Google search engine
24.6 C
Guwahati
Saturday, July 31, 2021
Google search engine
Homeৰাষ্ট্ৰীয়পেগাছাছ : চৰকাৰৰ গোপন নজৰদাৰিৰ তথ্যই ধুমুহা তুলিছে দেশত

পেগাছাছ : চৰকাৰৰ গোপন নজৰদাৰিৰ তথ্যই ধুমুহা তুলিছে দেশত

নতুন দিল্লী : পেগাছাছ কাণ্ডই দেশৰ ৰাজনীতিত এতিয়া ধুমুহা তুলিছে। ৰাজনীতিক, সাংবাদিক, ৰাজনৈতিক সংগ্ৰামী, ৰাজনৈতিক কৌশল নিৰ্ধাৰক, বিৰোধী দলৰ নেতা আদিৰ ফোনত অনৈতিক হস্তক্ষেপৰ জৰিয়তে নজৰদাৰি কৰাৰ কৰাৰ কথা পোহৰলৈ অহাৰ পাছতে এই বিষয়টোৱে দেশত ব্যাপক প্ৰতিক্ৰিয়াৰ সৃষ্টি কৰিছে। ভাৰতত যিসকল লোকৰ ওচৰত এই বিশেষ প্ৰযুক্তিৰ জৰিয়তে নজৰদাৰি কৰাৰ তথ্য পোহৰলৈ আহিছিল সেই তালিকা কোনে প্ৰস্তুত কৰিছিল তাক লৈও প্ৰশ্নবোধকৰ সৃষ্টি হৈছিল।

এতিয়া এই প্ৰশ্নৰ উত্তৰ দিছে এই প্ৰযুক্তি নিৰ্মানকাৰী প্ৰতিষ্ঠানটোৱে। ইজৰাইলৰ এনএছঅ’ নামৰ কোম্পানীটোৱে পেগাছাছ স্পাইৱেৰ প্ৰগৰেম নিৰ্মাণ কৰে। তেওঁলোকে এই প্ৰযুক্তি কোনো ব্যক্তিগত প্ৰতিষ্ঠানক বিক্ৰী নকৰে বৰং কোনো দেশৰ চৰকাৰকহে কৰে বুলি স্পষ্ট কৰি দিছিল। শেহতীয়াকৈ কোম্পানীটোৱে প্ৰকাশ কৰিছে যে, চৰকাৰে এই ছফ্টৱেৰ ব্যৱহাৰ কৰি যিসকল লোকৰ ওপৰত নজৰদাৰি কৰিছিল সেই তালিকা কোনো কাৰণতে কোম্পানীটোৱে প্ৰস্তুত কৰা তালিকা নহয়।

এনএছঅ’ৰ এগৰাকী মুখপাত্ৰই প্ৰকাশ কৰে যে, ‘এয়া এনএছঅ’ৰ তালিকা নহয়, বা কেতিয়াও নাছিল। এয়া এক বিকৃত ৰূপত প্ৰকাশ কৰা তথ্য।’উল্লেখ্য যে, দ্য ৱায়াৰত দেশৰ ৩০০লোকৰ ফোন নম্বৰত অবৈধ নজৰদাৰিৰ তথ্য ফাদিল কৰি বিস্ফোৰক বাতৰি প্ৰকাশ পাইছিল। এই বাতৰিৰে সমগ্ৰ দেশতে তোলপাৰ লগাইছিল। বিৰোধী দল কংগ্ৰেছৰ নেতা ৰাহুল গান্ধী, ৰাজনৈতিক কৌশল নিৰ্ধাৰক প্ৰশান্ত কিশোৰৰ লগতে ভালেসংখ্যক জ্যেষ্ঠ ৰাজনীতিকৰ ফোনত পেগাছাছ প্ৰযুক্তিৰ জৰিয়তে চোৰাংচোৱাগিৰি কৰাৰ তথ্যই চৰকাৰৰ চৰম অস্বস্তিত পেলাইছে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
overcast clouds
24.6 ° C
24.6 °
24.6 °
95 %
0.2kmh
97 %
Sun
29 °
Mon
31 °
Tue
31 °
Wed
32 °
Thu
33 °

Watch latest Movies & TV Series on Prag Play

Most Popular