spot_img
11 C
Guwahati
11 C
Guwahati
শনিবাৰ, জানুৱাৰী 29, 2022
Homeৰাষ্ট্ৰীয়নিৰ্বাচনৰ আগে আগে বিজেপি ত্যাগ মন্ত্ৰী-বিধায়কৰ; বিজেপিৰ অফিচলৈ তলা পঠিয়ালে সমাজবাদী পাৰ্টীয়ে

নিৰ্বাচনৰ আগে আগে বিজেপি ত্যাগ মন্ত্ৰী-বিধায়কৰ; বিজেপিৰ অফিচলৈ তলা পঠিয়ালে সমাজবাদী পাৰ্টীয়ে

ডিজিটেল ডেস্কঃ উত্তৰ প্ৰদেশত বিধানসভা নিৰ্বাচনৰ দিন চমু চাপি আহিছে। ইয়াৰ লগে লগে আৰম্ভ হৈছে ৰাজনৈতিক দলৰ কুচকাৱাজ। ইটো দলে সিটো দলক বাকশক্তিৰে আক্ৰমণ কৰা ৰাজনৈতিক যুদ্ধও তুংগত উঠিছে। অহাৰ লগে লগে বিভিন্ন ৰাজনৈতিক দলৰ মাজত ৰাজনৈতিক যুদ্ধ তুংগত উঠিছে।উত্তৰ প্ৰদেশ, গোৱা, মণিপুৰ, পঞ্জাব আৰু উত্তৰাখণ্ডত অনু্ষ্ঠিত হ’বলগীয়া পাঁচ ৰাজ্যৰ বিধানসভা নিৰ্বাচনক লৈ এতিয়া দেশৰ ৰাজনীতিত ব্যাপক চৰ্চা চলিছে। মূলতঃ দুখন ৰাজ্যৰ নিৰ্বাচনৰ ওপৰতে দৃষ্টি নিবদ্ধ হৈ ৰৈছে দেশৰ জনগণৰ। উত্তৰ প্ৰদেশ আৰু পঞ্জাব। পঞ্জাবত শাসকীয় কংগ্ৰেছ আৰু আম আদমী পাৰ্টীৰ মাজতে মূল যুঁজখন হোৱাটো স্পষ্ট হৈ পৰিছে।আনহাতে, উত্তৰ প্ৰদেশত অখিলেশ নেতৃত্বৰ সমাজবাদী পাৰ্টীয়ে শাসন নিজৰ দখললৈ আনিবলৈ যৎপৰোনাস্তি চেষ্টা অব্যাহত ৰাখিছে।

ইয়াৰ মাজতে এক মোক্ষম আঘাত পালে উত্তৰ প্ৰদেশৰ শাসকীয় বিজেপি দলে। ৰাজ্যখনৰ শ্ৰম মন্ত্ৰী তথা জ্যেষ্ঠ বিজেপি নেতা স্বামী প্ৰসাদ মৌৰ্যই মন্ত্ৰীপদ ত্যাগ কৰাই নহয় বিজেপি এৰি যোগদান কৰিছে অখিলেশ যাদৱৰ সমাজবাদী পাৰ্টীত। তাৰ পাছতে দলটোৰ আন তিনিজন বিধায়কেও বিজেপি ত্যাগ কৰে। তিলহাৰৰ বিজেপি বিধায়ক ৰৌছন লাল বাৰ্মা, বিলহাউৰ বিধায়ক ভাগৱতী প্ৰসাদ সাগৰ, আৰপ তণ্ডৱাৰীৰ বিধায়ক ব্ৰজেশ প্ৰজাপতিয়ে দলৰ পৰা পদত্যাগ কৰিছে। স্বামী প্ৰসাদ মৌৰ্যৰ দৰে ৰৌছন লাল বাৰ্মায়ো সমাজবাদী পাৰ্টী যোগ দিয়াৰ সিদ্ধান্ত গ্ৰহণ কৰিছে।

তলা অৰ্ডাৰ কৰাৰ ফটো

বিধানসভা নিৰ্বাচনৰ পূৰ্বে বিজেপিৰ মন্ত্ৰীকে ধৰি বহুকেইজন নেতাই বিজেপি এৰি সমাজবাদী পাৰ্টীত যোগদান কৰাৰ পাছতে সমাজবাদী পাৰ্টীয়ে মঙলবাৰে বিজেপিৰ লক্ষ্ণৌত থকা মুখ্য কাৰ্য্যালয়লৈ এটা তলা অৰ্ডাৰ কৰি পঠিয়াইছে। সমাজবাদী পাৰ্টীৰ মুখপাত্ৰ আই পি সিঙে বিজেপিৰ কাৰ্য্যালয়লৈ তলা অৰ্ডাৰ কৰি পঠোৱাৰ এখন ফটো টুইটাৰত শ্বেয়াৰ কৰে। সমাজবাদী পাৰ্টীৰ মুখপাত্ৰগৰাকীয়ে উক্ত তলাটো বিজেপিৰ কৰ্মকৰ্তাসকলে ১০ মাৰ্চত নিজৰ কাৰ্য্যালয়ত লগাই ঘৰলৈ যাব পাৰিব বুলি লগতে কটাক্ষ কৰে। সমগ্ৰ দেশৰ ৰাজনৈতিক মহলতে সমাদবাদী পাৰ্টীয়ে বিজেপিক কৰা কটাক্ষই চৰ্চা লাভ কৰিছে।

RELATED ARTICLES

Watch latest Movies & TV Series on Prag Play

Most Popular