দিল্লীৰ এখন মাদ্ৰাছাত হৃদয়বিদাৰক ঘটনা ! তিনি নাবালকে হত্যা কৰিলে এটা পাঁচ বছৰীয়া শিশুক

আৰক্ষীৰ সূত্ৰই জনোৱা মতে এই হত্যাকাণ্ডৰ অপৰাধত তিনিগৰাকী নাবালক ছাত্ৰক গ্ৰেপ্তাৰ কৰিছে দিল্লী আৰক্ষীয়ে। গ্ৰেপ্তাৰ হোৱা ছাত্ৰ তিনিজনে  মাদ্ৰাছাৰ পাঠদান বন্ধ কৰিবৰ বাবে ছাত্ৰজনক নিৰ্মমভাৱে হত্যা কৰিছিল,যাতে কেইদিনমানৰ বাবে মাদ্ৰাছাৰ পাঠদান ল’ব লগা নহয় । মৃত শিশুটোৰ ডিঙি, পেট আৰু কঁকালত আঘাত পৰিলক্ষিত হৈছে বুলি আৰক্ষীয়ে জানিবলৈ দিছে।শুকুৰবাৰে নিশা প্ৰায় ৯.৫২ বজাত আৰক্ষীয়ে ব্ৰজপুৰী মাদ্ৰাছাৰ ঘটনা সন্দৰ্ভত খবৰ লাভ কৰিছিল।শনিবাৰে  এই হত্যাকাণ্ডৰ খবৰ ৰাজহুৱা কৰে আৰক্ষীয়ে।মৰণোত্তৰ পৰীক্ষাৰ পাছত ঘটনাৰ সবিশেষ তথ্য জানিব পৰা হব বুলি আৰক্ষীয়ে জানিবলৈ দিয়ে। গোচৰ  সন্দৰ্ভত তদন্ত অব্যাহত ৰাখিছে আৰক্ষীয়ে। পৰিয়ালৰ লোকে সদৰি কৰা মতে, শিশুটিৰ মাতৃ এগৰাকী বন কৰা মহিলা পিতৃ উত্তৰ প্ৰদেশত কাম কৰে মাহেকত এবাৰ সন্তানৰ ওচৰলৈ আহে। মৃত সন্তানৰ বাদে আৰু দুটা সন্তান মাকৰ লগত থাকে।

 

মাদ্ৰাছা খন প্ৰায় ২৫০ জন ল’ৰাই শিক্ষা গ্ৰহণ কৰে।১৫০ গৰাকী মূলতঃ উত্তৰ প্ৰদেশৰ আৰু বাকীসকল শিক্ষাৰ্থী দিল্লীৰ বুলি আৰক্ষীয়ে জানিবলৈ দিয়ে। উল্লেখযোগ্য যে এন.চি.আৰ.বিৰ চি.আই.আই. প্ৰতিবেদনৰ তথ্য মতে ২০১৩ আৰু ২০২২ চনৰ ভিতৰত কিশোৰ অপৰাধৰ সংখ্যা ৪৩,৫০৬ ৰ পৰা ৩০,৫৫৫ লৈ হ্ৰাস পাইছিল। বিগত দহ বছৰত শিশু অপৰাধৰ হাৰ ৩০% হ্ৰাস পাইছে।তালিকাৰ শীৰ্ষত আছে মহাৰাষ্ট্ৰ আৰু মধ্য প্ৰদেশ।