spot_img
24.3 C
Guwahati
Thursday, September 16, 2021
spot_img
Homeব্ৰেকিং নিউজমন কী বাত : ‘ভাৰত জোড়ো আন্দোলন’ক নেতৃত্ব দিয়াৰ আহ্বান মোদীৰ

মন কী বাত : ‘ভাৰত জোড়ো আন্দোলন’ক নেতৃত্ব দিয়াৰ আহ্বান মোদীৰ

নতুন দিল্লী : প্ৰধানমন্ত্ৰী নৰেন্দ্ৰ মোদীয়ে আজি তেওঁৰ নিয়মীয়া অনাতাঁৰ অনুষ্ঠান ‘মন কী বাত’ৰ জৰিয়তে দেশবাসীক সম্বোধন কৰে। প্ৰধানমন্ত্ৰীৰ এই জনপ্ৰিয় অনুষ্ঠানটোৱে আজি ৮০টা খণ্ড সম্পূৰ্ণ কৰিলে। আজি ক্ৰীড়া-গ্ৰাম্য অৰ্থনীতি তথা বয়ন শিল্পৰ উত্তৰণৰ দৰে কেইবাটাও গুৰুত্বপূৰ্ণ বিষয়ত আলোকপাত কৰে প্ৰধানমন্ত্ৰীয়ে। দেশবাসীক সম্বোধন কৰি প্ৰধানমন্ত্ৰীগৰাকীয়ে কয় যে, ‘ট’কিঅ’ অলিম্পিকৰ সময়ত ভাৰতে লাভ কৰা প্ৰতিটো পদক অত্যন্ত বিশেষ আৰু ক্ৰীড়াক্ষেত্ৰত ভাৰতে লাভ কৰা গতি ৰুদ্ধ হ’ব নোৱাৰে।

ইয়াৰ পূৰ্বে ভাৰতে হয়তো অলিম্পিকত ইমানটা পদক জিকিব পৰা নাই, কিন্তু আজিৰ প্ৰজন্মই ক্ৰীড়া সম্পৰ্কীয় সুযোগবিলাক অন্বেষণ কৰি আহিছে। আমি ইয়াৰ গতি ৰুদ্ধ হ’বলৈ দিব নোৱাৰোঁ। বৰঞ্চ অধিক তৰান্বিতহে কৰিব লাগিব।’জীৱনৰ সকলো ক্ষেত্ৰতে এই গতি স্থায়ী কৰাৰ আহ্বান মোদীৰ। প্ৰধানমন্ত্ৰীগৰাকীয়ে লগতে ‘ভাৰত জোড়ো আন্দোলন’ৰ নেতৃত্ব দিবলৈ দেশবাসীক আহ্বান জনায়।

বৈচিত্ৰ্যৰে ভৰি থকা দেশখনক একতাৰ ডোলেৰে বান্ধি ৰখাটো প্ৰতিজন ভাৰতীয়ৰ কৰ্তব্য। গ্ৰাম্য আৰু জনজাতীয় অঞ্চলৰ লাখ লাখ শিপিনী আৰু শিল্পীৰ বাবে হস্ততাঁত উপাৰ্জনৰ এক মুখ্য উৎস বুলি যুক্তি দি তেওঁ হস্ততাঁতৰ সামগ্ৰী ক্ৰয় কৰিবলৈ দেশবাসীক আহ্বান জনায়। আনকি দেশবাসীৰ সৰু সৰু প্ৰচেষ্টাই শিপিনীসকলৰ ক্ষেত্ৰত এক নতুন আশাৰ জন্ম দিয়াৰ লগতে দেশবাসীৰ আন্তৰিক প্ৰচেষ্টাৰ বাবেই আজি খাদী সামগ্ৰীৰ বিক্ৰী বহুগুণে বৃদ্ধি পোৱা বুলিও তেওঁ মন্তব্য কৰে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
overcast clouds
24.3 ° C
24.3 °
24.3 °
96 %
0.3kmh
100 %
Fri
30 °
Sat
31 °
Sun
31 °
Mon
31 °
Tue
31 °

Watch latest Movies & TV Series on Prag Play

Most Popular