spot_img
28 C
Guwahati
28 C
Guwahati
শনিবাৰ, অক্টোবৰ 16, 2021
Homeৰাষ্ট্ৰীয়সাক্ষাৎ যেন লখিমীহে : কিয় সংবাদ শীৰ্ষত এই ছয় ভাৰতীয় নাৰী ?

সাক্ষাৎ যেন লখিমীহে : কিয় সংবাদ শীৰ্ষত এই ছয় ভাৰতীয় নাৰী ?

ডিজিটেল ডেস্ক : সাক্ষাৎ যেন লখিমীহে। দেশৰ ছগৰাকী বিশেষ নাৰীয়ে দখল কৰিছে সংবাদ শিৰোনাম। এই ছগৰাকী নাৰীক স্থান দিয়া হৈছে ফ’ৰ্বছ আলোচনীয়ে যুগুত কৰা ভাৰতৰ ১০০গৰাকী ধনাঢ্য লোকৰ তালিকাত। সাক্ষাৎ লক্ষ্মীস্বৰূপা এই ছগৰাকী নাৰীৰ ধন-সম্পত্তিৰ পৰিমাণ জানিলে আপুনিও আচৰিত হ’ব। ১০০গৰাকী ধনবান ভাৰতীয়ৰ তালিকাত স্থান লাভ কৰা এই ছগৰাকী নাৰীৰ ভিতৰত শীৰ্ষস্থানত আছে অ’পি জিন্দাল গ্ৰুপৰ সাবিত্ৰী জিন্দাল।

তেওঁৰ সম্পত্তিৰ পৰিমাণ হৈছে ১৮বিলিয়ন ডলাৰ অৰ্থাৎ ভাৰতীয় টকাৰ হিচাপত ১৩.৪৬লাখ কোটি টকা। বিগত বৰ্ষৰ তুলনাত তেওঁৰ সম্পত্তিৰ পৰিমাণ বৃদ্ধি পাইছে প্ৰায় ৯.৭২লাখ কোটি টকা। দেশৰ আটাইতকৈ ধনবান মহিলা সাবিত্ৰী জিন্দাল দেশৰ ১০০জন ধনাঢ্যৰ তালিকাৰ সপ্তম স্থানত আছে। দ্বিতীয় সৰ্বাধিক ধনবান মহিলা হৈছে হেভেলছ ইণ্ডিয়াৰ বিনোদ ৰায় গুপ্তা। লিংগ নিৰ্বিশেষে দেশৰ শীৰ্ষ এশ ধনী লোকৰ ভিতৰত তেওঁৰ স্থান ২৪। তেওঁৰ সম্পত্তিৰ পৰিমাণ হৈছে ৫.৬৮ লাখ কোটি। তৃতীয় স্থানত ৩.২৮লাখ কোটি মূল্যৰ সম্পত্তিৰে আছে ইউ এছ ভি প্ৰাইভেট লিমিটেড নামৰ ফাৰ্মাচিউটিকেল এণ্ড বায়’টেকনোলজী প্ৰতিষ্ঠানৰ লীনা তিৱাৰী।

৩.০২লাখ কোটি টকা মূল্যৰ সম্পত্তিৰে বাইজুজৰ সহ প্ৰতিষ্ঠাতা দিব্যা গোকুলনাথ আছে তালিকাৰ চতুৰ্থ স্থানত। ২.৯১লাখ কোটি টকা মূল্যৰ সম্পত্তিৰে বায়’কনছৰ কিৰণ মজুমদাৰ শ্ব’ আছে তালিকাৰ পঞ্চম স্থানত। তেওঁ দেশৰ শীৰ্ষ এশ ধনবানৰ সামগ্ৰিক তালিকাত ৫৩সংখ্যক স্থানত আছে। ছজনীয়া বিত্তৱানৰ তালিকাত থকা আনগৰাকী বিত্তৱান মহিলা হৈছে এমালগেমেচন পৰিয়ালৰ মল্লিকা শ্ৰীনিবাসন। তেওঁৰ সম্পত্তিৰ পৰিমাণ হৈছে প্ৰায় ২.১৬লাখ কোটি টকা।

RELATED ARTICLES

LEAVE A REPLY

Please enter your comment!
Please enter your name here

Watch latest Movies & TV Series on Prag Play

Most Popular