spot_img
24.4 C
Guwahati
Tuesday, September 21, 2021
spot_img
Homeমনোৰঞ্জনবৃহৎ পৰ্ন ৰেকেটৰ সম্ভেদ পাইছে আৰক্ষীয়ে : ৰাজ কুন্দ্ৰাৰ বিপদ বৃদ্ধি

বৃহৎ পৰ্ন ৰেকেটৰ সম্ভেদ পাইছে আৰক্ষীয়ে : ৰাজ কুন্দ্ৰাৰ বিপদ বৃদ্ধি

মুম্বাই : দেশৰ এগৰাকী ধনাঢ্য ব্যৱসায়ী তথা জনপ্ৰিয় অভিনেত্ৰী শিল্পা ছেট্টীৰ স্বামী ৰাজ কুন্দ্ৰাক গ্ৰেপ্তাৰৰ পাছতে পৰ্নোগ্ৰাফিক ছবি নিৰ্মাণ সম্পৰ্কীয় ভালেমান নতুন তথ্য পোহৰলৈ আহিছে। মুম্বাইত চলি থকা পৰ্ন ৰেকেটৰ এক বিস্তৃত পৰিসৰ থকাৰ সম্ভেদ লাভ কৰিছে আৰক্ষীয়ে। ভালেমান ক্ষুদ্ৰ ক্ষুদ্ৰ প্ৰডাকচন হাউচৰ সহযোগত এই ৰেকেটে নিজৰ কাম চলাই আহিছিল। হটশ্বট নামৰ ষ্ট্ৰিমিং এপ্লিকেচনৰ সৈতে এই প্ৰডাকচন হাউছবোৰ সংযুক্ত আছিল বুলি আৰক্ষীয়ে প্ৰকাশ কৰিছে। এই ষ্ট্ৰিমিং এপটো এতিয়া ডিলিট কৰা হৈছে যদিও আৰক্ষীয়ে এই সম্পৰ্কীয় ভালেমান তথ্য লাভ কৰিবলৈ সক্ষম হৈছে।

এটা সূত্ৰই প্ৰকাশ কৰা মতে, মুম্বাই আৰক্ষীয়ে ৭০টা পৰ্ন ভিডিঅ’ উদ্ধাৰ কৰিবলৈ সক্ষম হৈছে। এই ভিডিঅ’বোৰ ৰাজ কুন্দ্ৰাৰ প্ৰাক্তন ব্যক্তিগত সহায়ক উমেশ কামাটে শ্বুট কৰিছিল। আন ভালেমান প্ৰডাকচন হাউছে এই কামত সহযোগ কৰিছিল। আনহাতে আৰক্ষীয়ে কেৱল হটশ্বট এপৰ কাৰণে নিৰ্মাণ কৰা ৯০টা ভিডিঅ’ উদ্ধাৰ কৰিবলৈ সক্ষম হৈছে।

আৰক্ষীয়ে এতিয়া মুম্বাইৰ এনে ক্ষুদ্ৰ প্ৰডাকচন হাউছবোৰৰ ওপৰতো নজৰ ৰাখিছে। উল্লেখ্য যে, ৰাজ কুন্দ্ৰাৰ বিৰুদ্ধে কেৱল পৰ্ন’গ্ৰাফিক ভিডিঅ’ নিৰ্মাণৰ অভিযোগত গোচৰ ৰুজু হোৱা নাই বৰং তেওঁ ৱেব ছিৰিজত অভিনয়ত সুযোগ দিয়াৰ প্ৰলোভনেৰে বহু লোকক এনে ভিডিঅ’ত ভাগ ল’বলৈ প্ৰৰোচিত কৰাৰো অভিযোগ উত্থাপন হৈছে। ইফালে কুন্দ্ৰাৰ অধিবক্তাই দাবী কৰিছে যে, এই বিশেষ এপটোৰ ভিডিঅ’বোৰ অশ্লীল হ’লেও পৰ্ন’গ্ৰাফিক নহয়।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
clear sky
24.4 ° C
24.4 °
24.4 °
92 %
1.1kmh
6 %
Tue
30 °
Wed
27 °
Thu
30 °
Fri
32 °
Sat
33 °

Watch latest Movies & TV Series on Prag Play

Most Popular