Google search engine
27 C
Guwahati
Tuesday, August 3, 2021
Google search engine
Homeব্ৰেকিং নিউজ২০২১লৈ সাজু কৰিব দলক! অধিনায়কৰ দায়িত্বত নৱজ্যোৎ সিং সিদ্ধু

২০২১লৈ সাজু কৰিব দলক! অধিনায়কৰ দায়িত্বত নৱজ্যোৎ সিং সিদ্ধু

অমৃতসৰ : বহু জল্পনা-কল্পনা আৰু বাদ-বিসম্বাদৰ পাছত সলনি হ’ল অধিনায়ক। মুখ্যমন্ত্ৰী কেপ্টেইন অমৰিন্দৰ সিং আৰু প্ৰাক্তন তাৰকা ক্ৰিকেটাৰ তথা ৰাজনীতিৰ পথাৰৰো জনপ্ৰিয় মুখ নৱজ্যোৎ সিং সিদ্ধুৰ মাজৰ সংঘাত দূৰ কৰাৰ পদক্ষেপ গ্ৰহণ কৰিলে কংগ্ৰেছৰ শীৰ্ষ নেতৃত্বই। অমৰিম্দৰ সিঙক মুখ্যমন্ত্ৰিত্বৰ আসনতে বাহাল ৰাখি নৱজ্যোৎ সিং সিদ্ধুক পতা হ’ল পঞ্জাৱ কংগ্ৰেছৰ অধিনায়ক। অহা বছৰ ৰাজ্যখনত বিধানসভা নিৰ্বাচন অনুষ্ঠিত। এনে পৰিপ্ৰেক্ষিতত ৰাজ্যখনৰ দুই শীৰ্ষ নেতাৰ সংঘাত কংগ্ৰেছৰ কাৰণে অস্বস্তিৰ কাৰণ হৈ উঠিছিল।

এই সংঘাত নিৰসনৰ বাবে অতি সচেতন আৰু সাৱধানী পদক্ষেপ গ্ৰহণ কৰিলে কংগ্ৰেছ হাইকমাণ্ডে। গান্ধী পৰিয়ালৰে ঘনিষ্ঠতা বজাই ৰখাৰ সুবাদতে নৱজ্যোৎ সিং সিদ্ধুক দিয়া হ’ল পঞ্জাৱ কংগ্ৰেছৰ সভাপতিৰ গুৰু দায়িত্ব। দেওবাৰে তেওঁ এই দায়িত্ব অৰ্পন কৰা হয়। দায়িত্ব গ্ৰহণৰ পাছতে ৰাজনীতিৰ ক্ৰীজত সিদ্ধুৱে নিজৰ আক্ৰমণাত্মক ৰূপ দেখুৱাবলৈ আৰম্ভ কৰিছে। আজি তেওঁ ৰাজ্যখনত কংগ্ৰেছক পুনৰ শাসনলৈ ঘূৰাই অনাৰ দৃঢ় সংকল্পৰ কথা ঘোষণা কৰে। কংগ্ৰেছৰ ‘জিতেগা পঞ্জাৱ’ অৰ্থাৎ পঞ্জাৱ জয়ী হ’ব শ্লোগান সাৰ্থক কৰি তোলাৰ লক্ষ্য পূৰণ কৰাৰ দৃঢ়তা প্ৰদৰ্শন কৰে সিদ্ধুৱে। টুইটযোগে তেওঁ ৰাহুল-ছোনীয়া-প্ৰিয়ংকাকে ধৰি কংগ্ৰেছৰ শীৰ্ষ নেতৃত্বক ধন্যবাদ জ্ঞাপন কৰে। আৰু কংগ্ৰেছৰ জিতেগা পঞ্জাৱ লক্ষ্যত উপনীত হোৱাৰ বাবে দলক সাজু কৰাৰ কথা দৃঢ়তাৰে উল্লেখ কৰে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
thunderstorm
27 ° C
27 °
27 °
89 %
1.5kmh
75 %
Tue
28 °
Wed
32 °
Thu
33 °
Fri
33 °
Sat
32 °

Watch latest Movies & TV Series on Prag Play

Most Popular