spot_img
27 C
Guwahati
27 C
Guwahati
সোমবাৰ, নৱেম্বৰ 29, 2021
Homeআন্তঃৰাষ্ট্ৰীয়১০০ ফুট গভীৰ জলপ্ৰপাতত পৰি যোৱা মাতৃ-কন্যাৰ জীৱন বচালে দেৱদূতৰূপী যুৱকে

১০০ ফুট গভীৰ জলপ্ৰপাতত পৰি যোৱা মাতৃ-কন্যাৰ জীৱন বচালে দেৱদূতৰূপী যুৱকে

ডিজিটেল ডেস্কঃ এজন যুৱকে নিজৰ জীৱন বিপদত পেলাই ৰক্ষা কৰিলে এগৰাকী মাতৃ আৰু তেওঁৰ ২ বছৰীয়া কন্যাৰ জীৱন। ১০০ ফুট গভীৰ জলপ্ৰপাতত পৰি গৈছিল মাতৃ আৰু কন্যা। এই ঘটনা সংঘটিত হৈছে আমেৰিকাৰ পোৰ্টলেণ্ডত। শ্বেন ৰাউণ্ডি নামৰ যুৱকজনে জলপ্ৰপাতৰ নৈসৰ্গিক শোভা চাবৰ বাবে তাত উপস্থিত হৈছিল। হঠাতে তেওঁ এক মৰণকাতৰ চিঞৰ শুনিবলৈ পালে। শ্বেন ৰাউণ্ডিয়ে দৌৰি গৈ দেখে যে এগৰাকী মহিলা আৰু এটি কন্যা শিশু দলঙৰ পৰা পানীত পৰি গৈছে। ১০০ ফুট তলত পৰি গৈছিল দুই মাতৃ-কন্যা।

শ্বেন ৰাউণ্ডিয়ে লগালগ লোহাৰ দলঙৰ পৰা জঁপিয়াই পৰিছিল আৰু গছ এডালত উঠিছিল। তেওঁ মহিলাগৰাকীক বচাবলৈ হাতখন আগবঢ়াইছিল। কিন্তু মহিলাগৰাকীয়ে চিঞৰি চিঞৰি কান্দিছিল আৰু প্ৰথমে শিশুটোক বচাবলৈ আহ্বান জনাইছিল। সেই কথা শুনি শ্বেনে বৰফ যেন ঠাণ্ডা পানীত জঁপিয়াই পৰিল। তেওঁ লাহে লাহে শিশুটোক দেৱালৰ ফালে লৈ আহিছিল আৰু এটা পাৰত উঠাই দিছিল। ঘটনাস্থলীত ইতিমধ্যে উপস্থিত থকা আন কেইজনমানে তাত গৰম কাপোৰৰ ব্যৱস্থা কৰিছিল। শ্বেনে এইবাৰ মহিলাগৰাকীক বচাবলৈ আগবাঢ়িছিল। তেওঁ সেই সময়ত বহু আঘাত পাইছিল। কিন্তু তাৰপাছতো শ্বেনে মহিলাগৰাকীৰ জীৱন ৰক্ষা কৰিবলৈ প্ৰাণে-পণে যুঁজিলে।

আৰু পঢ়কঃ সাফল্যৰ হাঁহি! পৰীক্ষাত ১০০ৰ ভিতৰত ৮৯ নম্বৰ লাভ কৰি চমক ১০৪ বছৰীয়া আইতাৰ

শ্বেন ৰাউণ্ডি পেছাত এজন মেকানিক। তেওঁৰ সাহসিকতাৰ বাবেই মাতৃ আৰু কন্যা দুয়োৰে প্ৰাণৰক্ষা পৰে। ইয়াৰ পাছতেই শ্বেন ৰাউণ্ডিক লৈ সকলো ঠাইতে প্ৰশংসা আৰম্ভ হৈছে। মাতৃগৰাকীয়ে শ্বেনক দেৱদূত আখ্যা দিছে। বৰ্তমানৰ তিনিওৰে স্বাস্থ্য সুস্থিৰ। শ্বেন ৰাউণ্ডিৰ সাহসিকতাক সকলোৱে একমুখে শলাগিছে। এই ঘটনাটো মাল্টনোমাহ জলপ্ৰপাত চোৱাৰ সময়ত সংঘটিত হৈছিল।

RELATED ARTICLES

LEAVE A REPLY

Please enter your comment!
Please enter your name here

Watch latest Movies & TV Series on Prag Play

Most Popular