spot_img
27 C
Guwahati
27 C
Guwahati
সোমবাৰ, নৱেম্বৰ 29, 2021
Homeজীৱন শৈলীব্ৰেকফাষ্ট বা স্নেকছ হিচাপে খাওক খান্দৱী, জানো আহক ৰেচিপি

ব্ৰেকফাষ্ট বা স্নেকছ হিচাপে খাওক খান্দৱী, জানো আহক ৰেচিপি

ডিজিটেল ডিস্কঃ খাদ্যৰসিক মানুহে ভিন্ন সোৱাদৰ খাদ্য ৰান্ধি আৰু খাই ভালপায়। আজি আপোনালোকক জনাব বিচাৰিছো গুজৰাটৰ এক জনপ্ৰিয় দিশ্ব খান্দৱীৰ বিষয়ে। খান্দৱী অতি সোৱাদযুক্ত। কিন্তু ইয়াক প্ৰস্তুত কৰাটো অলপ কঠিন সেয়েহে কিছুমানে এয়া বনাবলৈ অলপ সংকোচ কৰে। কিন্তু আজি আমি আপোনাক খান্দৱী বনোৱাৰ এটা সহজ উপায় ক’বলৈ গৈ আছো যাতে আপুনি ইয়াক অতি সোনকালে তৈয়াৰ কৰিব পাৰে আৰু ইয়াৰ সোৱাদ ল’ব পাৰে। গতিকে মাইক্ৰ’ৱেভত খান্দৱী কেনেদৰে প্ৰস্তুত কৰিব লাগে জানো আহক।

খান্দৱীৰ বাবে প্ৰয়োজনীয় উপকৰণসমূহ

৩/৪ কাপ বেচন
৩/৪ কাপ দৈ
১/৪ চামুচ আদা পেষ্ট
১/৪ চাহ চামুচ সেউজীয়া জলকীয়া পেষ্ট
১/৪ চাহ চামুচ হালধি গুৰি
একচিকুট হিং
প্ৰয়োজন অনুসৰি পানী

আৰু লাগিব

৩ ৰ পৰা ৪ টা নৰসিংহ পাত
১ চামুচ সৰিয়হ
১ টেবল চামুচ নাৰিকল গুৰি
প্ৰয়োজন অনুসৰি ধনিয়া
সোৱাদ অনুসৰি নিমখ
১ টেবল চামুচ তেল  

খান্দৱীৰ ৰেচিপি:
-প্ৰথমে এটা পাত্ৰত দৈ, বেচন, আদা পেষ্ট, সেউজীয়া জলকীয়া পেষ্ট, হালধি গুৰি আৰু নিমখ যোগ দিয়ক আৰু ভালদৰে মিহলি কৰক।
-মাইক্ৰ’ৱেভটো প্ৰিহিট কৰক।
-এতিয়া বেচনৰ দ্ৰৱণটো বাটি এটাত ভৰাই ইয়াক প্ৰায় ৫ মিনিটৰ বাবে মাইক্ৰ’ৱেভত ৰাখক।
-নিৰ্ধাৰিত সময়ৰ পিছত মাইক্ৰ’ৱেভৰ পৰা বাটিটো আঁতৰাওক।
-এখন বহল প্লেটত ইয়াক ঢালি দিয়ক।
-৪-৫ মিনিটৰ পিছত মিশ্ৰণটো ঠাণ্ডা হ’ব। ঠাণ্ডা হোৱাৰ পাছত স্তৰটো চুৰিৰে ষ্ট্ৰেপ আকাৰত কাটক।
-ষ্ট্ৰেপবোৰ ঘূৰাই ভাঁজ কৰক আৰু ৰোলটো প্ৰস্তুত কৰক।
-এতিয়া বাটিটোত পুনৰ তেল, সৰিয়হ , হিং আৰু নৰসিংহ পাত যোগ দিয়ক আৰু ২ মিনিটৰ বাবে মাইক্ৰ’ৱেভ কৰক।
-এতিয়া সেই জোলখিনি খান্দৱীৰ ওপৰত ঢালি দিয়ক।
-গুজৰাটী খান্দৱী সাজু। নাৰিকলৰ গুৰি আৰু সেউজীয়া ধনিয়াৰে সজাওক আৰু পৰিৱেশন কৰক।

RELATED ARTICLES

LEAVE A REPLY

Please enter your comment!
Please enter your name here

Watch latest Movies & TV Series on Prag Play

Most Popular