মমতা বেনাৰ্জী আৰু পশ্চিমবংগৰ দুই নৱ-নিৰ্বাচিত বিধায়কৰ শপত গ্ৰহণ

0
157
মমতা বেনাৰ্জী
মমতা বেনাৰ্জী আৰু পশ্চিমবংগৰ দুই নৱ-নিৰ্বাচিত বিধায়কৰ শপত গ্ৰহণ

ডিজিটেল ডেস্কঃ পশ্চিমবংগৰ উপ-নিৰ্বাচনত ভৱানীপুৰ সমষ্টিৰ পৰা প্ৰতিদ্বন্দিতা আগবঢ়াইছিল মুখ্যমন্ত্ৰী মমতা বেনাৰ্জীয়ে। উপ-নিৰ্বাচনত মমতা বেনাৰ্জীয়ে লাভ কৰে ৮৫,২৬৩ টা ভোট৷

৫৮ হাজাৰ ভোটৰ ব্যৱধানত বংগৰ দিদিয়ে পৰাজিত কৰে বিজেপি প্ৰাৰ্থী প্ৰিয়ংকা টিব্ৰুৱালক। বিজেপি প্ৰাৰ্থী প্ৰিয়ংকা টিব্ৰুৱালে ২৬,৪২৮ টা ভোট লাভ কৰে আৰু ভাৰতীয় কমিউনিষ্ট পাৰ্টিৰ (CPI) প্ৰাৰ্থী শ্ৰীজিব বিশ্বাসে লাভ কৰে ৪,২২৬ টা ভোট।

জংগীপুৰৰ পৰা নিৰ্বাচিত হয় জাকিৰ হুছেইন আৰু আমিৰুল ইছলাম পশ্চিমবংগৰ চামচেৰগঞ্জ বিধানসভা সমষ্টিৰ পৰা নিৰ্বাচিত হৈছে। ৭ অক্টোবৰ, বৃহস্পতিবাৰে মমতা বেনাৰ্জীসহ তিনিওগৰাকী বিধায়কে শপত গ্ৰহণ কৰে। পশ্চিমবংগৰ ৰাজ্যপাল জগদীপ ধনখৰৰ উপস্থিতিত শপত গ্ৰহণ কৰে নৱ-নিৰ্বাচিত বিধায়ককেইগৰাকীয়ে।