spot_img
27 C
Guwahati
Friday, September 24, 2021
spot_img
Homeআন্তঃৰাষ্ট্ৰীয়আফগানিস্তানত নিয়োগ বিচাৰি ২ ভাৰতীয় মহিলা কনিষ্টবলৰ আবেদন

আফগানিস্তানত নিয়োগ বিচাৰি ২ ভাৰতীয় মহিলা কনিষ্টবলৰ আবেদন

কাবুলঃ ইণ্ডো-তিব্বত সীমান্ত আৰক্ষীৰ দুজন মহিলা কনিষ্টবলে দিল্লী উচ্চ ন্যায়ালয়ৰ বিৰুদ্ধে আফগানিস্তানলৈ স্থানান্তৰ বিচাৰি আবেদন কৰিছে। কিন্তু আদালতে গোচৰটো খাৰিজ কৰিছে। দিল্লী উচ্চ ন্যায়ালয়ৰ ন্যায়াধীশ ৰাজীৱ সহায় আৰু ন্যায়াধীশ অমিত বনচালে এনেধৰণৰ গোচৰৰ আবেদনত আচৰ্য প্ৰকাশ কৰিছে।


গোচৰটো খাৰিজ কৰি আদালতে সদৰী কৰিছে যে, ‘সশস্ত্ৰ বাহিনীৰ সদস্য হিচাপে যিকোনো স্থানতে ইণ্ডো-টিবেটান সীমান্ত আৰক্ষীৰ (আইটিবিপি) সদস্যসকলক নিয়োগ কৰিব পাৰি। কিন্তু প্ৰয়োজন অনুসৰিহে এই স্থানান্তৰকৰণৰ ব্যৱস্থা হাতত লোৱা হয়। তেওঁলোকৰ আফগানিস্তানত বিশেষভাৱে নিযুক্তি বিচৰাৰ কোনো অধিকাৰ নাই। কিন্তু আমি আচৰিত যে তেওঁলোকে নিজেই এই ভয়ানক পৰিস্থিতিত আফগানিস্তানত নিয়োজিত হোৱাৰ বাবে আবেদন কৰিছে।’


ইফালে, আবেদনকাৰী কনিষ্টবল দুজনৰ দাবী, তেওঁলোকক বিগত বৰ্ষৰ আগষ্টত দুবছৰৰ বাবে কাবুলৰ দূতাবাসত নিযুক্তি দিয়া হৈছিল। কিন্তু তেওঁলোকক চলিত বৰ্ষৰ জুন মাহত আকৌ এবাৰ ভাৰতলৈ স্থানান্তৰ কৰা হৈছিল। কাবুলত দুবছৰ থকাটো তেওঁলোকৰ অধিকাৰৰ ভিতৰত পৰে বুলি প্ৰবল যুক্তি প্ৰকাশ কৰিছে দুয়োগৰাকী কনিষ্টবলে। জানিবলৈ পোৱা মতে, ইণ্ডো-টিবেটান সীমান্ত আৰক্ষীয়ে (আইটিবিপি) সেই সময়ত কাবুলত ৩গৰাকী মহিলা কনিষ্টবল মোতায়েন কৰা হৈছিল। আদালতে তেতিয়া কৈছিল যে কনিষ্টবলসকলে তেওঁলোকক ক’ত নিয়োজিত কৰা হ’ব সেইটো নিজৰ পৰা বাছনি কৰিব নোৱাৰে। উল্লেখ্য যে ১৫ আগষ্টৰ পৰা আইটিবিপিৰ ৯৯ জন সদস্য আৰু দুটা স্নিফাৰ কুকুৰ আফগানিস্তানৰ পৰা ভাৰতলৈ ঘূৰাই অনা হৈছিল।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
broken clouds
27 ° C
27 °
27 °
89 %
0kmh
75 %
Fri
33 °
Sat
33 °
Sun
33 °
Mon
32 °
Tue
33 °

Watch latest Movies & TV Series on Prag Play

Most Popular