spot_img
20 C
Guwahati
20 C
Guwahati
দেওবাৰ, জানুৱাৰী 23, 2022
Homeৰাষ্ট্ৰীয়সাংবাদিক ৰাজীৱ শৰ্মাক জামিন প্ৰদান

সাংবাদিক ৰাজীৱ শৰ্মাক জামিন প্ৰদান

ডিজিটেল ডেস্ক: দিল্লী উচ্চ ন্যায়ালয়ে ফ্ৰিলান্স সাংবাদিক ৰাজীৱ শৰ্মাক প্ৰদান কৰিছে জামিন৷ সাংবাদিকগৰাকীৰ বিৰুদ্ধে উত্থাপিত হৈছিল স্নুপিং আৰু দেশবিৰোধী কাৰ্যকলাপৰ অভিযোগ। ২০২০ চনৰ ১ জুলাইত তেওঁক গ্ৰেপ্তাৰ কৰা হৈছিল৷

এনফৰ্চমেণ্ট ডাইৰক্টৰেট চমুকৈ ‘ইডি’-এ তেওঁৰ বিৰুদ্ধে আইপিচি আৰু অফিচিয়েল চিক্ৰেটছ আইনৰ অধীনত দাখিল কৰা এজাহাৰৰ আধাৰত তদন্ত আৰম্ভ কৰিছিল। এইটো অভিযোগ কৰা হৈছিল যে তেওঁ পাৰিশ্ৰমিকৰ বিনিময়ত চীনা বিষয়াসকলক গোপনীয় তথ্য যোগান ধৰিছিল। অনুসন্ধানকাৰী সংস্থাটোৱে কৈছিল যে ইয়াৰ অনুসন্ধানত পোৱা গৈছে যে ৬২ বছৰীয়া শৰ্মাই ‘চীনা চোৰাংচোৱা বিষয়াসকলক গোপনীয় আৰু সংবেদনশীল তথ্য যোগান ধৰিছিল, পাৰিশ্ৰমিকৰ বিনিময়ত। যাৰ ফলত ভাৰতৰ নিৰাপত্তা আৰু ৰাষ্ট্ৰীয় স্বাৰ্থৰ সৈতে আপোচ কৰা হৈছিল।’

ইয়াৰ পূৰ্বে, তেওঁক ২০২০ চনৰ ১৪ ছেপ্টেম্বৰত দিল্লী আৰক্ষীৰ বিশেষ শাখাই গ্ৰেপ্তাৰ কৰিছিল৷ সাংবাদিকৰ বিৰুদ্ধে ভাৰতীয় সেনাৰ নিয়োজন আৰু দেশৰ সীমান্ত ৰণনীতিৰ বিষয়ে চীনা চোৰাংচোৱাক তথ্য প্ৰদান কৰাৰ অভিযোগ আৰোপ কৰা হৈছিল। গ্ৰেপ্তাৰ হোৱাৰ ৬০ দিনৰ ভিতৰত অভিযোগপত্ৰ দাখিল নকৰাৰ ভিত্তিত তেওঁ আইনী জামিন বিচৰাৰ পাছত ২০২০ চনৰ ডিচেম্বৰত দিল্লী উচ্চ ন্যায়ালয়ে তেওঁক জামিন প্ৰদান কৰিছিল।

RELATED ARTICLES

LEAVE A REPLY

Please enter your comment!
Please enter your name here

Watch latest Movies & TV Series on Prag Play

Most Popular