spot_img
17 C
Guwahati
17 C
Guwahati
শনিবাৰ, জানুৱাৰী 29, 2022
Homeৰাজনৈতিকভগবন্ত মান পঞ্জাবৰ পৰৱৰ্তী মুখ্যমন্ত্ৰী! ৭০শতাংশ পঞ্জাৱীয়েই সপক্ষে দিলে মত

ভগবন্ত মান পঞ্জাবৰ পৰৱৰ্তী মুখ্যমন্ত্ৰী! ৭০শতাংশ পঞ্জাৱীয়েই সপক্ষে দিলে মত

ডিজিটেল ডেস্ক : সমাগত পাঁচখন ৰাজ্যৰ বিধানসভা নিৰ্বাচন। এই পাঁচ ৰাজ্যৰ ভিতৰত পঞ্জাব আৰু উত্তৰ প্ৰদেশৰ নিৰ্বাচনে বিশেষ চৰ্চা লাভ কৰিছে। বিগত সময়ছোৱাত কৃষক বিদ্ৰোহে দেশ তোলপাৰ লগোৱাৰ পৰিপ্ৰেক্ষিততে এই নিৰ্বাচনত বিজেপি প্ৰৱল প্ৰত্যাহ্বানৰ সন্মুখীন হোৱাটো নিশ্চিত। বিশেষকৈ পঞ্জাবত বিজেপিয়ে বৰ সুবিধা কৰিব নোৱাৰাটো স্পষ্ট হৈ পৰিছে। উত্তৰ প্ৰদেশতো তেওঁলোকৰ সপক্ষে বা বলাটো অন্ততঃ এতিয়ালৈ স্পষ্ট হোৱা নাই। কিন্তু বিকল্প কি হ’ব? এই প্ৰশ্ন এতিয়া উত্থাপন হ’বলৈ ধৰিছে। উত্তৰ প্ৰদেশত সমাজবাদী পাৰ্টীৰ নেতা তথা প্ৰাক্তন মুখ্যমন্ত্ৰী অখিলেশ যাদৱে আগ্ৰাসী প্ৰচাৰ আৰম্ভ কৰিছে।

কিন্তু পঞ্জাবৰ পৰিস্থিতি কিছু পৃথক যেন বোধ হৈছে। শাসকীয় দল কংগ্ৰেছ অন্তঃকলহত বিধ্বস্ত প্ৰায়। এই বিনাশযাত্ৰাত নেতৃত্ব দিছে পঞ্জাব প্ৰদেশ কংগ্ৰেছৰ সভাপতি নৱজ্যোৎ সিং সিদ্ধুৱে। সিদ্ধুৰ সৈতে থকা সংঘাতৰ বাবেই মুখ্যমন্ত্ৰীৰ আসনেই নহয় দলো ত্যাগ কৰিছে কেপ্টেইন অমৰিন্দৰ সিঙে। নতুন দল গঠন কৰি তেওঁ মিত্ৰতাৰ বাবে বিজেপিৰ কাষ চাপিছে। কিন্তু পঞ্জাবৰ পৰিস্থিতি বিজেপিৰ অনুকূল মুঠেও নহয়। সেইবাবে তেওঁ ক্ষমতা দখলৰ বাবে উঠি-পৰি লাগিছে অৰবিন্দ কেজৰিৱালৰ আম আদমী পাৰ্টী। শেহতীয়াকৈ ২২টাকৈ কৃষক সংগঠনে গঠন কৰা ৰাজনৈতিক দল সংযুক্ত সমাজ মৰ্চায়ো আপৰ কাষ চপাৰ ইংগিত পোৱা গৈছে। মুঠতে পঞ্জাবত আপৰ সম্ভাৱনা অতি উজ্জ্বল। শেহতীয়া এক সমীক্ষাই পুনৰ এই সম্ভাৱনাৰ কথা স্পষ্ট কৰি তুলিছে।

পঞ্জাবৰ সভাপতি মানক প্ৰথম পচন্দ হিচাপে বিচাৰে ৭০শতাংশ লোকে

আম আদমী পাৰ্টীৰ নেতা-কৰ্মীসকলে নিৰ্বাচনৰ পূৰ্বে দলৰ মুখ্যমন্ত্ৰী পদৰ প্ৰাৰ্থী ঘোষণা কৰাটো বিচাৰিছিল। আৰু এই উদ্দেশ্যেই তেওঁলোকে ৰাইজৰ পচন্দৰ প্ৰাৰ্থীনো কোন তাক লৈ এটা দলীয় সমীক্ষা চলাইছিল। এই সমীক্ষাত যিটো নাম সৰ্বসাধাৰণে নিৰ্বাচন কৰিছে সেই নামটো হৈছে ভগৱন্ত মান। আপৰ সাংসদ তথা পঞ্জাবৰ সভাপতি মানক প্ৰথম পচন্দ হিচাপে বিচাৰে ৭০শতাংশ লোকে।

এই পৰিসংখ্যাই বহু নতুন সমীকৰণৰ ইংগিত দিছে। কংগ্ৰেছত নৱজ্যোৎ সিং সিদ্ধুৰ মইমতালি আৰু মুখ্যমন্ত্ৰী চৰণজিৎ সিং চন্নীৰ অসহায় অৱস্থাক ৰাজ্যখনৰ জনগণে নিশ্চয় নেদেখাকৈ থকা নাই। যাৰ বাবে এতিয়া তাৰ বিকল্প হিচাপে মানৰ দৰে নেতাক মু্খ্যমন্ত্ৰীৰ আসনত বহুৱাবলৈ পঞ্জাবৰ জনগণে মানস কৰিছে বুলি ভবাৰ থল আছে। ৰাজ্যখনৰ প্ৰধান বিৰোধী দল আম আদমী পাৰ্টীয়ে এইবাৰ পঞ্জাবৰ শাসন যদি দখল কৰিবলৈ সক্ষম হয় তেন্তে সেয়া এক উল্লেখনী সফলতা বিবেচিত হ’ব আৰু তাৰ বিপৰীতে শাসকীয় কংগ্ৰেছৰ বাবে ই হ’ব এক প্ৰচণ্ড মুখ থেকেচা।

RELATED ARTICLES

Watch latest Movies & TV Series on Prag Play

Most Popular