spot_img
21 C
Guwahati
21 C
Guwahati
বুধবাৰ, জানুৱাৰী 26, 2022
Homeব্ৰেকিং নিউজবিদেশ ভ্ৰমণ কৰি অহা লোকৰ বাবে ৭দিনৰ বাধ্যতামূলক কোৱাৰেণ্টাইন

বিদেশ ভ্ৰমণ কৰি অহা লোকৰ বাবে ৭দিনৰ বাধ্যতামূলক কোৱাৰেণ্টাইন

ডিজিটেল ডেস্ক: বিদেশৰ পৰা অহা লোকৰ ক্ষেত্ৰত কঠোৰ হৈছে স্বাস্থ্য বিভাগ৷ যিসকল লোক বিদেশৰ পৰা ভাৰতলৈ আহিব তেওঁলোকে সাতদিনৰ বাবে ঘৰত কোৱাৰেণ্টাইন হোৱাটো বাধ্যতামূলক৷ অষ্টম দিনা সেই ব্যক্তিয়ে পৰীক্ষা কৰিব লাগিব৷ এই নতুন নিয়ম মঙলবাৰৰ পৰা কাৰ্যকৰী হ’ব৷ দেশত ক’ভিড-অ’মিক্ৰন বৃদ্ধিৰ পাছতে পৰিস্থিতিৰ সৈতে মোকাবিলা কৰিবলৈ লোৱা হৈছে এই ব্যৱস্থা৷

বিদেশ ভ্ৰমণ কৰি অহা সকলো যাত্ৰীয়ে সাতদিনৰ বাবে হোম কোৱাৰেণ্টাইনত থাকিব লাগিব আৰু তাৰ পাছত আৰটি-পিচিআৰ পৰীক্ষা কৰিব লাগিব। যদিহে কোনো যাত্ৰী ৰিজাল্ট পজিটিভ আহে তেন্তে তেওঁলোকক পৃথকীকৰণ কৰাৰ লগতে তেওঁলোকৰ নমুনাবোৰ পৰীক্ষাৰ বাবে প্ৰেৰণ কৰা হ’ব।

আনহাতে, তেওঁলোকৰ ওচৰত বহি থকা যাত্ৰীসকল আৰু কেবিন ক্ৰুক পজিটিভ চিনাক্ত হোৱা লোকৰ সম্পৰ্কলৈ অহা বুলি গণ্য কৰা হ’ব। যদিহে নেগেটিভ ৰিজাল্ট আহে তথাপিও যাত্ৰীসকলে “পৰৱৰ্তী সাতদিনৰ বাবে তেওঁলোকৰ স্বাস্থ্য স্ব-নিৰীক্ষণৰ বাবে থাকিব৷”

‘বিপদাশংকা’ত থকা দেশবোৰৰ পৰা অহা লোকসকলৰ বাবেও নিয়মবোৰ একে থাকিব৷ বিগত ২৪ ঘণ্টাত ২৮শতাংশ ক’ভিড সংক্ৰমণ বৃদ্ধিৰ পাছতে ঘোষণা কৰিছে নতুন নিয়মসমূহ৷ জানিব পৰা মতে স্ক্ৰীনিঙৰ সময়ত লক্ষণ পোৱা যাত্ৰীসকলক পৃথক কৰা হ’ব আৰু চিকিৎসা কেন্দ্ৰলৈ লৈ যোৱা হ’ব। যদি তেওঁলোকৰ দেহত ক’ভিডৰ অৱস্থিতিয়ে দেখা দিয়ে তেতিয়া লগে লগেই তেওঁলোকৰ সম্পৰ্কলৈ অহা লোকক চিনাক্ত কৰা হ’ব।

RELATED ARTICLES

Watch latest Movies & TV Series on Prag Play

Most Popular