spot_img
28 C
Guwahati
Friday, September 24, 2021
spot_img
Homeআঞ্চলিক‘কিষাণ সন্মান নিধি’ত ৫৫৪ কোটিৰ দুৰ্নীতি, খোদ কৃষিমন্ত্ৰীয়ে দিলে তথ্য

‘কিষাণ সন্মান নিধি’ত ৫৫৪ কোটিৰ দুৰ্নীতি, খোদ কৃষিমন্ত্ৰীয়ে দিলে তথ্য

গুৱাহাটী : প্ৰধানমন্ত্ৰীৰ ‘কিষাণ সন্মান নিধি’ সন্দৰ্ভত আজি এখন সংবাদমেল সম্বোধন কৰি কৃষিমন্ত্ৰী অতুল বৰাই বহু গুৰুত্বপূৰ্ণ তথ্য প্ৰকাশ কৰে৷ কৃষিখণ্ডত অসমত অধিক অনিয়ম সংঘটিত হোৱাৰ লগতে বহুসংখ্যক ভুৱা কৃষক চিনাক্ত হোৱাৰ তথ্য তেওঁ প্ৰকাশ কৰে৷ এই আঁচনিৰ নামত মুঠ ৫৫৪ কোটি টকাৰ বৃহৎ দুৰ্নীতি সংঘটিত হোৱা বুলি তেওঁ তথ্য দাঙি ধৰে৷


তেওঁ প্ৰকাশ কৰা মতে, দুৰ্নীতিৰ শতাংশ হিচাপত ১৯.৭ শতাংশ অনিয়ম এই বিভাগটোত হৈছে৷ এই আঁচনিত অসমত ২৬লাখ কৃষকৰ নাম অন্তৰ্ভুক্ত হৈছিল আৰু ইয়াৰে প্ৰায় ১১ লাখ কৃষক ভুৱা হিচাপে চিনাক্ত হৈছে৷ কৃষিমন্ত্ৰী অতুল বৰাৰ মতে, দেশৰ মুঠ ভুৱা কৃষকৰ প্রায় ৪০শতাংশই অসমৰ৷ তদুপৰি ভুৱা কৃষকৰ সংখ্যা বৰপেটাত সৰ্বাধিক। দ্বিতীয় স্থানত নগাঁও, তৃতীয় স্থানত গোলাঘাট জিলা আছে৷ প্ৰধানমন্ত্ৰী কিষাণ সন্মান নিধিৰ জৰিয়তে ভোটাৰসকলক প্ৰভাৱিত কৰা হৈছিল বুলিও তেওঁ বিস্ফোৰক মন্তব্য কৰে৷

প্ৰধানমন্ত্ৰী কিষাণ সন্মান নিধিৰ দুৰ্নীতিত জড়িত বিষয়া কৰ্মচাৰীৰ বিৰুদ্ধে বৰ্তমানলৈ কোনো তদন্ত হোৱা নাই বুলি প্ৰকাশ কৰি তেওঁ কয়, এতিয়ালৈকে অসমৰ ৮১৭গৰাকী ভুৱা কৃষকে লাভ কৰা ধন ওভতাই দিছে৷ আনহাতে অত্যাৱশ্যকীয় সামগ্ৰীৰ দাম বৃদ্ধি পোৱাৰ বিপৰীতে কেঁচা চাহপাতৰ দাম নিম্নগামী হোৱাৰ কথা প্ৰকাশ কৰি তেওঁ কয়, ইয়াৰ বাবে ক্ষুদ্ৰ চাহ খেতিয়কে দুৰ্ভোগ ভুগিবলগীয়া হৈছে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
mist
28 ° C
30.4 °
28 °
78 %
0kmh
40 %
Fri
33 °
Sat
33 °
Sun
34 °
Mon
31 °
Tue
32 °

Watch latest Movies & TV Series on Prag Play

Most Popular