Google search engine
29 C
Guwahati
Sunday, July 25, 2021
Google search engine
Homeব্ৰেকিং নিউজআম্বানীৰ জীৱনলৈ ভাবুকিৰ ঘটনা : পোহৰলৈ আহিছে বিস্ফোৰক তথ্য

আম্বানীৰ জীৱনলৈ ভাবুকিৰ ঘটনা : পোহৰলৈ আহিছে বিস্ফোৰক তথ্য

মুম্বাই : মুকেশ আম্বানীৰ ঘৰৰ সন্মুখত বিস্ফোৰকভৰ্তি গাড়ী ৰখোৱাৰ ঘটনাই নিত্য নতুন ৰূপ লোৱা দেখা গৈছে। এই ঘটনাৰ সৈতে জড়িত থকাৰ অভিযোগত নিয়াই মুম্বাই আৰক্ষীৰ এজন বিষয়াক নিজৰ জিম্মাত লোৱাৰ পাছতে এই ঘটনাই ৰাজনৈতিক বিতৰ্কৰ ৰূপ ধাৰণ কৰিছিল। শেহতীয়াকৈ পোহৰলৈ অহা এক তথ্য অনুসৰি মুম্বাই আৰক্ষীৰ গ্ৰেপ্তাৰ হোৱা আৰক্ষী বিষয়া শচীন ৱাজেই ১৭ ফেব্ৰুৱাৰীত মনসুখ হিৰণ নামৰ ব্যৱসায়াগৰাকীক লগ ধৰিছিল।

আৰু পঢ়িব পাৰিব : প্ৰব্ৰজিত শ্ৰমিকৰ বাবে কেন্দ্ৰীয় চৰকাৰৰ বৃহৎ পদক্ষেপ

সেইদিনাই থানেৰ ব্যৱসায়ীগৰাকীৰ মহিন্দ্ৰা স্ক’ৰপিঅ’ গাড়ীখন চুৰি হৈছিল। এটা সূত্ৰই আজি এই তথ্য প্ৰকাশ কৰিছে। এসপ্তাহৰ পাছতে ব্যৱসায়ীগৰাকীৰ এই গাড়ীখন মুকেশ আম্বানীৰ ঘৰৰ সমীপত উদ্ধাৰ হৈছিল আৰু তাত বিস্ফোৰক তথা আম্বানী পৰিয়াললৈ ভাবুকি দি লিখা এখন পত্ৰ উদ্ধাৰ হৈছিল।

ৰাষ্ট্ৰীয় অনুসন্ধানকাৰী সংস্থা ‘নিয়া’, মহাৰাষ্ট্ৰৰ সন্ত্ৰাসবাদবিৰোধী গোট ‘এটিএছ’-এ ঘটনা সম্পৰ্কীয় তিনিটা গোচৰৰ তদন্ত কৰি আছে। সংস্থা দুটাই লাভ কৰা চিচিটিভি ফুটেজত শচীন ৱাজে আৰু ব্যৱসায়ীগৰাকীক মুম্বাইৰ ফ’ৰ্ট এলেকাত লগ হোৱাটো ধৰা পেলাইছে। ব্যৱসায়ী হিৰনৰ মৃতদেহ ৫ মাৰ্চত থানেৰ ক্ৰিকত উদ্ধাৰ হয়।

আৰু পঢ়িব পাৰিব : কৰিমগঞ্জৰ চুড়াইবাৰীত বাহনসহ জব্দ নিচাযুক্ত টেবলেট

তেওঁৰ পত্নীয়ে এই ঘটনাৰ সৈতে ৱাজে জড়িত থকা বুলি অভিযোগ কৰিছে। নিলম্বিত আৰক্ষী বিষয়াজনে ব্যৱসায়ীগৰাকীৰ একেখন গাড়ী চাৰিমাহৰ বাবে ভাড়ালৈ লৈছিল আৰু ৫ ফেব্ৰুৱাৰীতহে তেওঁ সেইখন ওভটাই দিছিল। ১৭ ফেব্ৰুৱাৰীত ৱাজে আৰু হিৰণ এখন ক’লা ৰঙৰ মাৰ্চিডিজ গাড়ীৰ ভিতৰত মিলিত হৈছিল। দহ মিনিট ধৰি তেওঁলোকৰ আলোচনা চলিছিল। তাৰ পাছতে স্কৰপিঅ’ গাড়ীখন চুৰি হৈছিল।

RELATED ARTICLES

Today's Weather

Guwahati
mist
29 ° C
29 °
29 °
84 %
0kmh
75 %
Sun
28 °
Mon
31 °
Tue
29 °
Wed
34 °
Thu
33 °

Watch latest Movies & TV Series on Prag Play

Most Popular