৰণৰ বাবে ‘নমামি গংগা’ শীৰ্ষক এক কাৰ্যসূচী কেন্দ্ৰীয় চৰকাৰে গ্ৰহণ কৰিছিল, য’ত বাজেট নিৰ্ধাৰণ কৰিছিল ২০,০০০ কোটি টকা৷ একেদৰে, ২০১১ চনৰ ১২ আগষ্টত আৰম্ভ কৰা হৈছিল ‘নেশ্যনেল মিছন ফৰ ক্লীন গংগা’ৰ৷

২০১৪ চনৰ পৰা এই অভিযানৰ নেতৃ্ত্ব দি আহিছে প্ৰধানমন্ত্ৰী মোদীয়ে৷ আনকি, এসময়ত গংগা নদীৰ সংৰক্ষণৰ বাবে পৃথক মন্ত্ৰণালয়ো আৰম্ভ কৰিছিল কেন্দ্ৰীয় চৰকাৰে৷ য’ৰ পৰা মন্ত্ৰী উমা ভাৰতীয়ে পৰৱৰ্তী সময়ত পদত্যাগ কৰিছিল৷ অথচ, গংগাৰ পৰিষ্কৰণ আজিও সুদূৰপৰাহত৷ পৱিত্ৰ গংগা আজিও কলুষিত হৈ ৰৈছে৷ ক’ভিডৰ দ্বিতীয় ঢৌত গংগাৰ বুকুৱেদি উটি গৈছিল মৃতদেহ৷ গংগাৰ বুকুৰ জাবৰে সৃষ্টি কৰিছিল ভয়ানক প্ৰদূষণৰ৷ গংগাক মাতৃ জ্ঞান কৰি ভাৰতীয় জনতা পাৰ্টীৰ সদস্যসকলে পূজা-অৰ্চনাও কৰা দেখা গৈছিল৷ তাৰ পাছতো পৰিত্যক্ত হৈ ৰৈছে গংগা৷ এনে সময়তে যমুনা নদী পৰিস্কৰণৰ বাবে ধাৰ্য হোৱা ৰাজহুৱা ধন ঘূৰি গৈছে ৰাজকোষলৈ৷ অৰ্থাৎ, ইয়াৰ পৰাই প্ৰতীয়মান হয় যে গংগাই হওক বা যমুনা, এই ঐতিহাসিক নদীবোৰৰ পৰিষ্কৰণ অথবা সংৰক্ষণৰ ক্ষেত্ৰত কেন্দ্ৰীয় চৰকাৰৰ আন্তৰিক প্ৰয়াস পৰিলক্ষিত হোৱা নাই৷

RELATED ARTICLES

LEAVE A REPLY

Please enter your comment!
Please enter your name here

Watch latest Movies & TV Series on Prag Play

Most Popular