spot_img
23 C
Guwahati
23 C
Guwahati
সোমবাৰ, জানুৱাৰী 24, 2022
Homeমনোৰঞ্জনকপিল দেৱৰ বায়'পিকত ৰণবীৰ-দীপিকা : চেলুলয়ডত ৮৩'বিশ্বকাপ জয়ৰ কাহিনী

কপিল দেৱৰ বায়’পিকত ৰণবীৰ-দীপিকা : চেলুলয়ডত ৮৩’বিশ্বকাপ জয়ৰ কাহিনী

ডিজিটেল ডেস্ক: ৰণবীৰ-দীপিকা যুটিয়ে পুনৰ খলকনি তুলিছে বলীউডৰ ছবিজগতত৷ ভাৰতৰ ক্ৰিকেটৰ জগতৰ এক আৱেগ কপিল দেৱ৷ ভাৰতীয় ক্ৰিকেটত প্ৰথমটো বিশ্বকাপ উপহাৰ দিয়া প্ৰাক্তন ক্ৰিকেটাৰ তথা অধিনায়ক কপিল দেৱৰ খেলুৱৈ জীৱন বৃত্তান্তসমৃদ্ধ ছবিৰ ট্ৰেইলৰ আজি মুকলি কৰা হয়৷ বলীউড তাৰকা ৰণবীৰ সিঙে অভিনয় কৰা বহু প্ৰতিক্ষিত ছবি ‘৮৩’ৰ ট্ৰেইলাৰ মুকলি হোৱাৰ পাছতে ছবিখন চাবলৈ উচ্ছুকতা বৃদ্ধি পাইছে অনুৰাগী তথা ক্ৰীড়াপ্ৰেমীৰ মাজত৷


১৯৮৩ চনৰ ২৫ জুনত কপিল দেৱৰ অধিনায়কত্বত ভাৰতে প্ৰথমটো বিশ্বকাপ জয়ৰ গৌৰৱ অৰ্জন কৰিছিল৷ সমগ্ৰ ভাৰতবাসীক গৌৰাম্বান্বিত কৰা এই মধুৰ ক্ষণ পুনৰ উজলাই তোলাৰ চেষ্টাৰে নিৰ্মাণ কৰা হৈছে ‘৮৩’ ছবিখন৷ বিশ্বকাপ জয়ৰ ৩৮ বছৰৰ পাছত কবিৰ খানৰ পৰিচালনাত নিৰ্মাণ কৰা হৈছে ‘৮৩’৷ কপিল দেৱৰ চৰিত্ৰত অভিনয় কৰিছে ৰণবীৰ সিঙে আৰু ছবিখনত কপিল দেৱৰ পত্নী ৰোমি ভাটিয়াৰ চৰিত্ৰত অভিনয় কৰিছে বলীউডৰ ডিম্পল কুইনখ্যাত দীপিকা পাডুকনে৷ ইয়াৰ উপৰি ছবিখনত পংকজ ত্ৰিপাঠীসহ বহু কলা-কুশলীয়ে অভিনয় কৰিছে৷


৬০-৭০ কোটি টকা ব্যয়েৰে নিৰ্মাণ কৰা এই ছবিখন ২৪ ডিচেম্বৰত ছবিগৃহলৈ আহিব৷ হিন্দী, তামিল, তেলেগু, কানাড়া আৰু মালেয়ালম ভাষাত মুক্তি লাভ কৰিব৷ আজি ‘৮৩’ৰ ট্ৰেইলৰটোত ১৯৮৩ৰ ১৮ জুনত ইংলেণ্ডৰ নেভিল খেলপথাৰত অনুষ্ঠিত হোৱা জিম্বাৱেৰ বিৰুদ্ধে ভাৰতৰ মেচখনৰ পৰা আৰম্ভ হৈছে৷ ভাৰতে ৱেষ্ট ইণ্ডিজৰ বিৰুদ্ধে ফাইনেলত অৱতীৰ্ণ হৈ কপিল দেৱৰ অধিনায়কত্বত প্ৰথমটো বিশ্বকাপ দখল কৰিছিল ভাৰতে৷

RELATED ARTICLES

Watch latest Movies & TV Series on Prag Play

Most Popular