spot_img
17 C
Guwahati
17 C
Guwahati
শনিবাৰ, ডিচেম্বৰ 4, 2021
Homeৰাষ্ট্ৰীয়বিয়াৰ গান শুনি মৃত্যু ৬৩ টা কুকুৰাৰ! খঙৰ কোবত থানা পালেগৈ কুকুৰাৰ...

বিয়াৰ গান শুনি মৃত্যু ৬৩ টা কুকুৰাৰ! খঙৰ কোবত থানা পালেগৈ কুকুৰাৰ মালিক

ডিজিটেল ডেস্কঃ বিয়াৰ গান শুনি মৃত্যু ৬৩ টা কুকুৰাৰ। শুনিবলৈ আচৰিত লগা নাইনে? এই দাবী মৃত কুকুৰাকেইটাৰ মালিকৰ। তেওঁ আনকি এই ঘটনাক লৈ থানাত এক গোচৰো ৰুজু কৰিছে। আৰক্ষীও এই গোচৰ শুনি হৈছে হায়ৰাণ। এই ঘটনা সংঘটিত হৈছে ওড়িশাৰ বালাশ্বৰৰ কাণ্ডাগাৰ্দী গাঁৱত। এখন কুকুৰা ফাৰ্মৰ গৰাকী ৰঞ্জিত পাৰিদাই অভিযোগ কৰা অনুসৰি তেওঁৰ ঘৰৰ ওচৰত অনুষ্ঠিত হোৱা এক বিবাহ অনুষ্ঠানত ডি জে মাতি গানৰ অনুষ্ঠান পাতে।

ডিজেৰ জৰিয়তে গান বজাই স্ফূৰ্তি-তামাছা কৰিছিল বিয়াঘৰত। তাত উচ্চ স্বৰত বজোৱা গান-বাজনা শুনি ৰঞ্জিত পাৰিদাৰ কুকুৰা ফাৰ্মত সেই নিশাই হাৰ্ট এৰ্টেক হৈ ৬৩টাকৈ কুকুৰাৰ মৃত্যু হয়। কুকুৰা কেইটাৰ মৃত্যুৰ বাবে বিবাহ অনুষ্ঠিত কৰা পৰিয়ালটোক জগৰীয়া কৰি তেওঁলোকৰ বিৰুদ্ধে ৰঞ্জিত পাৰিদাই নীলগিৰি আৰক্ষী থানাত কুকুৰাৰ মালিক ৰঞ্জিত পাৰিদাই থানাত দাখিল কৰিছে এজাহাৰ।

এজাহাৰত কুকুৰা মালিকগৰাকীয়ে লিখিছে- নিশা ৰামচন্দ্ৰ পাৰিদাৰ ঘৰত বিবাহ উপলক্ষে বজোৱা উচ্চস্বৰৰ সংগীতৰ বাবে তেওঁৰ কুকুৰাকেইটাৰ মৃত্যু হৈছে। ডি জে বজোৱা উচ্চস্বৰৰ গানৰ বাবে হৃদৰোগত আক্ৰান্ত হৈ কুকুৰাবোৰ অস্থিৰ হৈ ঢলি পৰিছিল। তাৰ কিছুসময়ৰ পাছতে এটা এটাকৈ ৬৩টা কুকুৰা মৃত্যুমুখত পৰিছিল। এই অভিযোগ দাখিল কৰাৰ পাছত বিবুধিত পৰিছে আৰক্ষী। ঘটনাৰ সন্দৰ্ভত আৰক্ষীয়ে তদন্তটো আগবঢ়াবলৈ কাষ চাপিছে পশু চিকিৎসকৰ। আৰক্ষীয়ে পশু চিকিৎসকৰ পৰা এনে ঘটনা হ’ব পাৰে নেকি সেই সন্দৰ্ভত প্ৰতিবেদন বিচাৰিছে। সেই প্ৰতিবেদনৰ ভিত্তিতেই আৰক্ষীয়ে আৰম্ভ কৰিব তদন্ত প্ৰক্ৰিয়া। কুকুৰা মালিকে মোক ন্যায় লাগিবই বুলি আৰক্ষীক জনাইছে দাবী।

আৰু পঢ়কঃ বিশ্বজুৰি চৰ্চা! নিৰ্মাণ হ’ব বিশ্বৰ প্ৰথমখন ওপঙা চহৰ; ক’ত?

RELATED ARTICLES

LEAVE A REPLY

Please enter your comment!
Please enter your name here

Watch latest Movies & TV Series on Prag Play

Most Popular