spot_img
24.9 C
Guwahati
Saturday, September 25, 2021
spot_img
Homeৰাষ্ট্ৰীয়গিলানীৰ মৃত্যু : কাশ্মীৰৰ ৰাজনীতিত কি আছিল বিচ্ছিন্নতাবাদী নেতাজনৰ ভূমিকা!

গিলানীৰ মৃত্যু : কাশ্মীৰৰ ৰাজনীতিত কি আছিল বিচ্ছিন্নতাবাদী নেতাজনৰ ভূমিকা!

শ্ৰীনগৰ : জম্মু-কাশ্মীৰৰ বিচ্ছিন্নতাবাদী নেতা ছৈয়দ আলী শ্বাহ গিলানীৰ মৃত্যু। পাকিস্তানৰ সমৰ্থক বুলি পৰিচিত আছিল কট্টৰ ইছলামিক নেতাজন। মৃত্যুৰ সময়ত তেওঁৰ বয়স হৈছিল ৯২ বছৰ। বুধবাৰে সন্ধিয়া তেওঁৰ শ্ৰীনগৰৰ বাসগৃহত তেওঁৰ মৃত্যু হয়। জম্মু-কাশ্মীৰৰ বিচ্ছিন্নতাবাদী ৰাজনীতিৰ অন্যতম পৰিচয় স্বৰূপ আছিল ছৈয়দ আলী শ্বাহ গিলানী। কাশ্মীৰৰ দেশৰ পৰা পৃথক কৰাৰ বহু বিতৰ্কিত, ব্যৰ্থ কিন্তু স্পৰ্শকাতৰ যুঁজখনত তেওঁৰ আছিল অতি গুৰুত্বপূৰ্ণ ভূমিকা। তেওঁ দীৰ্ঘদিনৰ পৰা তেওঁ অসুস্থ হৈ আছিল।

অসুস্থতাৰ বাবেই তেওঁ ৰাজানীতি আৰু হুৰিয়তৰ নেতৃত্বও ত্যাগ কৰিছিল। ২০১৮চনৰ মাৰ্চ মাহত তেওঁ হৃদ ৰোগতো ভুগিছিল। তেওঁৰ মৃত্যুৰ লগে লগে কাশ্মীৰৰ ৰাজনীতিৰ এটা অধ্যায়ৰ সামৰণি পৰিল। তেওঁৰ মৃত্যৰ বাতৰি পাই শোক প্ৰকাশ কৰিছে জম্মু-কাশ্মীৰৰ প্ৰাক্তন মুখ্যমন্ত্ৰী তথা পিডিপিৰ নেত্ৰী মেহবুবা মুফটীয়ে। তেওঁ টুইটযোগে লিখিছে, গিলানী চাহাবৰ মৃত্যুৰ বাতৰি পাই শোকাহত হৈছোঁ।

তেওঁৰ বহু কথাৰে মোৰ মতবিৰোধ আছিল যদিও তেওঁৰ দৃঢ়তা আৰু গতিশীলতাৰ প্ৰতি মই শ্ৰদ্ধাশীল আছিলোঁ। তেওঁৰ আত্মাৰ সদগতি কামনা কৰিছোঁ আৰু পৰিয়াললৈ সমবেদনা জ্ঞাপন কৰিছোঁ। গিলানীৰ মৃত্যুৰ পাছত উপত্যকাটোৰ নিৰাপত্তা অধিক শক্তিশালী কৰি তোলা হৈছে। ইণ্টাৰনেট সেৱা বন্ধ কৰি দিয়াৰ লগতে আন ভালেমান নিষেধাজ্ঞা আৰোপ কৰা হৈছে ঠায়ে ঠায়ে। আনহাতে কূটাঘাতৰ আশংকাত হুৰিয়তৰ কেইবাজনো নেতাক আটক কৰিছে আৰক্ষীয়ে। উল্লেখ্য যে, জম্মু-কাশ্মীৰ বিধানসভালৈ তেওঁ ১৯৭২, ১৯৭৭ আৰু ১৯৮৭ চনত নিৰ্বাচিত হৈছিল।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
few clouds
24.9 ° C
24.9 °
24.9 °
95 %
1.4kmh
23 %
Sun
34 °
Mon
34 °
Tue
30 °
Wed
30 °
Thu
31 °

Watch latest Movies & TV Series on Prag Play

Most Popular