spot_img
15 C
Guwahati
15 C
Guwahati
বৃহস্পতিবাৰ, ডিচেম্বৰ 2, 2021
Homeমনোৰঞ্জনশ্বাহৰুখৰ ৫০, অক্ষয়ৰ ১৫শ, ইৰফানৰ ২৫; কোটিপতি বলীউড তাৰকাৰ কিমান আছিল...

শ্বাহৰুখৰ ৫০, অক্ষয়ৰ ১৫শ, ইৰফানৰ ২৫; কোটিপতি বলীউড তাৰকাৰ কিমান আছিল প্ৰথম উপাৰ্জন?

ডিজিটেল ডেস্কঃ ‘দুখ নকৰিলে মুখ নভৰে…’- এজন ব্যক্তিয়ে জীৱনত মৰা সাফল্যৰ হাঁহিৰ আঁৰত কত যে কাহিনী লুকাই থাকে! আগতে হয়তো আপুনি বহু ব্যক্তিৰ জীৱনসংগ্ৰামৰ বিষয়ে পঢ়িছে। আজি আপোনাক জনাব বিচাৰিছোঁ একাংশ বলীউড তাৰকাৰ জীৱন সংগ্ৰামৰ বিষয়ে। কোন ষ্টাৰে কৰ্মজীৱনৰ প্ৰথম অৱস্থাত কিমান পাৰিশ্ৰমিক লাভ কৰিছিল? বলীউড বাদশ্বাহ শ্বাহৰুখ খানৰ জীৱনতো আছে সংগ্ৰামৰ পৃষ্ঠা।

সংগ্ৰামৰত অৱস্থাত তেওঁ সাংস্কৃতিক অনুষ্ঠানৰ সৈতে জড়িত হৈ অনুষ্ঠানলৈ অহা অতিথিসকলক স্বাগতম জনোৱাৰ দায়িত্বত নিয়োজিত হৈছিল। আৰু সেই কামৰ বাবে লাভ কৰিছিল মাত্ৰ ৫০ টকা। সেই ৫০টকাৰে যাত্ৰা আৰম্ভ কৰি এতিয়া তেওঁ সম্পদ আৰু প্ৰাচুৰ্যৰ পাহাৰ গঢ়িবলৈ সক্ষম হৈছে। পৰীৰ দেশৰ কাহিনীৰ দৰেই সাফল্যৰ ইতিহাস ৰচনা কৰিছে বাদশ্বাহে! ইফালে, এতিয়া অক্ষয় কুমাৰৰ প্ৰায় প্ৰতিখন চলচ্চিত্ৰই ১০০ কোটিৰ ক্লাব চুইছে। কিন্তু অক্ষয় কুমাৰেও এটা সময়ত হোটেলৰ ৱেইটাৰ হিচাপে কাম কৰি মাহেকত ১৫০০ টকা উপাৰ্জন কৰি চলিবলগীয়া হৈছিল।


বলীউডত আলোড়ন সৃষ্টিৰ লগতে হলীউডতো খোজ পেলোৱা প্ৰিয়ংকা চোপ্ৰাই তেওঁৰ প্ৰতিটো ইনষ্টাগ্ৰাম পোষ্টৰ বাবে এতিয়া ১.৮০ কোটি টকা উপাৰ্জন কৰে। তেওঁ কেৰিয়াৰৰ আৰম্ভণিতে কৰা কামৰ বাবে তেওঁ লাভ কৰিছিল ৫,০০০ টকাহে। আমিৰ খানৰ প্ৰথম ছবি ‘কয়ামত চে কয়ামত তক’। তেওঁ সেই ছবিখনত অভিনয় কৰাৰ বাবে মাহে মাত্ৰ ১,০০০ টকা দৰমহা লাভ কৰিছিল। কংকণা ৰাণাৱতেও আজি তেওঁৰ অভিনয়ৰ স্বীকৃতিস্বৰূপে ‘পদ্মশ্ৰী’ৰ দৰে ৰাষ্ট্ৰীয় সন্মান লাভ কৰিছে। কিন্তু কেৰিয়াৰৰ আৰম্ভণিতে, মডেল হিচাপে তেওঁৰ প্ৰথম উপাৰ্জন আছিল মাত্ৰ ৪,০০০ টকা। আপোনালোকে শুনিলে আচৰিত হ’ব যে, বলীউডৰ মেগাষ্টাৰ অমিতাভ বচ্চনে প্ৰথম কৰা কামৰ পাৰিশ্ৰমিক হিচাপে লাভ কৰিছিল মাত্ৰ ৫০০ টকা।


দীপিকা পাডুকন বুলিলেই যেন এতিয়া সাফল্যই হাত বাউলি দি মাতে। ধনে-সম্পদেও তেওঁৰ ভঁৰাল ভৰা। কিন্তু তেওঁ নিজ হাতে কৰা প্ৰথম উপাৰ্জনৰ ধনৰ পৰিমাণ আছিল ২,০০০ টকা। ছুপাৰষ্টাৰ হৃত্বিক ৰোশনো এতিয়া বলীউডৰ অন্যতম দামী তাৰকা। পিছে ৰোশনে প্ৰথম উপাৰ্জন কৰা ধনৰ পৰিমাণ আছিল ১০০ টকা। বৰ্তমান তেওঁৰ মুম্বাইৰ পাঁচ স্থানত নিজৰ ঘৰ আছে। অলপতে ১০০ কোটি টকীয়া এটা ঘৰো কিনিছে তেওঁ। চলচ্চিত অভিনয় কৰাৰ পূৰ্বে ইৰফান খানে শিক্ষকতাক জীৱিকা হিচাপে বাছি লৈছিল। প্ৰথম উপাৰ্জন কৰা ধনৰ পৰিমাণ আছিল মাত্ৰ ২৫ টকা। আৰু যে কত অলিখিত আখ্যান আছে এইসকল তাৰকাৰ জীৱনত!

RELATED ARTICLES

LEAVE A REPLY

Please enter your comment!
Please enter your name here

Watch latest Movies & TV Series on Prag Play

Most Popular