Google search engine
28 C
Guwahati
Thursday, July 29, 2021
Google search engine
Homeআন্তঃৰাষ্ট্ৰীয়বিশ্বজুৰি আলোড়ন : কেনেকৈ মৃত্যু হ’ল সাংবাদিক ডানিছ ছিদ্দিকীৰ?

বিশ্বজুৰি আলোড়ন : কেনেকৈ মৃত্যু হ’ল সাংবাদিক ডানিছ ছিদ্দিকীৰ?

কান্দাহাৰ : ভাৰতৰ এগৰাকী প্ৰখ্যাত সাংবাদিকে প্ৰাণ হেৰুৱাবলগীয়া হ’ল আফগানিস্তানত। আফগানিস্তানত চৰকাৰ-তালিবানৰ মাজত চলি থকা সংঘাতৰ বাতৰি সংগ্ৰহ কৰি থকাৰ সময়তে প্ৰাণ হেৰুৱায় পুলিৎজাৰ বঁটা বিজয়ী ফটো সাংবাদিক ডানিছ ছিদ্দিকীয়ে। শুকুৰবাৰে আফগানিস্তান-পাকিস্তানৰ সীমান্তৱৰ্তী চহৰ স্পিন বোলডাকত তেওঁৰ মৃত্যু হোৱা বুলি জানিব পৰা গৈছে। ৰয়টাৰ্ছত কৰ্মৰত সাংবাদিকগৰাকীয়ে দীঘলীয়া সময় ধৰি তালিবানী সন্ত্ৰাসত জৰ্জৰিত দেশখনত নিজৰ দায়িত্ব পালন কৰি আছিল। তালিবানৰ গুলীতেই তেওঁৰ মৃত্যু হোৱা বুলি প্ৰকাশ পাইছে যদিও তালিবানে এই সন্দৰ্ভত অজ্ঞতা প্ৰকাশ কৰিছে।

তালিবানৰ দখলত পৰা স্পিন বোলডাক অঞ্চলটো পুনৰ নিজৰ নিয়ন্ত্ৰণলৈ আনিবলৈ আফগান সেনাই চলোৱা অভিযানৰ সময়তে তেওঁৰ মৃত্যু হোৱা বুলি ধাৰণা কৰা হৈছে। তালিবানে আজি এই সন্দৰ্ভত প্ৰতিক্ৰিয়া প্ৰকাশ কৰি কয়, ‘তেওঁৰ কেনেকৈ মৃত্যু হ’ল। কাৰ গুলীয়ে তেওঁৰ প্ৰাণ ল’লে আমি সেইকথা নাজানো। যিকোনো সাংবাদিকেই ৱাৰ জ’নত প্ৰৱেশ কৰিলে আমাক অৱগত কৰা উচিত। আমি তেতিয়া তেওঁৰ উচিত চোৱাচিতাৰ ব্যৱস্থা কৰিব পাৰোঁ।’ তালিবান সন্ত্ৰাসবাদীৰ মুখপাত্ৰ জাবিউল্লাহ মুজাহিদে ডানিছ ছিদ্দিকীৰ মৃত্যুত খেদো প্ৰকাশ কৰে। উল্লেখ্য যে, ২০১০ চনৰ পৰা ৰয়টাৰ্ছত ফটো সাংবাদিক হিচাপে কৰ্মৰত ডানিছ ছিদ্দিকীয়ে ইৰাক, হংকং, নেপাল আদিৰ দৰে যুদ্ধজৰ্জৰ অঞ্চলত সাহসিকতাৰে নিজৰ দায়িত্ব পালন কৰি আহিছিল। ২০১৮চনত ৰয়টাৰ্ছৰ হৈ পুলিৎজাৰ লাভ কৰা সাংবাদিকৰ দলটোৰ তেৱোঁ সদস্য আছিল। ৩৮বছৰীয়া ডানিছ ছিদ্দিকীৰ মৃত্যুৱে বিশ্বজুৰি আলোড়ন তুলিছে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
mist
28 ° C
28 °
28 °
83 %
0kmh
75 %
Thu
32 °
Fri
30 °
Sat
30 °
Sun
30 °
Mon
30 °

Watch latest Movies & TV Series on Prag Play

Most Popular