spot_img
28 C
Guwahati
28 C
Guwahati
শনিবাৰ, অক্টোবৰ 16, 2021
Homeব্ৰেকিং নিউজঅসমীয়া ছবিত ছনু ছুদ; দেৱজিত ভূঞাৰে কি কথা পাতিলে তাৰকাগৰাকীয়ে?

অসমীয়া ছবিত ছনু ছুদ; দেৱজিত ভূঞাৰে কি কথা পাতিলে তাৰকাগৰাকীয়ে?

ডিজিটেল ডেস্ক: বলীউডৰ এগৰাকী তাৰকা অভিনেতা ছনু ছুদে বিগত সময়ছোৱাত তেওঁৰ সমাজসেৱা আৰু জনহিতকৰ কামবোৰৰ বাবেও বিশেষভাৱে চৰ্চালৈ আহিছিল। কৰ’নাৰ সময়ত ব্যাপক সমস্যাৰ সন্মুখীন হোৱা প্ৰব্ৰজিত শ্ৰমিকসকলক স্বগৃহলৈ সুকলমে ঘূৰাই পঠোৱাৰ বাবে তেওঁ গ্ৰহণ কৰিছিল ভালেমান পদক্ষেপ। অসমলৈও বিস্তৃত হৈছিল তেওঁৰ জনহিতকৰ কাম। লকডাউনত আবদ্ধ কৰা অসমৰ ভালেকেইজন শ্ৰমিকক তেওঁ বিমানযোগে পঠিয়াইছিল শিলচৰলৈ।

অসম আৰু উত্তৰ-পূবৰ লোকসকলৰ কাষত সদায়েই থাকিবলৈ ইচ্ছুক ছনু ছুদে শেহতীয়াকৈ প্ৰকাশ কৰিছে তেওঁৰ আন এক হাবিয়াসৰ কথা। অসমীয়া চলচ্চিত্ৰত অভিনয় কৰিবলৈ ইচ্ছুক বলীউডৰ এই অবিসম্বাদী খলনায়কগৰাকী। ‘প্ৰাগ নিউজ’ৰ এছ’চিয়েট এডিটৰ দেৱজিত ভূঞাৰে আছুতীয়াকৈ কথা পতাৰ সময়ত তেওঁৰ এই হাবিয়াসৰ কথা প্ৰকাশ কৰে। উল্লেখ্য যে, এছ’চিয়েট এডিটৰ ভূঞাই মুম্বাইত সাক্ষাৎ কৰিছিল তাৰকাগৰাকীক। অসমৰ স্বাভিমান গামোচা আৰু গঁড়ৰ প্ৰতীকচিহ্নৰে তেওঁ তাৰকাগৰাকীক সম্ভাষণ জনায়। দুয়ো এক আন্তৰিক বাৰ্তালাপত মিলিত হোৱাৰ সময়ত ছুদে অসমীয়া ছবিত তেওঁ অভিনয় কৰিব বিচাৰে বুলি ব্যক্ত কৰে। ছুদৰ এই আকাংক্ষা পূৰণ হ’লে সেয়া অসমীয়া চলচ্চিত্ৰৰ বাবে এক চমকপ্ৰদ খবৰ হিচাপে বিবেচিত হ’ব। উল্লেখ্য যে, গঁড়ৰ প্ৰতীকচিহ্ন হাতত লৈ তেওঁ অসমৰ স্বাভিমান কাজিৰঙা সন্দৰ্ভতো ভূঞাৰে কথা পাতে। অসম আৰু অসমীয়াৰ প্ৰতি স্নেহবাৰ্তা প্ৰেৰণ কৰি তাৰকাগৰাকীয়ে অসমৰ প্ৰতি তেওঁৰ আন্তৰিকতাৰ কথাও ব্যক্ত কৰে আগ্ৰহেৰে।

RELATED ARTICLES

LEAVE A REPLY

Please enter your comment!
Please enter your name here

Watch latest Movies & TV Series on Prag Play

Most Popular