spot_img
24.4 C
Guwahati
Monday, September 20, 2021
spot_img
Homeৰাষ্ট্ৰীয়শোকাৱহ : পথত শুই থকা শ্ৰমিকক মহতীয়াই নিলে বাছে, ১৮জনৰ মৃত্যু

শোকাৱহ : পথত শুই থকা শ্ৰমিকক মহতীয়াই নিলে বাছে, ১৮জনৰ মৃত্যু

লক্ষ্ণৌ : উত্তৰ প্ৰদেশত সংঘটিত হৈছে এক শোকাৱহ দুৰ্ঘটনা। কালি নিশা ৰাজ্যখনৰ বাৰাবাংকী জিলাত এই দুৰ্ঘটনাটো সংঘটিত হয়। দুৰ্ঘটনাত মৃত্যু হয় ১৮জনকৈ শ্ৰমিকৰ। নিয়ন্ত্ৰণ হেৰুওৱা এখন ট্ৰাকে এই শ্ৰমিককেইজনক মহতীয়াই নিয়াৰ ফলতে সংঘটিত হয় এই শোকাৱহ দুৰ্ঘটনা। এই শ্ৰমিককেইজনে পথৰ ওপৰতে এখন বাছৰ সন্মুখত নিশা শুই আছিল। এই বাছখনতে তেওঁলোকে ভ্ৰমণ কৰি আছিল আৰু নিশা বাৰাবাংকীত বাছখন বেয়া হোৱাত তাৰ সন্মুখতে তেওঁলোক শুই পৰে।

সেই সময়তে এখন তীব্ৰবেগী ট্ৰাকে বাছখনত খুন্দা মাৰে আৰু ট্ৰাকৰ খুন্দাত বাছখন শুই থকা শ্ৰমিককেইজনৰ ওপৰেৰে পাৰ হৈ যায়। শ্ৰমিককেইজন বিহাৰৰ বুলি জানিব পৰা গৈছে। তেওঁলোক পঞ্জাব, হাৰিয়ানাৰ পৰা গৃহাভিমুখে বাছখনেৰে যাত্ৰা কৰিছিল। ৰাজ্যখনৰ ৰাজধানী লক্ষৌৰ পৰা ২৮ কিলোমিটাৰ আঁতৰত ৰাষ্ট্ৰীয় ঘাইপথৰ ওপৰতে বাছখনৰ বিজুতি ঘটি বন্ধ হৈ পৰে। এই শোকাৱহ দুৰ্ঘটনাত আহত শ্ৰমিকসকলক হাস্পতালত ভৰ্তি কৰোঁৱা হৈছে।

প্ৰধানমন্ত্ৰী নৰেন্দ্ৰ মোদীয়ে এই শোকাৱহ দুৰ্ঘটনাত প্ৰাণ হেৰুওৱা শ্ৰমিকসকলৰ মৃত্যুত গভীৰ শোক প্ৰকাশ কৰিছে। তেওঁ মুখ্যমন্ত্ৰী আদিত্যনাথেৰে ফোনত কথা পাতি আহতসকলৰ চিকিৎসাৰ সঠিক ব্যৱস্থা কৰাৰ বাবে আহ্বান জনোৱাৰ কথা প্ৰকাশ কৰে। উল্লেখ্য যে, বাছখনত প্ৰায় ১৩০জন আৰোহী আছিল। নিশা আঠমান বজাত যান্ত্ৰিক বিজুতিৰ বাবে বাছখন বন্ধ হৈ পৰে। নিশালৈ একাংশ বাছ আৰোহীয়ে পথতে শুই পৰাৰ লগতে একাংশই খাদ্য গ্ৰহণ কৰি থকাৰ সময়তে নিশা প্ৰায় ১১বজাত এই শোকাৱহ দুৰ্ঘটনা সংঘটিত হয়।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
clear sky
24.4 ° C
24.4 °
24.4 °
92 %
1.1kmh
6 %
Tue
30 °
Wed
27 °
Thu
30 °
Fri
32 °
Sat
33 °

Watch latest Movies & TV Series on Prag Play

Most Popular