spot_img
32 C
Guwahati
Saturday, September 25, 2021
spot_img
Homeবিশ্বতালিবানী! আফগানিস্তানত নিষ্ঠুৰতা, অমানৱীয়তাৰ নতুন নজিৰ মৌলবাদীৰ

তালিবানী! আফগানিস্তানত নিষ্ঠুৰতা, অমানৱীয়তাৰ নতুন নজিৰ মৌলবাদীৰ

কাবুল : তালিবানে কাবুল দখল কৰাৰ পাছত আপাততঃ বাৰে বাৰে উদাৰতাৰ বাৰ্তা প্ৰদান কৰি আহিছে যদিও মৌলবাদী সন্ত্ৰাসবাদী সংগঠনটোৰ নিষ্ঠুৰতা আৰু বৰ্বৰতাৰ কাহিনীও এতিয়া পোহৰলৈ আহিবলৈ আৰম্ভ কৰিছে। ২০ বছৰ পূৰ্বৰ তালিবান আজি আৰু নাই বুলি পতিয়ন নিয়াবলৈ সংগঠনটোৱে অহৰহ চেষ্টা কৰিছে যদিও তেওঁলোকৰ বৰ্বৰতাৰ নানা কাহিনীয়ে আজিও মানৱতাক পদাঘাত কৰিছে।

তালিবানৰ বৰ্বৰতাৰ শেহতীয়া উদাহৰণ এতিয়া পুনৰ পোহৰলৈ আহিছে। সংবাদ মাধ্যমত এই বৰ্বৰতা আৰু অমানৱীয়তাৰ কাহিনী প্ৰকাশ পাইছে। দুজন তালিবানে এজন সমকামী লোকক হত্যা তথা অকথ্য অত্যাচাৰ কৰাৰ তথ্য পোহৰলৈ আহিছে। সম্প্ৰতি ঘটনাটোক কেন্দ্ৰ কৰি তীব্ৰ প্ৰতিক্ৰিয়াৰ সৃষ্টি হৈছে সৰ্বত্ৰে। কাবুলত লোকজনক হত্যা কৰাৰ পাছত বন্য উল্লাসত মৃতদেহৰ ওপৰতে নিষ্ঠুৰ নিৰ্যাতন চলায় তালিবানৰ দলে।

উল্লেখ্য যে, পূৰ্বৰ চুক্তি অনুসৰি আমেৰিকাই আফগানিস্তানৰ পৰা ইতিমধ্যে সৈন্য প্ৰত্যাহাৰ কৰিছে। তাৰ পাছতে মৌলবাদী সংগঠনটো উচ্ছ্বসিত হৈ পৰিছে। আজিৰ দিনটোতহে আফগানিস্তানে প্ৰকৃত স্বাধীনতা লাভ কৰা বুলিও প্ৰকাশ কৰিছে তালিবানে। মহিলা-পুৰুষ উভয়ৰে অধিকাৰ খৰ্ব নকৰাৰ আশ্বাস দিয়া স্বত্বেও শেহতীয়া ঘটনাই তালিবানৰ প্ৰকৃত স্বৰূপ পুনৰ প্ৰকট কৰি তুলিছে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
thunderstorm
32 ° C
32 °
32 °
66 %
1.5kmh
75 %
Sat
31 °
Sun
34 °
Mon
32 °
Tue
30 °
Wed
30 °

Watch latest Movies & TV Series on Prag Play

Most Popular