spot_img
27 C
Guwahati
Monday, September 20, 2021
spot_img
Homeমনোৰঞ্জনএয়াৰপ’ৰ্টত ছলমানক বাধা : কি হ’ল চিআইএছএফৰ জোৱানৰ?

এয়াৰপ’ৰ্টত ছলমানক বাধা : কি হ’ল চিআইএছএফৰ জোৱানৰ?

মুম্বাই : ছলমান খানক বাধা দিব পাৰে কোনে? চলচ্চিত্ৰতেই হওক বাব ৰিয়েল লাইফতেই হওক একপ্ৰকাৰ অপ্ৰতিৰোধ্য ভাইজান। তেওঁক স্বচক্ষে এবাৰ দেখাৰ বাবে অসংখ্য অনুৰাগীয়ে কামনা কৰি থাকে। তেওঁক কোনোবাই কিবা কামৰ পৰা বাৰণ কৰাটো সেইবাবে স্বপ্নৰো অগোচৰ এক কথা। কিন্তু সেইগৰাকী ছলমান খানকে বাধা দিলে। ছলমানৰ অপ্ৰতিৰোধ্য গতিত গতিৰোধক হৈ থিয় দিয়া লোকজন এতিয়া চৰ্চাৰ কেন্দ্ৰবিন্দু হৈ পৰিছে।

ঘটনাটো সংঘটিত হৈছিল মুম্বাই বিমানবন্দৰত। ছলমানৰ নতুন ছবি ‘টাইগাৰ-৩’ শ্বুটিঙস্থলীলৈ উৰা মৰাৰ বাবে বিমানবন্দৰত উপস্থিত হৈছিল তাৰকাগৰাকীয়ে যাৱতীয় নিৰাপত্তজনিত পৰীক্ষা সম্পূৰ্ণ নকৰাকৈ টাৰ্মিনেলত প্ৰৱেশৰ বাবে অগ্ৰসৰ হৈছিল। সেই সময়তে তেওঁক বাধা দিয়ে চিআইএছএফৰ এগৰাকী কৰ্তব্যৰত জোৱানে। এই ভিডিঅ’ ব্যাপকভাৱে চৰ্চিত হৈ পৰে আৰু বিভিন্ন মাধ্যমত জোৱানজনৰ কৰ্তব্যনিষ্ঠাক লৈ বহুতেই প্ৰশংসা কৰাও দেখা যায়।

কিন্তু ছলমানক বাধা দিয়া জোৱানজনক চিআইএছএফ-এ শাস্তি বিহা বুলি বাতৰি প্ৰচাৰ হৈছিল। এই বাতৰি আজি নস্যাৎ কৰিছে চিআইএছএফ কৰ্তৃপক্ষই। বৰং কৰ্তব্যৰত অৱস্থাত দেখুওৱা অসাধাৰণ নিষ্ঠা আৰু আপোচহীনতাৰ বাবে তেওঁক পুৰস্কৃতহে কৰা হৈছে বুলি প্ৰকাশ কৰে চিআইএছএফ-এ। এটা টুইটযোগে কেন্দ্ৰীয় ঔদ্যোগিক সুৰক্ষা বাহিনীয়ে এই কথা প্ৰকাশ কৰিছে। উল্লেখ্য যে, টাইগাৰ-৩ৰ শ্বুটিঙৰ বাবে বৃহস্পতিবাৰে ৰাছিয়ালৈ উৰা মাৰিছিল ছলমান আৰু কেটৰিনা।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
mist
27 ° C
27 °
27 °
89 %
0kmh
75 %
Mon
32 °
Tue
31 °
Wed
30 °
Thu
31 °
Fri
32 °

Watch latest Movies & TV Series on Prag Play

Most Popular