spot_img
27 C
Guwahati
Saturday, September 25, 2021
spot_img
Homeআঞ্চলিকছাত্ৰীক যৌন নিৰ্যাতন কবিৰাজৰঃ পলাতক অভিযুক্ত

ছাত্ৰীক যৌন নিৰ্যাতন কবিৰাজৰঃ পলাতক অভিযুক্ত

মৰাণঃ নন্দিতা শইকীয়াৰ নৃশংস হত্যাকাণ্ডৰ চাঞ্চল্য মাৰ নাযাওঁতেই ৰাজ্যত সংঘটিত হৈছে ইটোৰ পাছত সিটো নাৰী নিৰ্যাতনৰ ঘটনা৷ এইবাৰ মৰাণৰ খোৱাঙত এগৰাকী দ্বাদশ শ্ৰেণীৰ ছাত্ৰীক এটা ভণ্ড কবিৰাজে যৌন নিৰ্যাতন চলোৱাৰ গুৰুতৰ অভিযোগ উত্থাপিত হৈছে৷ খোৱাং আজাৰগুৰিৰ নিবাসী গৌতম কলিতা নামৰ লম্পটটোৱে দীৰ্ঘদিনে চোৱা-চিতাৰ জৰিয়তে বিভিন্ন লোকৰ চিকিৎসা কৰি আহিছিল৷ স্থানীয় ৰাইজৰ অভিযোগ অনুসৰি গৌতম কলিতাই কবিৰাজীৰ নামত প্ৰলোভনেৰে বিভিন্ন লোকৰ পৰা দাবী কৰিছিল বৃহৎ পৰিমাণৰ ধন৷

বিগত ২৪ আগষ্টত খোৱাঙৰ এগৰাকী ১৬ বছৰীয়া কিশোৰীক চিকিৎসাৰ নামত বন্ধ কোঠাত আবদ্ধ কৰি গৌতম কলিতাই যৌন নিৰ্যাতন চলাইছিল৷ এই বিষয়ে কিশোৰীগৰাকীয়ে পিতৃক অৱগত কৰাৰ পাছতে খোৱাং আৰক্ষী থানাত কবিৰাজগৰাকীৰ বিৰুদ্ধে এজাহাৰ দাখিল কৰে৷ খোৱাং আৰক্ষীয়ে কিশোৰীগৰাকীৰ পিতৃৰ এজাহাৰৰ ভিত্তিত এক গোচৰ পঞ্জীয়ন কৰি তেওঁক গ্ৰেপ্তাৰৰ বাবে পদক্ষেপ গ্ৰহণ কৰিছে যদিও বিগত এটা সপ্তাহে পলাতক হৈ আছে গৌতম কলিতা৷

কবিৰাজৰ কৰ্মকাণ্ডত ক্ষুদ্ধ স্থানীয় ৰাইজে আজি কবিৰাজটোৰ ঘৰৰ সন্মুখতে প্ৰতিবাদ সাব্যস্ত কৰি গৌতম কলিতাক শীঘ্ৰে গ্ৰেপ্তাৰ কৰি কঠোৰ শাস্তি প্ৰদানৰ দাবী জনায়৷ লগতে গৌতম কলিতাৰ ভণ্ড ব্যৱসায় বন্ধ কৰাৰো দাবী জনায় স্থানীয় ৰাইজে৷ ঘটনাস্থলীত খোৱাং আৰক্ষী উপস্থিত হৈ দোষীক শীঘ্ৰে গ্ৰেপ্তাৰৰ আশ্বাস দিয়াত পৰিস্থিতি শান্ত হয়৷

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
broken clouds
27 ° C
27 °
27 °
94 %
0kmh
75 %
Sat
33 °
Sun
33 °
Mon
31 °
Tue
30 °
Wed
30 °

Watch latest Movies & TV Series on Prag Play

Most Popular