spot_img
13 C
Guwahati
13 C
Guwahati
শুক্ৰবাৰ, জানুৱাৰী 28, 2022
Homeৰাষ্ট্ৰীয়ফেইল মাৰিছে ভেকচিনে! ৮১ শতাংশ অ'মিক্ৰন আক্ৰান্তই লৈছিল ডাবল ভেকচিন

ফেইল মাৰিছে ভেকচিনে! ৮১ শতাংশ অ’মিক্ৰন আক্ৰান্তই লৈছিল ডাবল ভেকচিন

ডিজিটেল ডেস্কঃ আকৌ বাঢ়িছে কৰ’নাৰ সংক্ৰমণ। ইফালে ভূতৰ ওপৰত দানহ পৰাদি আহিল অ’মিক্ৰন। এই ভাইৰাছৰ আক্ৰমণে জনসাধাৰণক যেন ঠেলি দিছে আন্ধাৰৰ গহ্বৰলৈ। মানৱ সভ্যতাত কৰ’না ভাইৰাছে বিশ্বত কি প্ৰভাৱ পেলালে সেয়া নতুনকৈ কোৱাৰ নিশ্চয় প্ৰয়োজন নাই। বিশ্বৰ চৌদিশে আৱৰি ধৰিলে বিপৰ্যয় আৰু বিধ্বস্ত অৱস্থাই। বিশ্বৰ শক্তিশালী দেশবোৰো এই ভাইৰাছৰ সন্মুখত পানী পানী হৈ গ’ল। ধন-জনৰ বৃহৎ ক্ষতি হ’ল। কৰ’নাৰ ফলত কোনোবা যদি চিৰদিনলৈ এই পৃথিৱী এৰি গ’ল আন কাৰোবাৰ স্বাস্থ্যৰ প্ৰতি আহিল তীব্ৰ ভাবুকি। কিমানৰ উপাৰ্জনৰ পথ বন্ধ হ’ল…কিমানে চাকৰি হেৰুৱালে তাৰ কোনো লেখ-জোখ নাই। চাৰিওফালে এন্ধাৰ দেখাত এই কৰ’না কালত অসংখ্য লোকে বাচি ল’লে আত্মহননৰ পথ। কৰ’নাই সৃষ্টি কৰা এনে দুৰ্যোগৰ সময়তে এইবাৰ বিশ্বজুৰি আতংক সৃষ্টি কৰিবলৈ আহিল অ’মিক্ৰন।

অ’মিক্ৰন দ্ৰুতগতিত বিয়পি পৰিছে। ইয়াৰ উৎপত্তিস্থল হ’ল দক্ষিণ আফ্ৰিকা। বৰ্তমানলৈকে বিশ্বৰ প্ৰায়কেইখন দেশতে অ’মিক্ৰনৰ সন্ধান পোৱা গৈছে। ভাৰততো অ’মিক্ৰনে আতংকৰ সৃষ্টি কৰিছে। দেশৰ অন্যান্য ৰাজ্যৰ লগতে পশ্চিমবংগতো কৰ’নাৰ নতুন প্ৰজাতি অমিক্ৰণৰ ত্ৰাস অব্যাহত আছে। প্ৰতিদিনে ৰাজ্যত যথেষ্টসংখ্যক লোক কৰ’নাত আক্ৰান্ত হৈছে। মৃত্যুৰ সংখ্যাও বাঢ়িছে। স্বাস্থ্য বিভাগৰ শংকা অনুসৰি বৰ্তমান যিটো হাৰত কৰ’নাৰ সংক্ৰমণ বৃদ্ধি পাইছে তাৰপ্ৰতি লক্ষ্য ৰাখি জানুৱাৰীৰ শেষত ৰাজ্যখনত দৈনিক আক্ৰান্তৰ সংখ্যাই ৩০ হাজাৰৰো অধিক লোক আক্ৰান্ত হ’ব পাৰে বুলি ভবা হৈছে। পশ্চিমবংগত এতিয়ালৈকে ২৭জন অ’মিক্ৰন ৰোগী ধৰা পৰিছে।

উল্লেখযোগ্য কথাটো হ’ল অ’মিক্ৰনত আক্ৰান্ত হোৱা ৮১ শতাংশ ৰোগীয়ে কোভিডৰ ডাবল ভেকচিন লৈছিল। তাৰপাছতো ইমান সংখ্যক লোক অ’মিক্ৰনত আক্ৰান্ত হোৱা ঘটনাৰ পৰা স্পষ্ট হৈছে যে অ’মিক্ৰন ৰোধ কৰাৰ ক্ষেত্ৰত ক’ভিডৰ ভেকচিন কোনো কামত অহা নাই। অৱশ্যে এটা কথা ঠিক যে ক’ভিডৰ দুপালি ভেকচিন লৈ থোৱা বাবেই ৰোগীৰ স্বাস্থ্যৰ অধিক অৱনতি ঘটা নাই আৰু কম সময়ৰ ভিতৰতে অ’মিক্ৰন ৰোগী সুস্থ হৈ উঠিছে। সেয়েহে বাৰে বাৰে প্ৰত্যেক ৰাজ্যৰ চৰকাৰে দুপালি ভেকচিন লোৱাটো বাধ্যতামূলক কৰিছে। যিসকলে এতিয়াও ভেকচিন লোৱা নাই তেওঁলোকক ভেকচিন ল’বৰ বাবে আহ্বান জনাই আহিছে।

আৰু পঢ়কঃ লজ্জাজনক ! ধনৰ অভাৱত গণৰাজ্য দিৱসত নাথাকিব অসমৰ প্ৰতীকপট

RELATED ARTICLES

Watch latest Movies & TV Series on Prag Play

Most Popular