ভ্ৰমণ পিয়াসী লেখক প্ৰাঞ্জল প্ৰতীম দত্তৰ ‘অন দ্য হুইলঃ শিহৰণকাৰী দুৰ্গম যাত্ৰাৰ দস্তাবেজ’ গ্ৰন্থৰ উন্মোচন

গুৱাহাটীৰ গ্ৰন্থবাৰ্তা প্ৰশাসক গোষ্ঠীয়ে প্ৰকাশ কৰি উলিওৱা গ্ৰন্থখন মঙলবাৰে গুৱাহাটী ক্লাবস্থিত সমলয় সূৰ্যৰ অন্তৰংগ প্ৰেক্ষাগৃহত আনুষ্ঠানিকভাৱে উন্মোচন কৰা হয়৷ বিশিষ্ট লেখক তথা সাংবাদিক মৃণাল তালুকদাৰে অনুষ্ঠানত মুখ্য অতিথি হিচাবে অংশগ্ৰহণ কৰি গ্ৰন্থখন উন্মোচন কৰি কয় যে লেখক প্ৰাঞ্জলৰ ভাষাৰ সাৱলীলতা ঈৰ্ষণীয়৷ তেওঁ গ্ৰন্থখন পঢ়াৰ সময়ত পঢ়ি থকাৰ দৰে নহয়, নিজে সেই স্থানবোৰলৈ গৈ থকাৰ দৰে অনুভৱ কৰা বুলি সদৰি কৰে৷ 

দুই-আঢ়ৈ দশকৰ পূৰ্বে অৰুণাচলৰ বিভিন্ন স্থান ভ্ৰমণ কৰাৰ অভিজ্ঞতাৰ কথা সদৰি কৰি লেখক-সাংবাদিক তালুকদাৰে প্ৰাঞ্জল প্ৰতীম দত্তৰ ভ্ৰমণ কাহিনীবোৰ পঢ়ি পুনৰ সেই স্থানবোৰলৈ গৈ এতিয়াৰ পৰিৱেশৰ অভিজ্ঞতা আহৰণ কৰাৰ ইচ্চাও প্ৰকাশ কৰে৷ অনুষ্ঠানত বিশিষ্ট অতিথি ৰূপে উপস্থিত থাকে সাহিত্যিক মনালিছা শইকীয়া আৰু অসম আৰক্ষীৰ মহা পৰিদৰ্শক প্ৰশান্ত সাগৰ চাংমাই৷