spot_img
24.4 C
Guwahati
Monday, September 20, 2021
spot_img
Homeৰাষ্ট্ৰীয়মোবাইল ফোনত অস্ত্ৰ সংস্থাপন! প্ৰধানমন্ত্ৰীৰ বিৰুদ্ধে বিস্ফোৰক অভিযোগ বিৰোধীৰ

মোবাইল ফোনত অস্ত্ৰ সংস্থাপন! প্ৰধানমন্ত্ৰীৰ বিৰুদ্ধে বিস্ফোৰক অভিযোগ বিৰোধীৰ

নতুন দিল্লী : প্ৰধানমন্ত্ৰী নৰেন্দ্ৰ মোদীয়ে আমাৰ ফোনত একোটাকৈ অস্ত্ৰ সংস্থাপিত কৰিছে আৰু ইয়াক দেশৰ গণতন্ত্ৰৰ আত্মাত আঘাত কৰিবলৈ ব্যৱহাৰ কৰিছে। আৰু এতিয়া এই বিষয়ে বিৰোধীয়ে সংসদত আলোচনা কৰিব বিচাৰিলেও সেই দাবীক নীৰৱ কৰিব বিচাৰিছে। এই বিস্ফোৰক অভিযোগ কৰিছে কংগ্ৰেছৰ প্ৰাক্তন সভাপতি তথা সাংসদ ৰাহুল গান্ধীয়ে। পেগাছাছ কাণ্ডই দেশৰ ৰাজনীতিত তোলপাৰ লগোৱাৰ বিপৰীতে শাসকীয় বিজেপিয়ে এই অভিযোগক নস্যাৎ কৰাৰ লগতে উপেক্ষা কৰিবলৈ চেষ্টা কৰি আহিছে।

কিন্তু চৰকাৰৰ এই বিতৰ্কিত কাৰ্যৰ বিৰুদ্ধে একগোট হোৱা দেখিবলৈ পোৱা গৈছে বিৰোধীক। ১৪টাকৈ বিৰোধী দলে আজি ৰাহুল গান্ধীৰ নেতৃত্বত এই বিষয় লৈ আলোচনাত মিলিত হয়। ‘পেগাছাছ ফোন হেকিং’ কাণ্ডৰ বিৰুদ্ধে একত্ৰিতভাৱে প্ৰতিবাদ কৰা কৌশল যুগুতোৱাৰ বাবে এই বৈঠক আয়োজন কৰা হৈছিল। বৈঠকৰ অন্তত ৰাহুল গান্ধীয়ে সাংবাদিকৰ আগত ভালেমান বিস্ফোৰক অভিযোগ কৰি লগতে কয়, ‘দেশৰ সমগ্ৰ বিৰোধী শক্তি ইয়াত আছে… সংসদত আমাৰ কণ্ঠক চেপি ৰাখিব খোজা হৈছে।

আমি মাত্ৰ এটা কথা জানিব খুজিছোঁ যে, পেগাছাছ ছফ্টৱেৰ চৰকাৰে ক্ৰয় কৰাটো আৰু ইয়াক দেশৰ বিৰোধী শিবিৰৰ একাংশ লোকৰ বিৰুদ্ধে ব্যৱহাৰ কৰাটো হয়নে নহয়?’ ৰাহুল লগতে কয়,. মই জনগণক এটা কথা সুধিব খুজিছোঁ। নৰেন্দ্ৰ মোদীয়ে এবিধ অস্ত্ৰ আপোনাৰ ফোনত সংস্থাপিত কৰিছে, বিৰোধী দলৰ নেতা, সাংবাদিক, সমাজকৰ্মীৰ বিৰুদ্ধে ইয়াক ব্যৱহাৰ কৰিছে। এই বিষয়ে সংসদত এটা আলোচনা হোৱা উচিত হয় নে নহয়? শিৱসেনা, তৃণমূল কংগ্ৰেছ, এনচিপি, ডিএমকে, বাওঁদলকে ধৰি দেশৰ আন কেইবাটাও গুৰুত্বপূৰ্ণ বিৰোধী দলৰ নেতা এই বৈঠকত উপস্থিত আছিল।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
clear sky
24.4 ° C
24.4 °
24.4 °
92 %
1.1kmh
6 %
Tue
30 °
Wed
27 °
Thu
30 °
Fri
32 °
Sat
33 °

Watch latest Movies & TV Series on Prag Play

Most Popular