Google search engine
32 C
Guwahati
Monday, August 2, 2021
Google search engine
Homeব্ৰেকিং নিউজকন্যাৰ বলাৎকাৰ, অভিযোগ দাখিলৰ পাছতে দুৰ্ঘটনাত মৃত্যু পিতৃৰ

কন্যাৰ বলাৎকাৰ, অভিযোগ দাখিলৰ পাছতে দুৰ্ঘটনাত মৃত্যু পিতৃৰ

কাণপুৰ : উত্তৰ প্ৰদেশৰ কাণপুৰত সংঘটিত হৈছে চাঞ্চল্যকৰ ঘটনা। এগৰাকী ১৩বছৰীয়া কিশোৰীৰ দলবদ্ধ ধৰ্ষণ হোৱা বুলি অভিযোগ দাখিলৰ দুদিনৰ পাছতে কিশোৰীগৰাকীৰ পিতৃৰ আজি পুৱা পথ দুৰ্ঘটনাত মৃত্যু হয়। নিৰ্যাতিতা কিশোৰীগৰাকীৰ স্বাস্থ্যপৰীক্ষা কৰোঁৱাৰ বাবে হাস্পতাললৈ নিয়াৰ সময়ত হাস্পতালখনৰ বাহিৰতে ৰহস্যজনক দুৰ্ঘটনাত মৃত্যু হয় লোকজনৰ। মন কৰিবলগীয়া যে, এই দলবদ্ধ ধৰ্ষণৰ ঘটনাৰ মূল অভিযুক্ত গোলু যাদৱৰ পিতৃয়ে উত্তৰ-প্ৰদেশ আৰক্ষীত উপ-পৰিদৰ্শক হিচাপে কৰ্মৰত হৈ আছে।

আৰু পঢ়িব পাৰিব :কৃষক বিদ্ৰোহৰ কঁপনি হাৰিয়ানা চৰকাৰত, সলনি হ’ব সমীকৰণ!

কাণপুৰৰ পৰা ১০০ কিলোমিটাৰ আঁতৰৰ কানৌজ জিলাত লোকজন কৰ্মৰত হৈ আছে। নিৰ্যাতিতাৰ পৰিয়ালৰ লোকক দলবদ্ধ ধৰ্ষণৰ গোচৰ ৰুজু কৰাৰ দিনাৰে পৰা নিৰ্যাতনকাৰীৰ পৰিয়ালে নানা ধৰণে ভাবুকি দি অহা বুলি গুৰুতৰ অভিযোগ আনিছে নিৰ্যাতিতাৰ পৰিয়ালে। আৰক্ষীৰ লোকো এই কাণ্ডৰ সৈতে জড়িত থকা বুলি অভিযোগ কৰিছে পৰিয়ালটোৱে। ‘মোৰ পুত্ৰক হত্যা কৰা হৈছে আৰু আৰক্ষীৰ লোকে এই কামত সহযোগ কৰিছে।’- নিহত লোকজনৰ পিতৃয়ে শোকাকুল অৱস্থাৰে এই অভিযোগ আনে।

আৰু পঢ়িব পাৰিব :দেশৰ বয়োজ্যেষ্ঠতম : ১০৩বছৰীয়াই গ্ৰহণ কৰিলে ক’ভিড ভেকচিন

মঙলবাৰেও কিশোৰীগৰাকীৰ পৰিয়ালৰ লোকে তেওঁলোকক আৰক্ষীৰ ভয় দেখুৱাই ভাবুকি দিয়াৰ অভিযোগ আনিছিল। মূল অভিযুক্তজনৰ জ্যেষ্ঠ ভাতৃয়ে ‘মোৰ দেউতা এজন উপ-পৰিদৰ্শক, সাৱধান’- বুলি ভাবুকি দিছিল। তাৰ এদিনৰ পাছতে কন্যাৰ স্বাস্থ্যপৰীক্ষা কৰোঁৱাই চাহ খাবলৈ হাস্পতালৰ পৰা বাহিৰলৈ ওলাই অহা লোকজনক এখন ট্ৰাকে মহটিয়াই নিয়ে। কাণপুৰৰ শীৰ্ষ আৰক্ষী বিষয়া ডঃ প্ৰীতিন্দৰ সিঙে এই বিষয়ে প্ৰকাশ কৰিছে। হিন্দী চলচ্চিত্ৰৰ কাহিনীৰ দৰে ধৰ্ষিতাৰ পৰিয়ালৰ মুখ বন্ধ কৰিবলৈ এনে সন্দেহজনক ‘হত্যাকাণ্ড’ সংঘটিত কৰাৰ ঘটনাই চাঞ্চল্যৰ সৃষ্টি কৰিছে।

RELATED ARTICLES

Today's Weather

Guwahati
haze
32 ° C
32.4 °
32 °
70 %
1.5kmh
75 %
Mon
32 °
Tue
28 °
Wed
31 °
Thu
33 °
Fri
33 °

Watch latest Movies & TV Series on Prag Play

Most Popular